សមិទ្ធផលដ៏ធំធេងនេះ មិនត្រឹមតែឆ្លុះបញ្ចាំងពីកំណើនយ៉ាងឆាប់រហ័ស នៃទិន្នផលផលិតកម្មដែកថែបរបស់ប្រទេសវៀតណាមប៉ុណ្ណោះទេ ប៉ុន្តែវាក៏ឆ្លុះបញ្ចាំងពីភាពឯករាជកាន់តែខ្លាំងឡើង និងការធ្វើពិពិធកម្មផលិតផលដែកថែបជាច្រើនប្រភេទរបស់ប្រទេសក្បែរខាងកម្ពុជានេះផងដែរ។
លោក ញៀម ស័ន ដា (Nghiem Xuan Da) ប្រធានសមាគមដែកថែបវៀតណាម (VSA) បានគូសបញ្ជាក់ថា ចាប់តាំងពីឆ្នាំ២០១៥ មក វៀតណាម បានក្លាយជាប្រទេសផលិតដែកថែបដ៏លេចធ្លោនៅក្នុងតំបន់អាស៊ាន ទាំងផ្នែកផលិតកម្ម និងការប្រើប្រាស់ផលិតផលដែកសម្រេច។ នៅក្នុងឆ្នាំ២០២៣ ការផលិតដែករបស់វៀតណាម បានឈានដល់២០លានតោនក្នុងមួយឆ្នាំ ដែលជាលទ្ធផលធ្វើឱ្យប្រទេសនេះជាប់ចំណាត់ថ្នាក់លេខ១២ ក្នុងចំណោមប្រទេសផលិតដែកថែបធំៗបំផុតទូទាំងពិភពលោក៕
ដោយ: តែម សុខុម
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។