ក្នុងដំណើរនេះ លោក ជេក ម៉ា មិនមែនទៅដោយដៃទទេរទេ គឺនាំយកសំណាងទៅឲ្យយុវជនអាហ្វ្រិកផងដែរ គឺលោកប្រកាសថា ក្រុមហ៊ុន Alibaba របស់លោកនឹងអញ្ជើញយុវជនអាហ្វ្រិក ២៥០០នាក់ ឲ្យមកទីក្រុង ហាងចូវ (Hangzhou) រៀងរាល់ឆ្នាំ និងបណ្ដុះបណ្ដាលពួកគេអំពីមុខរបរពាណិជ្ជកម្មនៅលើអនឡាញ (e-commerce)។
បន្ទាប់មក ពួកគេ២៥០០នាក់នេះ នឹងយកចំណេះដឹងទៅបង្រៀនបន្តដល់យុវជនផ្សេងទៀតនៅប្រទេសកំណើតរបស់ពួកគេ។
ជាមួយគ្នានេះដែរ លោក ជេក ម៉ា ក៏បានថ្លែងប្រាប់និស្សិតនៅសកលវិទ្យាល័យ ណៃរ៉ូប៊ី ផងដែរថា ក្រុមហ៊ុន Alibaba ក៏នឹងបញ្ជូនក្រុមហ៊ុនការងារមកកាន់អាហ្វ្រិកដើម្បីជួយគាំទ្រដល់យុវជនអាហ្វ្រិកដទៃទៀតដែរ។
អត្ថបទគួរអាន!!!
ក្នុងវ័យ ៥៣ឆ្នាំ បច្ចុប្បន្ន លោក ជេក ម៉ា សហគ្រិនពាណិជ្ជកម្មអនឡាញដ៏ល្បីល្បាញ គឺជាអ្នកមានទ្រព្យច្រើនជាងគេបំផុតនៅអាស៊ី និងមានជាងគេបំផុតទី១៤ នៅលើពិភពលោក។ នេះបើយោងតាមបញ្ជីមហាសេដ្ឋីពិភពលោករបស់ Bloomberg។
ឆ្នាំនេះ គេប៉ាន់ប្រមាណថា ទ្រព្យសម្បត្តិលោក ជេក ម៉ា មានដល់ទៅជាង ៤៣ពាន់លានដុល្លារ។ ចំនួននេះ បើគិតជាលុយរៀលខ្មែរយើងប្រហែលគិតគាំងម៉ាស៊ីនគិតលេខក៏មិនដឹង!!!
