មេរោគបំប្លែងថ្មីឌែលតាកំពុងបន្តកើនឡើងក្នុងប្រទេសកម្ពុជា បើគិតចាប់តាំងពីថ្ងៃទី៣១ ខែមីនា ឆ្នាំរហូតមកដល់ថ្ងៃទី១៩ ខែសីហា២០២១ បានរកឃើញករណីឆ្លងមេរោគបំប្លែងថ្មីនេះសរុប ៨៦៣ ករណីហើយ ទាំងលើអ្នកដំណើរមកពីបរទេសតាមជើងហោះ ពលករខ្មែរត្រឡប់ពីប្រទេសថៃ ពីវៀតណាម និងប្រជាជនក្នុងសហគមន៍។
សូមជម្រាបថា មេរោគបំប្លែងថ្មីនេះបានប៉ះពាល់ហូតដល់ទៅ ២៣រាជធានី-ខេត្ត លើកលែងតែ២ខេត្តខេត្តប៉ុណ្ណោះគឺខេត្តកែប និងខេត្តក្រចេះ នៅមិនទាន់រកឃើញករណីមេរោគបំប្លែងថ្មី ឌែលតានៅឡើយទេ។ ក្នុងនោះ រាជធានី-ខេត្តចំនួន ៤ ដែលត្រូវបានរកឃើញករណីឆ្លងមេរោគឌែលតាច្រើនជាងគេ គឺរាជធានីភ្នំពេញ មានចំនួន ១៦៨ករណី, ខេត្តឧត្តរមានជ័យ ១៦៥ករណី, ខេត្តសៀមរាប ១៣០ករណី និង បន្ទាយមានជ័យ ១១៦ករណី។
អត្ថបទគួរអាន
យោងតាមលទ្ធផលខាងលើនេះបង្ហាញថា មេរោគបំប្លែងថ្មីឌែលតា បាននិងកំពុងបន្តរាតត្បាតវាយលុកចូលក្នុងសហគមន៍ជាពិសេស រាជធានីភ្នំពេញ ខេត្តឧត្តរមានជ័យ សៀមរាប ព្រះវិហារ កំពង់ចាម កំពង់ធំ កណ្ដាល បន្ទាយមានជ័យ និងបណ្ដាខេត្តមួយចំនួនទៀត។
ទន្ទឹមនេះ ក្រសួងសុខភិបាលនៅតែបន្តអំពាវនាវឱ្យប្រជាជនបន្តប្រុងប្រយ័ត្នខ្ពស់ ការពារខ្លួន អនុវត្តវិធាំនការ ៣ការពារ ៣កុំ បើទោះបីជាប្រជាជនបានទទួលការចាក់វ៉ាក់សាំងហើយក្ដី ដើម្បីបង្ការ គ្រប់គ្រង និងកាត់ផ្ដាច់នូវខ្សែចម្លងនៃជំងឺកូវីដ១៩ ជាពិសេសមេរោគបំប្លែងថ្មីឌែលតាដែលអាចកើតឡើងជាយថាហេតុណាមួយ។
សូមបញ្ជាក់ថា គិតត្រឹមថ្ងៃទី ២៩ខែសីហា កម្ពុជាមានអ្នកឆ្លងសរុបកើនដល់ជាង៨ម៉ឺន៨ពាន់នាក់ហើយ អ្នកជាសះស្បើយមានជាង៨ម៉ឺន៣ពាន់នាក់ និងអ្នកស្លាប់មានជាង១ពាន់៧រយនាក់៕
អត្ថបទ៖ ស៊ើង និមល់
None
