តើពេលណាសេដ្ឋកិច្ចកម្ពុជាស្ទុះងើបឡើងក្នុងរង្វង់ ៧%ឡើងវិញ?
នៅមុនពេលកូវីដ១៩ចូលមកលុកលុយ សេដ្ឋកិច្ចកម្ពុជាធ្លាប់មានកំណើនប្រចាំឆ្នាំប្រមាណជាង៧% តួយ៉ាងនៅឆ្នាំ២០១៩កំណើនសេដ្ឋកិច្ចកម្ពុជាមាន៧,១% ប៉ុន្ដែ …
តាមការរាយការណ៍ពីទីភ្នាក់ងារព័ត៌មានរ៉យទ័រ ភាគហ៊ុនរបស់ក្រុមហ៊ុន Apple បានកើនឡើងប្រហែល ១១% កាលពីសប្តាហ៍មុន ដោយបានពង្រីកការកើនឡើងច្រើនជាង ៣០% បើគិតចាប់ពីដើមឆ្នាំរហូតមកទល់ពេលនេះ ខណៈដែលអ្នកវិនិយោគនៅតែមានទំនុកចិត្តថា អ្នកប្រើប្រាស់នឹងបន្តចំណាយប្រាក់ដើម្បីទិញទូរស័ព្ទ iPhones, MacBooks និងផលិតបច្ចេកវិទ្យាផ្សេងៗទៀតរបស់ក្រុមហ៊ុននេះ។
នៅត្រឹមរយៈពេលតែ ១៦ខែប៉ុណ្ណោះ តម្លៃទីផ្សារក្រុមហ៊ុន Apple ត្រូវបានគេមើលឃើញថា បានកើនឡើងពី ២ទ្រីលានដុល្លារអាមេរិក មកដល់ជិត៣ទ្រីលានដុល្លារអាមេរិក ដែលបាននាំមុខក្រុមហ៊ុនយក្សៗជាច្រើនទៀត ដូចជាក្រុមហ៊ុន Alphabet Inc ដែលជាក្រុមហ៊ុនរបស់ Google, ក្រុមហ៊ុន Microsoft និងក្រុមហ៊ុន Amazone ជាដើម។
លោក Brian Frank ប្រធានគ្រប់គ្រងផលប័ត្រនៅក្រុមហ៊ុន Frank Capital បាននិយាយថា ឥឡូវនេះ Apple គឺជាក្រុមហ៊ុនមួយក្នុងចំណោមក្រុមហ៊ុនដែលមានតម្លៃច្រើនជាងគេនៅក្នុងទីផ្សារ ដែលបង្ហាញពីភាពលេចធ្លោនៃបច្ចេកវិទ្យារបស់សហរដ្ឋអាមេរិកនៅក្នុងពិភពលោក។
យ៉ាងណាមិញ ប្រសិនបើតម្លៃទីផ្សារក្រុមហ៊ុន Apple ឈានដល់ ៣ ទ្រីលានដុល្លារ នោះ ក្រុមហ៊ុន Microsoft នឹងក្លាយជាក្រុមហ៊ុនទី ២ តែមួយគត់ដែលមានតម្លៃ ២ ទ្រីលានដុល្លារ ដែលជាទីផ្សារខ្ពស់បន្ទាប់ពី Apple ខណៈដែល Alphabet, Amazon និង Tesla ម្នាក់ៗ មានតម្លៃ១ទ្រីលានដុល្លារ។
សូមជម្រាបថា ការលេចចេញនៃបច្ចេកវិទ្យាដូចជា 5G និងបញ្ញាសិប្បនិម្មិតជាកត្តាជំរុញជួយដល់ក្រុមហ៊ុន Apple និងភាគហ៊ុនក្រុមហ៊ុនបច្ចេកវិទ្យាធំៗ ដែលមានតម្លៃទីផ្សារខ្ពស់ដូចក្រុមហ៊ុន Apple ដែលនៅតែមានការពេញចិត្ត និងគាំទ្រពីវិនិយោគិន ខណៈដែលសេដ្ឋកិច្ចពិភពលោក និងខ្សែចង្វាក់ផ្គត់ផ្គងក៏ពឹងផ្អែកលើបច្ចេកវិទ្យាទំនើបៗទាំងនោះផងដែរ៕
អត្ថបទ៖ ស៊ើង និមល់
None
