ក្រុមហ៊ុនផលិតរថយន្ដអគ្គិសនី FAW របស់រដ្ឋចិនកំពុងសម្លឹងមើលទីផ្សារលក់រថយន្តអគ្គិសនីនៅប្រទេសជប៉ុន
ក្រុមហ៊ុនផលិតរថយន្ដអគ្គិសនីដ៏ធំមួយរបស់រដ្ឋចិនហ្វៅ គ្រុប (FAW Group) កំពុងកំណត់គោលដៅទីផ្សារប្រទេសជប៉ុន សម្រាប់ការលក់រថយន្តអគ្គិសនីរបស់ខ្ល…
របាយការណ៍ថ្មីមួយដែលបានចេញផ្សាយកាលពីពេលថ្មីៗនេះ បានវាយតម្លៃពីទ្រព្យសម្បតិ្តជាតិរបស់ប្រទេសធំៗ ចំនួន១០ ដែលតំណាងឲ្យជាង៦០% នៃចំណូលពិភពលោក។ ប្រទេសទាំង១០ដែល McKinseyបានវាយតម្លៃ បង្ហាញថាទ្រព្យសម្បត្តិជាតិសរុបសម្រាប់ក្រុមប្រទេសទាំងនេះ បានកើនឡើងបីដងឯណោះគិតចាប់ពីឆ្នាំ២០០០ មកដល់ឆ្នាំ២០២០ ពោលគឺបានកើនឡើងដល់ទៅ ៥១០ ទ្រី លានដុល្លារ។
ក្នុងនោះប្រទេសចិនមានទ្រព្យសម្បត្តិជាតិសុទ្ធកើនឡើង១៧ដង ពីជាង៧ទ្រីលានដុល្លារនៅក្នុងឆ្នាំ២០០០ កើនដល់ជិត ១២០ទ្រីលានដុល្លារក្នុងឆ្នាំ២០២០។ គួរជម្រាបថា ទ្រព្យសម្បត្តិជាតិសុទ្ធ គឺសំដៅដល់តម្លៃនៃទ្រព្យសកម្មសរុបរដ្ឋ ដោយដកកម្រិតបំណុលចេញ។
នៅក្នុងឆ្នាំ២០២០ ទ្រព្យសម្បត្តិជាតិសុទ្ធរបស់ចិនមាន១២០ទ្រីលានដុល្លារ តំណាងឲ្យ២៣%នៃទ្រព្យសរុបពិភពលោក ខណៈសហរដ្ឋអាមេរិកឈរលំដាប់ទី២ តំណាងឲ្យ១៧%មានទ្រព្យសរុប ៨៩ទ្រីលានដុល្លារ តាមពីក្រោយដោយជប៉ុនតំណាងឲ្យជាង ៧% មានទ្រព្យសម្បត្តិជាតិសរុប ៣៥ទ្រីលានដុល្លារ។
ក្រុមប្រទេសធំៗទាំង១០ ដែលMcKinseyបានវាយតម្លៃ ក៏រួមបញ្ចូលផងដែរនូវប្រទេសអាល្លឺម៉ង់ដែលជាបងធំរបស់អឺរ៉ុប បារាំង កាណាដា អូស្ត្រាលី ចក្រភពអង់គ្លេស ម៉ិចសិច និងប្រទេសស៊ុយអែត។
សូមជម្រាបថា ការកើនឡើងតម្លៃទ្រព្យសកម្មនេះរបស់ប្រទេសចិន ត្រូវបានMcKinsey អះអាងថា ដោយសារតែការរីកចម្រើនយ៉ាងឆាប់រហ័សរបស់ប្រទេសចិន ពិសេសគឺនៅលើវិស័យអចលនទ្រព្យដែលជាចន្ទល់ដ៏រឹងមាំសម្រាប់សេដ្ឋកិច្ចចិន។ បន្ថែមពីលើនេះ ប្រាក់មួយចំនួនដែលរដ្ឋាភិបាលចិនបានចាក់ចូលទៅក្នុងសេដ្ឋកិច្ច ដែលជាផ្នែកមួយនៃការឆ្លើយតបនឹងជំងឺរាតត្បាតកូវីដ១៩ បានហូរចូលទៅក្នុងទីផ្សារអចលនទ្រព្យផងដែរ៕None
