អម្រឹត ពន្យារពេលការសងបំណុល ដល់អតិថិជនជាង១២ម៉ឺននាក់ ដែលប៉ះពាល់ដោយជំងឺកូវីដ១៩
គ្រឹះស្ថានមីក្រូហិរញ្ញវត្ថុ អម្រឹត បាននិងកំពុងជួយសម្រួលបន្ទុកដល់អតិថិជនឥណទាន ដែលជួបការលំបាកខ្លាំងដោយសារជំងឺកូវីដ១៩។ ន…
បើតាមក្រសួងសុខាភិបាល នៅព្រឹកថ្ងៃទី ២០ ខែមេសានេះដែរ ករណីជាសះស្បើយថ្មី មានចំនួន ២ករណីទៀត ខណៈដែលករណីឆ្លងថ្មី គឺពុំមានរកឃើញនោះទេ។
ក្រសួងសុខាភិបាល បានឲ្យដឹងទៀតថា គិតចាប់ពីខែមករា ដល់ថ្ងៃទី ១៩ ខែមេសា ចំនួនសរុបវត្ថុសំណាក ដែលបានធ្វើវិភាគទាំងអស់មានចំនួន ៩.៧៩២ សំណាក នៅទូទាំងប្រទេស ដែលក្នុងចំណោមប្រជាជនមួយលាននាក់ កម្ពុជាបានធ្វើការវិភាគវត្ថុសំណាកចំនួន ៦១២ សំណាក ហើយចំនួន បង្ហាញថា កម្ពុជាបានអនុវត្តធ្វើតេស្ដរកវីរុសកូវីដ-១៩ បានច្រើនជាងបណ្ដាប្រទេសមួយចំនួនក្នុងតំបន់អាស៊ាន ដូចជាភូមា, ឡាវ, ឥណ្ឌូនេស៊ី, និងហ្វីលីពីន។
យោងតាមប្រសាសន៍សម្តេច ហ៊ុន សែន បានគូសបញ្ជាក់ថា «ទោះបីពេលនេះ ប្រទេសយើងគ្មានការដាក់បម្រាមហាមឃាត់តឹងតែងក្នុងការធ្វើដំណើរពីខេត្តមួយ ទៅកាន់ខេត្តមួយក្ដី បងប្អូនប្រជាពលរដ្ឋត្រូវមានការប្រុងប្រយ័ត្នយកចិត្តទុកដាក់ចំពោះសុវត្ថិភាពសុខភាពជាប្រចាំ ហើយត្រូវចងចាំគ្រប់ពេលថា ជំងឺឆ្លងកូវីដ-១៩ គឺជាជំងឺឆ្លងរាតត្បាតដ៏កាចសាហាវបំផុត ដែលក្នុងតែមួយប៉ព្រិចភ្នែកប៉ុណ្ណោះ វាអាចបង្កវិនាសកម្មបានយ៉ាងឆាប់រហ័ស»៕
None
