ផ្សារមូលបត្រនៅក្នុងទីក្រុងស៊ិនជិន បានផ្អាកការបោះផ្សាយលក់មូលបត្រជាង៣០ ខណៈដែលផ្សារមូលត្រនៅសៀងហៃវិញ បានផ្អាកការបោះផ្សាយចំនួន៨ផងដែរ។ ការផ្អាកនេះ បន្ទាប់ពីមានការបើកការស៊ើបអង្កេតពីសំណាក់និយ័តករចិន ចំពោះក្រុមហ៊ុនចុះបញ្ជីនៅក្នុងផ្សារមូលបត្រ រួមមានដូចជាក្រុមហ៊ុនច្បាប់ Tian Yuan, ក្រុមហ៊ុនឈ្មួញជើងសារមូលបត្រ China Dragon និងក្រុមហ៊ុនវាយតម្លៃទ្រព្យសម្បត្តិ Care ជាដើម។
ការស៊ើបអង្កេតកាន់តែតឹងរ៉ឹងលើការបោះផ្សាយលក់មូលបត្រនៅក្នុងប្រទេសចិននេះ គឺធ្វើឡើងនៅពេលដែលក្រុងប៉េកាំង ចាប់ផ្ដើមដាក់ចេញនូវបទបញ្ញត្តិ ដើម្បីបង្ក្រាបទៅលើអាជីវកម្មធំៗជាច្រើននៅប្រទសចិនរាប់ចាំពីអាជីវកម្មទាក់ទងនឹងវិស័យអ៊ីនធើណែត និងការអប់រំ។
នៅថ្ងៃចន្ទសប្ដាហ៍នេះ ចិនបានបញ្ជាក់ថា ខ្លួននឹងរឹតបន្ដឹងការត្រួតពិនិត្យលើក្រុមហ៊ុនគណនេយ្យនានាផងដែរ នៅក្នុងការប្រយុទ្ធប្រឆាំងនឹងការក្លែងបន្លំឯកសារហិរញ្ញវត្ថុ ហើយគ្មានការអត់ឱនចំពោះក្រុមហ៊ុនដែលប្រព្រឹត្តកំហុសនោះឡើយ៕
អត្ថបទគួរអាន
សូមបញ្ជាក់ថា កន្លងមកនេះ ក្រុមហ៊ុនបច្ចេកវិទ្យាយក្សៗរបស់ចិនជាច្រើន បានរងការបង្ក្រាបពីអាជ្ញាធរចិនជាបន្ដបន្ទាប់ដូចជាក្រុមហ៊ុនអាលីបាបា, ក្រុមហ៊ុន Ant Group និងក្រុមហ៊ុន Tencent ជាដើម។ ថ្មីៗនេះទៀតសោត រដ្ឋាភិបាលក្រុងប៉េកាំងក៏ត្រៀមបង្កើតសេចក្ដីព្រាងច្បាប់ថ្មី ដើម្បីគ្រប់គ្រងសន្ដិសុខជាតិ និងការប្រឆាំងការធ្វើអាជីវកម្មផ្ដាច់មុខផងដែរ។ ច្បាប់ថ្មីនេះ ត្រូវបានគេមើលឃើញថា នឹងដាក់សម្ពាធកាន់តខ្លាំងថែមទៀតទៅលើក្រុមហ៊ុនបច្ចេកវិទ្យាធំៗនៅក្នុងប្រទេសចិន៕
None
