កម្ពុជា មានឱនភាពពាណិជ្ជកម្មជាមួយចិន រហូតដល់ជាង១៣ពាន់លានដុល្លារនៅ១០ខែឆ្នាំនេះ
ការដោះដូរពាណិជ្ជកម្មរវាងកម្ពុជា ជាមួយចិន នៅក្នុងរយៈពេល១០ខែឆ្នាំ២០២៥ សម្រេចបានទំហំរហូតដល់ជិត១៦ពាន់លានដុល្លារអាម៉េរិក មានការកើនឡើងជាង…
យោងតាមឯកសារស្រាវជ្រាវ ដែលមានចំណងជើង «ផលប៉ះពាល់សេដ្ឋកិច្ចនៃពន្ធគយរបស់សហរដ្ឋអាមេរិកមកលើប្រទេសកម្ពុជា» របស់ធនាគារអភិវឌ្ឍន៍អាស៊ី ដែលបានចេញផ្សាយនៅថ្ងៃទី ១១ ខែវិច្ឆិកា ឆ្នាំ ២០២៥ បានបង្ហាញថា ពន្ធគយ ១៩% ជាក់ស្តែងនាពេលបច្ចុប្បន្ន ដែលសម្រេចបានពីការចរចាទ្វេភាគី ក្នុងខែសីហា ឆ្នាំ២០២៥ នេះ នឹងមានផលប៉ះពាល់តិចតួចប៉ុណ្ណោះ លើប្រទេសកម្ពុជា នៅឆ្នាំ ២០២៦ និងឆ្នាំបន្តបន្ទាប់។
ប៉ុន្ដែ ធនាគារ ADB ក៏បានគូសរំលេចអំពី ស្ថានភាពនៅតែមិនច្បាស់លាស់ និងផុយស្រួយ ដែលអាចនឹងធ្វើឱ្យអត្រាពន្ធគយកើនខ្ពស់ផងដែរ។ ក្នុងករណីអត្រាពន្ធគយកើនខ្ពស់ ADB ព្យាករថា វានឹងអាចពន្យឺតកំណើនសេដ្ឋកិច្ចកម្ពុជាជិត ១% ធ្វើឱ្យពលរដ្ឋប្រមាណ ១០ម៉ឺននាក់ អត់ការងារធ្វើ និងបង្កើនអត្រាភាពក្រីក្រលើពី ១% ដែលអាច ទាញថយក្រោយនូវការវិវត្តថ្មីៗរបស់កម្ពុជា ក្នុងការកាត់បន្ថយភាពក្រីក្រ។ ក្នុងនោះ ផលប៉ះពាល់នឹងធ្ងន់ធ្ងរ ជាពិសេសសម្រាប់កម្មករក្នុងវិស័យកាត់ដេរ និងអេឡិចត្រូនិច ដែលអាចនាំដល់ការផ្លាស់ប្តូរទៅវិស័យដែលមានប្រាក់ចំណូលទាបជាងមុនដូចជា វិស័យកសិកម្ម និងសេវាកម្មទូទៅ។
សេដ្ឋវិទូរបស់ ADB ប្រចាំប្រទេសកម្ពុជា លោកបណ្ឌិត Milan Thomas ដែលជាអ្នកដឹកនាំចងក្រងឯកសារស្រាវជ្រាវនេះមានប្រសាសន៍ថា «មន្ត្រីជំនាញរបស់រាជរដ្ឋាភិបាល និង វិស័យឧស្សាហកម្មកំពុងបន្តតាមដានស្ថានការណ៍យ៉ាងដិតដល់ក្នុងរយៈពេលជាច្រើនខែ។ ការវិភាគរបស់ពួកគាត់បង្ហាញថា ពន្ធគយខ្ពស់ដែលបានដាក់កាលពីដើមឆ្នាំអាចជាបន្ទុកសេដ្ឋកិច្ចដ៏ធ្ងន់ ប៉ុន្តែអត្រាពន្ធ ១៩% ក្នុងពេលបច្ចុប្បន្នគឺមិនអីទេ។»
ឯកសារស្រាវជ្រាវនេះផ្តល់ជាអនុសាសន៍ថា បើមានស្ថានភាពនៃការដំឡើងពន្ធគយ វិធានការសង្គ្រោះ បណ្តោះអាសន្ន រួមមានជំនួយសង្គម សេវាកម្មការងារ និងកម្មវិធីបណ្តុះបណ្តាល អាចត្រូវបានពង្រឹងដើម្បីសម្រួលការប្រែប្រួលទីផ្សារការងារ និងការពារពលរដ្ឋដែលងាយរងគ្រោះ។ ក្នុងរយៈពេលវែងជាងនេះ ការ វិនិយោគដែលកំពុងបន្ត លើសមត្ថភាពប្រកួតប្រជែងផ្នែកសេដ្ឋកិច្ច តាមរយៈហេដ្ឋារចនាសម្ព័ន្ធ មូលធនមនុស្ស និងកំណែទម្រង់អាជីវកម្ម នឹងកសាងភាពធន់របស់កម្ពុជាសម្រាប់វិបត្តិនាពេលអនាគត។
ធនាគារអភិវឌ្ឍន៍អាស៊ី (ADB) កាលពីចុងខែកញ្ញា បានបន្ទាបការព្យាករកំណើនសេដ្ឋកិច្ចកម្ពុជា ពី៦,១% មកនៅត្រឹម៤,៩% សម្រាប់ឆ្នាំ២០២៥ និងពី ៦,២% មកនៅត្រឹម៥% សម្រាប់ឆ្នាំ២០២៦ ដោយឆ្លុះបញ្ចាំងពីបញ្ហាប្រឈមសេដ្ឋកិច្ចទាក់ទងនឹងភាពតានតឹងភូមិសាស្ត្រនយោបាយជាមួយប្រទេសថៃ និងភាពមិនច្បាស់លាស់ជុំវិញទីផ្សារនាំចេញទៅសហរដ្ឋអាម៉េរិក។ អតិផរណារបស់កម្ពុជា ត្រូវបានរំពឹងថា នឹងមានជាមធ្យមប្រមាណ ២% ទាំងនៅក្នុងឆ្នាំ២០២៥ និងឆ្នាំ២០២៦។
