ស្រាបៀរ Ganzberg គឺជាអ្នកឧបត្ថម្ភផ្តាច់មុខសម្រាប់កម្មវិធីប្រកួតបវរកញ្ញាពិភពលោកឆ្នាំ២០១៧នេះ ដែលនឹងត្រូវធ្វើឡើងនៅថ្ងៃទី១៨ ខែវិច្ឆិកា ឆ្នាំ២០១៧ នៅសាលមហោស្រពកោះពេជ្រ រាជធានីភ្នំពេញ និងផ្សាយផ្ទាល់លើកញ្ចក់ទូរទស្សន៍ ហង្ស មាស និងរស្មីហង្សមាស។
ប្រធានបទឆ្នាំនេះ គឺ«ការផ្តល់អំណាចដល់ស្ត្រី ការធ្វើសមាហរណកម្មវប្បធម៌ និងការបង្ហាញរូបសម្ផស្សដ៏ស្រស់ស្អាតរបស់ស្រ្តី» (Empowering woman, embracing cultures. Embodying the beauty within)។
តើអ្នកបានអានអត្ថបទនេះ ឬនៅ?
កម្មវិធីប្រកួតបវរកញ្ញាពិភពលោកនាឆ្នាំ២០១៧នេះ ក៏ជាការអបអរសាទរខួបគម្រប់៥ឆ្នាំ នៃកម្មវិធីប្រកួតបវរកញ្ញាពិភពលោកផងដែរ ហើយចង់បង្ហាញពីមុខមាត់និងសក្តានុពលរបស់ប្រទេសកម្ពុជាទៅកាន់ពិភពលោក តាមរយៈការធ្វើជាម្ចាស់ផ្ទះក្នុងការប្រកួតប្រជែង ដែលមានលក្ខណៈអន្តរជាតិដ៏សំខាន់ជាលើកដំបូងនេះ នៅលើទឹកដីអច្ឆរិយៈ និងពោរពេញដោយសម្បត្តិវប្បធម៌ដ៏សម្បូរបែប ហើយកម្មវិធីនេះមានគោលបំណងកៀងគររកមូលនិធិដើម្បីទ្រទ្រង់និងធ្វើសកម្មភាពមនុស្សធម៌ ផងដែរ។
បេក្ខនារីទាំង៧២ប្រទេស ដែលនឹងត្រូវចូលរួមក្នុងការប្រកួតបវរកញ្ញាពិភពលោក ឆ្នាំ២០១៧ នឹងតម្រូវឲ្យទៅទស្សនកិច្ច និងចូលរួមក្នុងសកម្មភាពមួយចំនួន នៅតាមទីសាធារណៈ និងសាលារៀន នៅក្នុងរាជធានីភ្នំពេញ និងនៅតាមបណ្តាខេត្តនានា ដើម្បីជាការចូលរួមចំណែកក្នុងការលើកកម្ពស់វិស័យទេសចរណ៍ ភាពសម្បូរបែបនៃវប្បធម៌ អរិយធម៌ សកម្មភាពមនុស្សធម៌ និងភាពស្រស់ស្អាតជាសកល៕
