ខ្លាចអន្តរជាតិដឹងការពិត ថៃជះលុយជិត៣០ម៉ឺនដុល្លារ ដើម្បីផ្សព្វផ្សាយកាឡៃព័ត៌មានពាក់ព័ន្ធជម្លោះព្រំដែនជាមួយខ្មែរ
រដ្ឋាភិបាលថៃហាក់ដូចជាកំពុងមានការព្រួយបារម្ភ និងជ្រួលច្របល់ខ្លាំង ខ្លាចបាត់បង់ប្រៀបខាងផ្នែកព័ត៌មាននៅលើឆាកអន្តរជាតិ។ ជាក់ស្តែងកាលពីពេលថ្មី…
ជំនួបសម្ដែងការគួរសម និងពិភាក្សាការងារ ដើម្បីរាយការណ៍អំពីវឌ្ឍនភាពនៃគម្រោងវិនិយោគចិញ្ចឹមស្វាសម្រាប់ការនាំចេញ និងយុទ្ធសាស្ត្រថ្មីៗនៃគម្រោងវិនិយោគរបស់ខ្លួន ដែលបានបោះទុនរហូតដល់ ៥០០ លានដុល្លារអាម៉េរិកនៅក្នុងទឹកដីខេត្តកំពង់ធំរបស់កម្ពុជា។
លោក Varun Bhat អនុប្រធានផ្នែកយុទ្ធសាស្ត្រ និងភស្តុភារ នៃក្រុមហ៊ុន CRL បានជម្រាបជូនអំពីវឌ្ឍនភាពនៃគម្រោងរបស់ក្រុមហ៊ុន CRL ដែលបានចាប់ផ្តើមប្រតិបត្តិការ តាំងពីខែមករា ឆ្នាំ២០២៦ កន្លងទៅ ដោយគិតមកទល់ពេលនេះ ក្រុមហ៊ុនបាននាំចេញសត្វស្វានៅដំណាក់កាលដំបូង (NHPs) ទៅកាន់ទីផ្សារប្រទេសកាណាដា និងសហរដ្ឋអាម៉េរិករួចហើយ។ ជាងនេះទៅទៀត ក្រុមហ៊ុនក៏បានពង្រីកកសិដ្ឋាន ដោយបានបង្កើតការងារបន្ថែម និងបានដំឡើងប្រាក់ឈ្នួលខ្ពស់ជាងមុន ព្រមទាំងបង្កើនការយកចិត្តទុកដាក់ខ្ពស់លើការលើកកម្ពស់សមត្ថភាព និងសុវត្ថិភាពការងារ ស្របតាមច្បាប់ការងារនិងស្ដង់ដាកម្រិតសកល សំដៅឈានទៅសម្រេចមហិច្ឆតានៃការរីកលូតលាស់ក្នុងភាពជាដៃគូអភិវឌ្ឍរយៈពេលវែងជាមួយកម្ពុជា។ ជាមួយគ្នានេះ ក្រុមហ៊ុនក៏បានបង្ហាញឆន្ទៈវិនិយោគពង្រីកមន្ទីរពិសោធន៍ស្រាវជ្រាវ និងសកម្មភាពសិក្សាស្រាវជ្រាវឱ្យកាន់តែស៊ីជម្រៅបន្ថែម ដើម្បីបង្កើនតម្លៃបន្ថែមសេដ្ឋកិច្ចក្នុងមូលដ្ឋានខេត្តកំពង់ធំ។
ឯកឧត្តមឧបនាយករដ្ឋមន្ត្រីប្រចាំការ បានវាយតម្លៃខ្ពស់ និងសម្តែងនូវការគាំទ្រយ៉ាងពេញទំហឹងចំពោះការរីកចម្រើនរបស់ក្រុមហ៊ុន CRL ព្រោះថាគម្រោងវិនិយោគនេះ គឺជាជំហានដ៏ល្អមួយសម្រាប់កម្ពុជា ក្នុងការឈានជើងចូលទៅក្នុងខ្សែច្រវាក់តម្លៃសកល និងការបង្កើតតម្លៃបន្ថែមខ្ពស់សម្រាប់សេដ្ឋកិច្ចជាតិ។ ទន្ទឹមនឹងនេះ ឯកឧត្តមឧបនាយករដ្ឋមន្ត្រីប្រចាំការ ក៏បានបង្ហាញនូវការពេញចិត្តយ៉ាងខ្លាំង ចំពោះការចូលរួមចំណែករបស់ក្រុមហ៊ុន ក្នុងការគាំទ្រដល់សហគមន៍ជុំវិញតំបន់កសិដ្ឋាន ពិសេសការបង្កើតកញ្ចប់ថវិកា CSR ប្រចាំឆ្នាំ ដើម្បីគាំទ្រវិស័យអប់រំ សុខាភិបាល ហេដ្ឋារចនាសម្ព័ន្ធ និងកម្មវិធីអភិវឌ្ឍយុវជន ដើម្បីចែករំលែកផលប្រយោជន៍ដល់សហគមន៍ជុំវិញ និងប្រជាពលរដ្ឋនៅមូលដ្ឋានឱ្យទទួលបានផលប្រយោជន៍ពីគម្រោងវិនិយោគនេះ។
ក្នុងឱកាសនោះផងដែរ ឯកឧត្តមឧបនាយករដ្ឋមន្ត្រីប្រចាំការ បានលើកទឹកចិត្តដល់ក្រុមហ៊ុនឱ្យបន្តពង្រីកខ្សែច្រវាក់តម្លៃបន្ថែមទៀត ដោយឈានទៅបង្កើតមន្ទីរពិសោធន៍ស្រាវជ្រាវ (Lab) នៅក្នុងខេត្តកំពង់ធំ។ ការធ្វើបែបនេះ នឹងអនុញ្ញាតឱ្យមានការផ្ទេរចំណេះដឹង និងបច្ចេកវិទ្យាពីអ្នកជំនាញអន្តរជាតិដល់បុគ្គលិកនិយោជិតខ្មែរ ជាពិសេសប្រជាជនខេត្តកំពង់ធំ ឱ្យទទួលបាននូវជំនាញពិតប្រាកដ និងមានឱកាសទទួលបានការងារដែលស្របតាមស្តង់ដាអន្តរជាតិ និងមានប្រាក់ឈ្នួលខ្ពស់។ លើសពីនេះ ឯកឧត្តមក៏បានលើកទឹកចិត្តឱ្យក្រុមហ៊ុនទទួលទិញការផ្គត់ផ្គង់ចំណីសត្វ ជាពិសេសគឺផ្លែចេកដាំដោយប្រជាកសិករខេត្តកំពង់ធំផ្ទាល់ ដើម្បីជួយសហគមន៍មូលដ្ឋានឱ្យមានទីផ្សារ និងទទួលបានផលប្រយោជន៍សេដ្ឋកិច្ចផ្ទាល់ពីក្រុមហ៊ុន ដែលនឹងរួមចំណែកដល់ការលើកកម្ពស់ជីវភាពប្រជាជនខេត្តកំពង់ធំ ក៏ដូចជារួមចំណែកដល់ការធានាភាពធន់សេដ្ឋកិច្ចរបស់កម្ពុជាផងដែរ។
