អេស៊ីលីដាម៉ូបាល ជំនាន់ទី៥.៦ ផ្ដល់អត្ថប្រយោជន៍កាន់តែច្រើននិងពិសេសដល់អ្នកប្រើ!
ព័ត៌មាន
•
ប្រសិនបើអ្នកប្រើប្រាស់ អេស៊ីលីដាម៉ូបាល របស់ធនាគារ អេស៊ីលីដា អ្នកអាចនឹងបានកត់សម្គាល់នូវភាពប្លែកខ្លះៗ នាពេលថ្មីៗបំផុតនេះ ។ ឥឡូវ…
វ៉ាក់សាំងនេះ គឺជាជំនួយបឋមដែលផ្តល់ដោយមជ្ឈមណ្ឌលកូវ៉ាក់ (COVAX Facility) ដែលបើតាមការបញ្ជាក់របស់សម្តេចតេជោនាយករដ្ឋមន្ត្រី គម្រោង COVAX នេះ នឹងផ្តល់ឲ្យ ២០ភាគរយ នៃចំនួនប្រជាជន ១៦លាននាក់ ដែលស្មើនឹង៣លាន២សែននាក់ ឬស្មើនឹងវ៉ាក់សាំងចំនួន ៦លាន ៤សែនដូស។
សម្ដេចតេជោបានសរសេរដូច្នេះថា «ប្រសិនបើពុំមានការប្រែប្រួលទេ វ៉ាក់សាំងនេះនឹងមកដល់កម្ពុជានៅម៉ោង១៩:៥០ល្ងាច ថ្ងៃទី២ មីនា២០២១ ។ ឯកឧត្តម ម៉ម ប៊ុនហេង នឹងតំណាងឲ្យរាជរដ្ឋាភិបាលកម្ពុជា ទទួលយកវ៉ាក់សាំងនេះពីតំណាងអង្គការសុខភាពពិភពលោក និងតំណាងអង្គការ យូនីសេហ្វ ប្រចាំកម្ពុជា នៅយប់ថ្ងៃទី២ មីនា២០២១ នៅព្រលានយន្តហោះអន្តរជាតិភ្នំពេញ ។»
សម្តេចក៏បានថ្លែងនៅក្នុងសារហ្វេសប៊ុកផងដែរថា សម្ដេចនឹងចាក់វ៉ាក់សាំង AstraZeneca នេះ នៅថ្ងៃទី៤ ខែមីនា ឆ្នាំ២០២១ នៅមន្ទីរពេទ្យកាល់ម៉ែត ។
គួរបញ្ជាក់ថា កម្ពុជា កន្លងមក បានទទួលវ៉ាក់សាំងដែលជាជំនួយរបស់ប្រទេសចិន បាន ៣០ម៉ឺនដូសហើយ ក្នុងចំណោម ៦០ម៉ឺនដូសដែលចិនបានសន្យាបរិច្ចាគឲ្យ ។ ហើយដំណើរការចាក់វ៉ាក់សាំងរបស់ប្រទេសចិននេះ ក៏កំពុងប្រព្រឹត្តទៅផងដែរ ៕
