Advertisement
Advertisement
សេដ្ឋកិច្ចចិន

ចិនថា សេដ្ឋកិច្ចខ្លួននៅត្រីមាសទី២ នៃឆ្នាំ២០២០នេះ ស្ទុះកើនឡើង ៣,២%


កំណើនផលិតផលក្នុងស្រុកស្រុកសរុបរបស់ប្រទេសចិននៅក្នុងត្រីមាសទី២ នៃឆ្នាំ២០២០នេះ មានការស្ទុះងើបឡើងខ្លាំងវិញដោយមានកើនឡើងដល់ទៅ ៣,២% ធៀបនឹងរយៈពេលដូចគ្នាកាលពីឆ្នាំមុន ដោយកំណើននេះ គឺកើនឡើងខ្ពស់ជាងការរំពឹងទុកទៅទៀត។ ជាមួយគ្នានេះ អ្នកជំនាញសេដ្ឋកិច្ច បានបញ្ជាក់ថា ការស្ទុះងើបឡើងវិញរបស់សេដ្ឋកិច្ចចិននាពេលនេះ គឺបង្ហាញថាចិនកំពុងវិលមករកសភាពដើមប្រសើរឡើងវិញ ពីវិបត្តិដ៏អាក្រក់នៃមេរោគរាតត្បាតកូវីដ-១៩។
ចិនថា សេដ្ឋកិច្ចខ្លួននៅត្រីមាសទី២ នៃឆ្នាំ២០២០នេះ ស្ទុះកើនឡើង ៣,២% (រូបភាព៖ Kyodo)
ដោយ
Advertisement

សូចនាករ​សេដ្ឋកិច្ចសំខាន់ៗ បានបង្ហាញ​ការរីកចម្រើនជាបន្តបន្ទាប់​នៅក្នុង​សេដ្ឋកិច្ចប្រទេសចិន។ ឧស្សាហកម្ម​ផលិត បាន​និងកំពុង​ស្ទុះងើប​ប្រសើរឡើងវិញ​យ៉ាងឆាប់​រហ័ស​ និងបានកើនឡើង​ដល់ទៅ ៤,៤% នៅក្នុងត្រីមាសទី២នៃឆ្នាំនេះ ធៀបនឹង​ត្រីមាសទី២ កាលពីឆ្នាំមុន។ ខណៈដែល​កាលពី​ត្រីមាសទី១ នៅឆ្នាំនេះដែរ វិស័យនេះ មានការធ្លាក់ចុះ​ដល់ទៅ ៨,៤%។ នេះបើតាម​ទិន្នន័យ​ពី​ការិយាល័យ​ស្ថិតិជាតិ​របស់ចិន។

អនុប្រធាន​សកលវិទ្យាល័យ​ចិន រីនមីន ​លោក លីវ យូយាន បាន​និយាយថា សូចនាករ​សេដ្ឋកិច្ច​ជាបន្ដបន្ទាប់​បាន​ប្រែពី​អវិជ្ជមាន​មក​វិជ្ជមានវិញ។ មានន័យថា សេដ្ឋកិច្ចចិន កំពុង​ងើបឡើង​ឆ្ពោះទៅរក​អត្រាកំណើនសេដ្ឋកិច្ច​ទូទៅឡើងវិញ។ ប្រទេសចិន បានក្លាយជា​សេដ្ឋកិច្ច​ពិភពលោក​ធំទី១ ដែលបាន​បង្ហាញពី​ភាពប្រសើរឡើងវិញ ក្រោយពី​មាន​ផលប៉ះពាល់​​បណ្ដាលមកពី​មេរោគ​កូវីដ-១៩ ខណៈដែល​សេដ្ឋកិច្ច​ប្រទេសនេះ បាន​ដំណើរការការងារ និងផលិតកម្ម​ឡើងវិញកាន់តែច្រើនឡើង។ 

សេដ្ឋកិច្ចចិន បាន​យកឈ្នះ​លើ​ផលប៉ះពាល់​អវិជ្ជមាន​​នៃមេរោគរាតត្បាត កូវីដ-១៩ ជាបណ្ដើរៗ​នៅពាក់កណ្ដាល​​ឆ្នាំ២០២០នេះ និងបាន​បង្ហាញពីសន្ទុះ​កំណើន​ឡើងវិញ ជាមួយនឹង​ភាពធន់ និង​រឹងមាំ​ជាងមុន ដោយសារតែចិន​មានប្រជាជនច្រើន ទឹកដីធំធេង ទំហំសេដ្ឋកិច្ចធំសម្បើម ក៏ដូចជា​មាន​​ឧស្សាហកម្ម​ឯករាជ្យ និង​ប្រព័ន្ធសេដ្ឋកិច្ច​ជាតិ​ពេញលេញ​។

ការងើបឡើងវិញ​ដ៏រឹងមាំ​របស់សេដ្ឋកិច្ចចិន ក៏ត្រូវបានជួយ ​ដោយ​គោលនយោបាយ​គាំទ្រ​សម្រាប់​បន្តដំណើរការ​អាជីវកម្មឡើងវិញ និងការវិនិយោគផងដែរ។ លើសពីនេះ គោលនយោបាយ​ និងវិធានការណ៍ ហិរញ្ញវត្ថុ​ជាច្រើន ដែលបាន​រៀបចំឡើង ដើម្បី​បង្កើន​ការគាំទ្រ​ឥណទាន​រូបិយបណ្ណ​, ការធ្វើឲ្យប្រសើរឡើង​នូវគោលនយោយបា​បទប្បញ្ញត្តិ​ហិរញ្ញវត្ថុ, ការផ្ដល់​កម្ចីការប្រាក់ទាប និង​ការពង្រឹង​នូវរចនាសម្ព័ន្ធ​វិនិយោគ​ឥណទានជាដើមនោះ គឺត្រូវបាន​អនុវត្តយ៉ាងឆាប់រហ័ស​នៅក្នុង​ពាក់កណ្ដាល​ឆ្នាំ២០២០នេះ ដែលទាំងនេះ គឺជា​កត្តាជំរុញ​ពីក្រោយដ៏សំខាន់មួយផងដែរ​ ក្នុងការជួយឲ្យ​សេដ្ឋកិច្ចចិន​ស្ទុះងើបបានឆាប់រហ័ស៕​

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ធនាគារពិភពលោកឲ្យកម្ពុជាខ្ចី ១០០លានដុល្លារ ដើម្បីយកមកកែលម្អផ្លូវគមនាគមន៍

ព័ត៌មាន
ទឹកប្រាក់កម្ចី១០០លានដុល្លារអាមេរិក ពីសមាគមអភិវឌ្ឍន៍អន្តរជាតិ (IDA) ត្រូវបានធនាគារពិភពលោក បានសម្រេចអនុម័តផ្ដល់ឲ្យកម្ពុជា នៅថ្ងៃទី ១៦ ខ...

ថៃ គ្រោងនឹងចាត់វិធានការចំពោះការនាំចេញសាច់ជ្រូក បន្ទាប់ពីតម្លៃសាច់ក្នុងស្រុកហក់ឡើងថ្លៃខ្លាំង

ព័ត៌មាន
បន្ទាប់ពីតម្លៃសាច់ជ្រូកលក់រាយនៅក្នុងស្រុក កើនឡើងខ្លាំងរហូតដល់ទៅ៥ដុល្លារ ៦០សេន ក្នុងមួយគីឡូក្រាមនោះ នាយកដ្ឋានពាណិជ្ជកម្មផ្ទៃក្នុងនៃក្រសួងព...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ