ប្រជាពលរដ្ឋរស់នៅក្នុងទីក្រុងរណបហ្គ្រេនភ្នំពេញ ចំនួន ១៤០ នាក់ បានដាក់ពាក្យស្នើសុំអន្តរាគមន៍/ទប់ស្កាត់ការលុបស្រះទឹកទៅកាន់ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ឲ្យជួយអន្តរាគមន៍រក្សាទុក/ទប់ស្កាត់ការលុបបឹង ដែលមានបណ្ដោយប្រវែង ៤២៣ ម៉ែត្រ ទទឹងប្រហែល ២៤៥ ម៉ែត្រ ស្ថិតនៅតាមបណ្ដោយវិថីហ្គ្រេនកែងផ្លូវខាងលិចស្រះទឹក ក្នុងទីតាំងបុរីទីក្រុងរណបអន្តរជាតិ ហ្គ្រេនភ្នំពេញ ស្របតាមប្លង់សរុប ដែលបានអនុញ្ញាតជាផ្លូវការ និងផ្សព្វផ្សាយជាសាធារណៈចាប់ពីឆ្នាំ២០០៦ ដល់ឆ្នាំ២០១៩ ដើម្បីប្រើប្រាស់ជាប្រយោជន៍រួមសម្រាប់សហគមន៍។
ពលរដ្ឋរស់នៅក្នុងបុរីទីក្រុងរណបហ្គ្រេនភ្នំពេញ ចងប៉ាដា តវ៉ាប្រឆាំងនឹងការលុបបឹង ពីសំណាក់ក្រុមហ៊ុន ជីប ម៉ុង លែន
អត្ថបទទាក់ទង!
យោងតាមលិខិតដដែលនេះ បានបញ្ជាក់ថា «ក្រុមហ៊ុន (ជីប ម៉ុង លែន) នឹងធ្វើការលុបបឹង (ស្រះទឹក) នៅក្នុងទីតាំងបុរីទីក្រុងរណបអន្តរជាតិហ្គ្រេនភ្នំពេញនេះ ដើម្បីសាងសង់លំនៅឋានលក់ក្នុងគម្រោងថ្មីរបស់ខ្លួន។។
តំណាងពលរដ្ឋតវ៉ាចំពោះការលុបបឹងនេះ បានគូសបញ្ជាក់ថា ពួកគេសូមជំទាស់ចំពោះការលុបបឹង (ស្រះទឹក) ដែលជាការកែប្រែប្លង់សរុបរបស់បុរីទីក្រុងរណបអន្តរជាតិហ្គ្រេនភ្នំពេញ ឬការកែប្រែផ្លាស់ប្តូរមុខងារប្រើប្រាស់ដីនៅទីតាំងនេះ។
ខេមបូណូមីស បានទាក់ទងទៅកាន់ក្រុមហ៊ុន ជីប ម៉ុង លែន ជុំវិញនឹងការតវ៉ាករណីលុបបឹងនេះដែរ ប៉ុន្ដែខាងក្រុមហ៊ុនបញ្ជាក់ថា នឹងចេញសេចក្ដីថ្លែងការណ៍ទាក់ទងនឹងរឿងនេះ នៅពេលក្រោយ៕
ពលរដ្ឋរស់នៅក្នុងបុរីទីក្រុងរណបហ្គ្រេនភ្នំពេញ ចងប៉ាដា តវ៉ាប្រឆាំងនឹងការលុបបឹង ពីសំណាក់ក្រុមហ៊ុន ជីប ម៉ុង លែន
ពលរដ្ឋរស់នៅក្នុងបុរីទីក្រុងរណបហ្គ្រេនភ្នំពេញ ចងប៉ាដា តវ៉ាប្រឆាំងនឹងការលុបបឹង ពីសំណាក់ក្រុមហ៊ុន ជីប ម៉ុង លែន
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
