វៀតណាមជាប្រទេសអាស៊ានដែលបានវិនិយោគច្រើនជាងគេបង្អស់នៅកម្ពុជា
ព័ត៌មាន
•
វៀតណាម គឺជាប្រទេសអាស៊ានមួយ ដែលបានវិនិយោគផ្ទាល់មកកាន់ប្រទេសកម្ពុជាច្រើនជាងគេបំផុត ដោយបច្ចុប្បន្នមានគម្រោងវិនិយោគដោយក្រុមហ៊ុនវៀតណាមចំនួន…
ក្នុងចំណោមវិធានការថ្មីៗផ្សេងទៀត ដែលប្រទេសចិនបាននឹងកំពុងអនុវត្ត ក៏មានតម្រូវឱ្យសមាជិកនាវិកនៃកប៉ាល់ដឹកទំនិញទាំងអស់ត្រូវតែធ្វើតេស្តមុនពេលចូលចត ហើយប្រសិនបើមានករណីសង្ស័យតែមួយករណីត្រូវបានរកឃើញ នោះពួកគេត្រូវតែធ្វើចត្តាឡីស័កលើកប៉ាល់ យ៉ាងហោចណាស់ ១៤ ថ្ងៃ។ នេះបើយោងតាមប្រភពពីក្រុមហ៊ុនដឹកជញ្ជូន និងអ្នកផ្សេងទៀតដែលដឹងពីវិធានការ បានបញ្ជាក់ប្រាប់អ្នកសារព័ត៌មាន។
ប្រភពដដែលនេះ បានឲ្យដឹងទៀតថា នៅក្នុងករណីមានរកឃើញកូវីដ១៩ កប៉ាល់ទាំងនោះ ត្រូវតែសំចតសម្រាប់ធ្វើចត្តាឡីស័កនេះនៅដែនឆ្នេរសមុទ្រក្បែរកំពង់ផែនោះ ដែលវាបណ្តាលឱ្យមានការកកស្ទះបន្ថែមទៀត និងពន្យារពេលនៃការមកដល់របស់កប៉ាល់ផ្សេងទៀតផងដែរ។
ក្រុមប្រឹក្សារដ្ឋរបស់ទីក្រុងប៉េកាំងកាលពីថ្ងៃទី ១៥ ខែធ្នូបាននិយាយថា ខ្លួននឹងពង្រឹងវិធានការបន្ថែមទៀតលើកម្មវិធីផ្លាស់ប្តូរនាវិក រួមទាំងការស្នើសុំឱ្យសមាជិកនាវិកកប៉ាល់ដឹកទំនិញទាំងអស់ត្រូវបានធ្វើតេស្តនៅកំពង់ផែបរទេសមួយ មុនពេលមកដល់ប្រទេសចិន ដែលចាប់ផ្តើមនៅថ្ងៃទី ១៥ ខែកុម្ភៈឆ្នាំក្រោយ។ យ៉ាងណាមិញ សម្ពាធបន្ថែមនេះកើតឡើងនៅពេលដែលកំពង់ផែនៅអឺរ៉ុប និងសហរដ្ឋអាមេរិកមានការកកស្ទះយ៉ាងធ្ងន់ធ្ងររួចមកហើយ ដោយសារតែកង្វះកម្លាំងពលកម្ម និងបរិមាណទំនិញមានខ្ពស់កំពុងត្រូវបានដឹកជញ្ជូនដើម្បីបំពេញតម្រូវការក្រោយជំងឺរាតត្បាត។
គួរកត់សម្គាល់ដែរថា ចាប់តាំងពីមានបញ្ហានេះ ក្រុមហ៊ុនជាច្រើនបានប្តូរពីការដឹកតាមកប៉ាល់ ទៅជាការដឹកជញ្ជូនតាមផ្លូវអាកាសយ៉ាងប្រញាប់ប្រញាល់ ដើម្បីផ្លាស់ប្ដូរផលិតផលពីអាស៊ីទៅកាន់ទីផ្សារលោកខាងលិចឲ្យបានទាន់ពេលវេលា និងដើម្បីបំពេញតម្រូវការទំនិញដែលនឹងកើនឡើងខ្លាំងនៅថ្ងៃឈប់សម្រាកចុងឆ្នាំនេះ បើទោះបីជាការដឹកតាមផ្លូវអាកាសមានតម្លៃថ្លៃក៏ដោយ ។
តែយ៉ាងណាមិញ គេក៏មើលឃើញដែរថា នៅមួយរយៈពេលចុងក្រោយនេះ វិស័យដឹកជញ្ជូនហាក់មានភាពបានល្អប្រសើរឡើងបន្តិចហើយ ប៉ុន្តែវានៅតែបង្កឱ្យមានការឈឺក្បាលដល់ក្រុមហ៊ុនដឹកជញ្ជូននៅទូទាំងពិភពលោករហូតដល់ឆ្នាំក្រោយ៕
អត្ថបទប្រែសម្រួលដោយ ៖ កញ្ញា ស៊ើង និមល់
