ឥណ្ឌារំពឹងថា«អាចផ្គត់ផ្គង់វ៉ាក់សាំងដល់ពិភពលោកឡើងវិញមុនដំណាច់ឆ្នាំនេះ»
វិទ្យាស្ថានសេរ៉ូម ដែលជាក្រុមហ៊ុនផលិតវ៉ាក់សាំងដ៏ធំមួយនៅលើពិភពលោករបស់ប្រទេសឥណ្ឌាបានឲ្យដឹងថា ក្រុមហ៊ុនរបស់ខ្លួនរំពឹងថា នឹងអាចផ្គត់ផ្គង់វ៉…
ការសម្រេចចុងក្រោយដាក់បម្រាមពីសំណាក់អាជ្ញាធរចិនទៅលើប្រតិបត្តិការពាក់ព័ន្ធនឹងរូបិយវត្ថុឌីជីថលនេះ គឺធ្វើឡើងដើម្បីត្រៀមទប់ទល់ទៅនឹងបញ្ហាដែលអាចកើតមាននៅក្នុងការជួញដូរតាមប្រព័ន្ធឌីជីថល ដែលកំពុងមានការកើនឡើងយ៉ាងខ្លាំងនៅក្នុងប្រទេសចិន។ នៅក្រោមបម្រាមនេះ ស្ថាប័ន រួមទាំងធនាគារ និងបណ្ដាញទូទាត់តាមអនឡាញទាំងអស់ មិនត្រូវផ្ដល់ជូនរាល់សេវាកម្មណាដែលទាក់ទងនឹងរូបិយវត្ថុឌីជីថល (Cryptocurrency) នោះទេ ដូចជាការ ការចុះឈ្មោះលើបណ្ដាញអនឡាញ, ការជួញដូរ និងការទូទាត់នានាជាដើម។
នៅក្នុងសេចក្ដីថ្លែងការណ៍របស់អាជ្ញាធរចិន បានឲ្យដឹងទៀតថា ថ្មីៗនេះ Cryptocurrency មានការឡើងខ្លាំង និងដាំក្បាលចុះខ្លាំង មិនទៀងទាត់ ហើយការជួញដូររូបិយវត្ថុឌីជីលនេះទាំងប្រថុយប្រថានក៏មានការស្ទុះកើនឡើងខ្លាំងដែរ ដែលវាគឺពិតជាបានធ្វើឲ្យប៉ះពាល់ធ្ងន់ធ្ងរដល់ទ្រព្យសម្បត្តិរបស់ប្រជាជនចិន និងមានការរំខានទៅដល់សណ្ដាប់ធ្នាប់សេដ្ឋកិច្ច និងហិរញ្ញវត្ថុក្នុងប្រទេស។
ការចាត់វិធានការបម្រាមធ្ងន់ធ្ងរលើប្រតិបត្តិការរូបិយវត្ថុឌីជីលនៅក្នុងប្រទេសចិននាពេលនេះ ក៏មិនមែនជាលើកទី១នោះដែរ តួយ៉ាងនៅឆ្នាំ២០១៧ ចិនបានបិទចោលការប្ដូររូបិយវត្ថុឌីជីថលនៅក្នុងស្រុក ដែលបានធ្វើឲ្យប៉ះពាល់យ៉ាងខ្លាំងដល់ការជួញដូរកាក់ Bitcoin ក្នុងទីផ្សារសកល ដែលមានការជួញដូរប្រមាណ ៩០%។
កាលពីឆ្នាំ២០១៩ ធនាគារប្រជាចិនក៏បានចេញសេចក្ដីថ្លែងការណ៍ អំពីការរាំងខ្ទប់ការដំណើរការរូបិយវត្ថឌីជីថលក្នុងស្រុក និងបរទេសទាំងអស់ផងដែរ។
នៅក្នុងសេចក្ដីថ្លែងការ បានគូសបញ្ជាក់ពីហានិភ័យនៃការជួញដូររូបិយវត្ថុឌីជីល ដោយបានលើកឡើងថា រូបិយវត្ថប្រភេទនេះ មិនត្រូវបានគាំទ្រដោយតម្លៃពិតប្រាកដនោះទេ តម្លៃរបស់វាត្រូវបានគេរៀបចំរៀបចំយ៉ាងងាយ ហើយកិច្ចសន្យាជួញដូរក៏មិនត្រូវបានការពារដោយច្បាប់របស់ប្រទេសចិននោះដែរ៕
None
