ការដាក់ឲ្យដំណើរការសាកល្បងនេះបានធ្វើឡើងនៅសណ្ឋាគារ Garden City ដែលមានការចូលរួមពីអ្នកជំនួញល្បីៗមកពីប្រទេសចិនចំនួន១២០នាក់ និងអ្នកជំនួញមកពីប្រទេសវៀតណាម ប្រមាណ១០០នាក់។
ក្រុមហ៊ុន Empire World Groups Asia គ្រោងនឹងវិនិយោគទីក្រុងរណបនៅក្រុងបាវិត ដែលក្នុងនោះមានផ្ទៃដីប្រមាណ ៨០០ហិកតា រួមមាន មជ្ឈមណ្ឌលកម្សាន្ត លំនៅដ្ឋាន សួនឧទ្យាន និងតំបន់ឧស្សាហកម្ម។
ទីក្រុងរណបថ្មីនេះគ្រោងនឹងចំណាយពេលប្រមាណ ១៥ឆ្នាំ ដើម្បីបញ្ចប់ ខណៈពេលដែលដំណាក់កាលដំបូង ក្រុមហ៊ុនមួយនេះចាប់ផ្តើមការសាងសង់លើអឹផាតមិន ចំនួន ៥៦៦យូនីត ដែលមានទំហំទឺកប្រាក់វិនិយោគប្រមាណ ៥០០លានដុល្លារ។
អត្ថបទទាក់ទង!
លោក Eric Loo នាយកប្រតិបត្តិក្រុមហ៊ុន Empire World Groups Asia បានសម្រេចវិនិយោគលើទីក្រុងរណបនៅក្រុងបាវិតនេះ ដោយសារតែក្រុមហ៊ុនរបស់លោកបានមើលឃើញក្រុងមួយនេះជាច្រកព្រំដែនអន្តរជាតិ និងជាមជ្ឍមណ្ឌលកណ្តាលរវាងទីក្រុងភ្នំពេញ ប្រទេសកម្ពុជា និងទីក្រុងហូជីមិញ ប្រទេសវៀតណាម។
លោក Eric Loo បានបញ្ជាក់យ៉ាងដូច្នេះថា «ខ្ញុំមើលឃើញថា ប្រទេសកម្ពុជាជាប្រទេសដែលមានកំណើនសេដ្ឋកិច្ចយ៉ាងលឿន ក្នុងតំបន់និងទទួលបានការចាប់អារម្មណ៍វិនិយោគច្រើន។ ចំណែកក្រុងបាវិតជាមណ្ឌលកណ្តាលរវាងទីក្រុងភ្នំពេញនិងទីក្រុងហូជីមិញ។ ការកសាងផ្លូវនិងខ្សែក្រវាត់របស់ចិន និងការកសាងផ្លូវល្បឿនលឿននឹងធ្វើឲ្យមានការតភ្ជាប់មកកាន់ទីក្រុងរណបកាន់តែងាយស្រួលនិងចំណាយរយៈពេលខ្លី។»
លោក Eric បានបញ្ជាក់ថា នៅពេលដែលគម្រោងទាំងមូលបានបញ្ចប់ទីក្រុងរណបមួយនេះ អាចនឹងទទួលប្រជាជនប្រមាណ២០ម៉ឺននាក់ឯណោះ៕
None
