ស្រីលង្កានឹងចាប់ផ្ដើមចរចាកិច្ចព្រមព្រៀងពាណិជ្ជកម្មជាមួយបរទេសឡើងវិញ ក្រោយផ្អាកអស់ច្រើនឆ្នាំ
ប្រទេសស្រីលង្កានឹងចាប់ផ្តើមការចរចាកិច្ចព្រមព្រៀងពាណិជ្ជកម្មជាមួយ ប្រទេសឥណ្ឌា ចិន និងប្រទេសថៃឡើងវិញ បន្ទាប់ពីបានផ្អាករយៈពេល៤ឆ្នាំ ខណៈប្រទេសដែ…
ដោយឡែក បើតាមការអះអាងពីមន្ត្រីជំនាញកម្ពុជា បានអះអាងប្រាប់ខេមបូណូមីសនៅថ្ងៃទី ៦ខែមករានេះថា ថ្នាក់ដឹកនាំនៃប្រទេសទាំងពីរ បានជួបគ្នាកាលពីចុងខែធ្នូឆ្នាំ២០២២រួចហើយ ដើម្បីកំណត់កាលបរិច្ឆេទសម្រាប់ការចរចាគ្នាជាថ្មីទៀតក្នុងពេលខាងមុខ។
ការជំរុញរបស់ភាគីថៃឲ្យមានការពិភាក្សាស្ដីពីការរុករងប្រេងលើតំបន់ត្រួតស៊ីគ្នារវាងកម្ពុជា និងថៃនេះ ធ្វើឡើងបន្ទាប់ពីគណៈរដ្ឋមន្ត្រីថៃមានការពិភាក្សាក្រៅផ្លូវការមួយកាលពីថ្ងៃអង្គារទី៣ខែមករា អំពីការអភិវឌ្ឍរួមគ្នាជាមួយកម្ពុជានៃធនធានប្រេង ដែលត្រូវបានភាគីថៃប៉ាន់ស្មានថាមានតម្លៃ ៥ទ្រីលានបាត ឬស្មើនឹងជាង ១៤៧ពាន់លានដុល្លារអាមេរិក។
ចំណែកភាគីកម្ពុជាវិញ កន្លងមកក៏បានបង្ហាញពីសញ្ញាវិជ្ជមាន សម្រាប់ការចង់បើកកិច្ចចរចាឡើងវិញអំពីការអភិវឌ្ឍនៅតំបន់ប្រេងត្រួតស៊ីគ្នា (OCA) រវាងកម្ពុជា និងថៃនេះផងដែរ។ ការចរចាដោះស្រាយវិវាទលើតំបន់ទាមទារត្រួតស៊ីគ្នា ត្រូវបានពន្យារអស់ពេល២០ឆ្នាំមកហើយ បន្ទាប់ពីប្រទេសទាំងពីរ បានបរាជ័យក្នុងការចរចាកាលពីឆ្នាំ២០០១។ មែនទែនទៅ ថៃនិងកម្ពុជា មានការជួបជជែកគ្នាជាហូរហែ នៅប៉ុន្មានឆ្នាំមកនេះ ទាំងជំនួបផ្លូវការ និងមិនផ្លូវការ។ ប៉ុន្តែមិនធ្លាប់មានលទ្ធផល ជាផ្លែផ្កាណាមួយពីជំនួបទាំងនោះទេ។
ជុំវិញបញ្ហានេះ ឯកឧត្តម ជៀប សួរ អគ្គនាយកនៃអគ្គនាយកដ្ឋានប្រេងកាត ក្រសួងរ៉ែ និងថាមពល បានប្រាប់អ្នកយកព័ត៌មានខេមបូណូមីសថា ភាគីទាំងពីរបានជួបគ្នាម្តងហើយកាលពីថ្ងៃទី១៦ខែធ្នូឆ្នាំ២០២២ ប៉ុន្តែវាជាជំនួបក្រៅផ្លូវការ ដើម្បីពិភាក្សារៀបចំកិច្ចប្រជុំបន្ត ដែលកម្ពុជានិងថៃ ត្រូវកំណត់ពេលវេលាជាមួយគ្នា សម្រាប់កិច្ចប្រជុំផ្លូវការក្នុងពេលខាងមុខ។
បើតាមការសែតបាងកកបុស្តិ៍ដដែល មន្ត្រីថៃបានអះអាងថា ពេលនេះវាគួរតែជាពេលសមរម្យហើយ សម្រាប់ប្រទេសក្បែរខាងទាំងពីរចរចាគ្នាឱ្យបានច្បាស់លាស់ អំពីកិច្ចសហការលើអាជីវកម្មប្រេងក្នុងតំបន់ត្រួតស៊ីគ្នា នៅចំពោះមុខ វិបត្តិថាមពលសកល និងផលប៉ះពាល់ដែលបង្កដោយរោគរាតត្បាតកូវីដ១៩។
ប្រទេសថៃត្រូវធានាការផ្គត់ផ្គង់ប្រេងបន្ថែមទៀត សម្រាប់ការផលិតអគ្គិសនី បន្ទាប់ពីការថយចុះនៃបរិមាណប្រេង នៅក្នុងឈូងសមុទ្រថៃ បាននាំឱ្យមានការកើនឡើងនៃការនាំចូលប្រេងឧស្ម័នធម្មជាតិរាវ ឬLNG ដែលកំពុងមានតម្លៃថ្លៃ។
សូមជម្រាបថា តំបន់ទាមទារត្រួតស៊ីគ្នា មានផ្ទៃក្រឡាទំហំជាង២៦ពាន់គីឡូម៉ែត្រការ៉េ ដែលមានការប៉ាន់ប្រមាណថា អាចមានប្រេង និងឧស្ម័ន ច្រើនលានប៉ារ៉ែលនៅបាតសមុទ្រ៕
