ការលក់រថយន្តរបស់ក្រុមហ៊ុនចិន រួមមានដូចជា Haval, Chery និង Geely ជាដើម បានកើនឡើងយ៉ាងខ្លាំងនៅក្នុងប្រទេសរុស្ស៊ី ដល់ចំនួនជាង ១ម៉ឺន ៦ពាន់គ្រឿងក្នុងខែវិច្ឆិកាកន្លងទៅ ពោលគឺកើនឡើងស្ទើរជិត ២ដងពីចំនួនជាង ៨ពាន់គ្រឿង ក្នុងខែមករា។ ក្នុងរយៈពេលដូចគ្នានេះ ចំណែកទីផ្សាររបស់ក្រុមហ៊ុនចិននៅរុស្ស៊ីវិញ បានឈានដល់ជាង ៣១% ដែលកើនឡើងពី ៩,៦%។ នេះបើយោងតាមទិន្នន័យពីភ្នាក់ងារវិភាគរុស្ស៊ី Autostat។
សមាគមនៃអ្នកផលិតរថយន្តរបស់ប្រទេសចិន បានឱ្យដឹងថា សម្រាប់រយៈពេល ១០ខែនៃឆ្នាំ២០២២នេះ រុស្ស៊ីគឺជាទិសដៅនាំចេញដ៏ធំលំដាប់ទី៦ សម្រាប់ផលិតផលរថយន្ត និងគ្រឿងបន្លាស់របស់ចិន ឬប្រហែល ៣,៩%។
សូមជម្រាបថា រថយន្តរបស់ក្រុមហ៊ុនរុស្ស៊ី មានតម្លៃធូរថ្លៃត្រឹមតែ ២ម៉ឺន ៤ពាន់ដុល្លារតែប៉ុណ្ណោះ ចំណែករថយន្តក្រុមហ៊ុនចិន ចូលជំនួសតំណែងរថយន្តលោកខាងលិច និងមានតម្លៃថ្លៃជាង គឺចាប់ពី ៤ម៉ឺនដុល្លារឡើងទៅ។
ការលក់រថយន្តថ្មីៗនៅរុស្ស៊ី ក្នុងខែវិច្ឆិកា មានចំនួនជាង ៤ម៉ឺន ៦ពាន់គ្រឿង។ ការលក់រថយន្តនេះអាចនឹងឈានដល់ ៦០ម៉ឺនគ្រឿង សម្រាប់ឆ្នាំ២០២២នេះ។ នេះបើយោងតាមសមាគមពាណិជ្ជកម្មអឺរ៉ុប កាលពីថ្ងៃទី៧ ខែធ្នូ។
គួរកត់សម្គាល់ដែរថា ក្រុមហ៊ុនរថយន្តរុស្ស៊ី Moskvich បានចាប់ផ្តើមផលិតកម្មរបស់ខ្លួនឡើងវិញនៅរោងចក្ររបស់ក្រុមហ៊ុន Renault ក្រោយក្រុមហ៊ុនបារាំងនេះ បានចាកចេញពីរុស្ស៊ី។
លោក Vladimir Bespalov អ្នកវិភាគផ្នែកឧស្សាហកម្មយានយន្តរុស្ស៊ីម្នាក់បាននិយាយថា ការផលិតរថយន្តលោកខាងលិចនៅរុស្ស៊ី និងការនាំចូល គឺមានចំនួនតិចតួច ដូច្នេះ ទីផ្សារ គឺត្រូវបានបែងចែកតែរវាងឧស្សាហកម្មរថយន្តរុស្ស៊ី និងចិនតែប៉ុណ្ណោះ។
អ្នកជំនាញរូបនេះបន្តថា ប្រសិនបើស្ថានភាពសេដ្ឋកិច្ចនៅតែមិនមានអ្វីប្រែប្រួល នោះក្រុមហ៊ុនចិន និងក្រុមហ៊ុនរុស្ស៊ី Moskvich អាចនឹងបង្កើនចំណែកទីផ្សាររថយន្តនៅប្រទេសរុស្ស៊ី ដល់ ៣៥% នៅឆ្នាំក្រោយទៀត ឬអាចឈានដល់ ៨០ម៉ឺនគ្រឿងសម្រាប់ឆ្នាំ២០២៣។
សូមរំលឹកថា ក្រុមហ៊ុនរថយន្តអឺរ៉ុបភាគច្រើនបំផុត បានចាប់ផ្តើមដាក់រោងចក្រផលិត និងនាំចូលរថយន្តខ្លួននៅប្រទេសរុស្ស៊ី ដោយបានតស៊ូប្រកួតប្រជែង ជាមួយក្រុមហ៊ុនក្នុងស្រុករុស្ស៊ី ចាប់តាំងពីដើមទសវត្សរ៍ឆ្នាំ២០០០មក។ ប៉ុន្តែពួកគេបានផ្អាកប្រតិបត្តិការ ក្រោយរុស្ស៊ីបានបញ្ជូនទ័ពចូលឈ្លានពានអ៊ុយក្រែន កាលពីខែកុម្ភៈ៕
ការលក់រថយន្តរបស់ក្រុមហ៊ុនចិន រួមមានដូចជា Haval, Chery និង Geely ជាដើម បានកើនឡើងយ៉ាងខ្លាំងនៅក្នុងប្រទេសរុស្ស៊ី ដល់ចំនួនជាង ១ម៉ឺន ៦ពាន់គ្រឿងក្នុងខែវិច្ឆិកាកន្លងទៅ ពោលគឺកើនឡើងស្ទើរជិត ២ដងពីចំនួនជាង ៨ពាន់គ្រឿង ក្នុងខែមករា។ ក្នុងរយៈពេលដូចគ្នានេះ ចំណែកទីផ្សាររបស់ក្រុមហ៊ុនចិននៅរុស្ស៊ីវិញ បានឈានដល់ជាង ៣១% ដែលកើនឡើងពី ៩,៦%។ នេះបើយោងតាមទិន្នន័យពីភ្នាក់ងារវិភាគរុស្ស៊ី Autostat។
សមាគមនៃអ្នកផលិតរថយន្តរបស់ប្រទេសចិន បានឱ្យដឹងថា សម្រាប់រយៈពេល ១០ខែនៃឆ្នាំ២០២២នេះ រុស្ស៊ីគឺជាទិសដៅនាំចេញដ៏ធំលំដាប់ទី៦ សម្រាប់ផលិតផលរថយន្ត និងគ្រឿងបន្លាស់របស់ចិន ឬប្រហែល ៣,៩%។
អត្ថបទគួរអាន
សូមជម្រាបថា រថយន្តរបស់ក្រុមហ៊ុនរុស្ស៊ី មានតម្លៃធូរថ្លៃត្រឹមតែ ២ម៉ឺន ៤ពាន់ដុល្លារតែប៉ុណ្ណោះ ចំណែករថយន្តក្រុមហ៊ុនចិន ចូលជំនួសតំណែងរថយន្តលោកខាងលិច និងមានតម្លៃថ្លៃជាង គឺចាប់ពី ៤ម៉ឺនដុល្លារឡើងទៅ។
ការលក់រថយន្តថ្មីៗនៅរុស្ស៊ី ក្នុងខែវិច្ឆិកា មានចំនួនជាង ៤ម៉ឺន ៦ពាន់គ្រឿង។ ការលក់រថយន្តនេះអាចនឹងឈានដល់ ៦០ម៉ឺនគ្រឿង សម្រាប់ឆ្នាំ២០២២នេះ។ នេះបើយោងតាមសមាគមពាណិជ្ជកម្មអឺរ៉ុប កាលពីថ្ងៃទី៧ ខែធ្នូ។
គួរកត់សម្គាល់ដែរថា ក្រុមហ៊ុនរថយន្តរុស្ស៊ី Moskvich បានចាប់ផ្តើមផលិតកម្មរបស់ខ្លួនឡើងវិញនៅរោងចក្ររបស់ក្រុមហ៊ុន Renault ក្រោយក្រុមហ៊ុនបារាំងនេះ បានចាកចេញពីរុស្ស៊ី។
លោក Vladimir Bespalov អ្នកវិភាគផ្នែកឧស្សាហកម្មយានយន្តរុស្ស៊ីម្នាក់បាននិយាយថា ការផលិតរថយន្តលោកខាងលិចនៅរុស្ស៊ី និងការនាំចូល គឺមានចំនួនតិចតួច ដូច្នេះ ទីផ្សារ គឺត្រូវបានបែងចែកតែរវាងឧស្សាហកម្មរថយន្តរុស្ស៊ី និងចិនតែប៉ុណ្ណោះ។
អ្នកជំនាញរូបនេះបន្តថា ប្រសិនបើស្ថានភាពសេដ្ឋកិច្ចនៅតែមិនមានអ្វីប្រែប្រួល នោះក្រុមហ៊ុនចិន និងក្រុមហ៊ុនរុស្ស៊ី Moskvich អាចនឹងបង្កើនចំណែកទីផ្សាររថយន្តនៅប្រទេសរុស្ស៊ី ដល់ ៣៥% នៅឆ្នាំក្រោយទៀត ឬអាចឈានដល់ ៨០ម៉ឺនគ្រឿងសម្រាប់ឆ្នាំ២០២៣។
សូមរំលឹកថា ក្រុមហ៊ុនរថយន្តអឺរ៉ុបភាគច្រើនបំផុត បានចាប់ផ្តើមដាក់រោងចក្រផលិត និងនាំចូលរថយន្តខ្លួននៅប្រទេសរុស្ស៊ី ដោយបានតស៊ូប្រកួតប្រជែង ជាមួយក្រុមហ៊ុនក្នុងស្រុករុស្ស៊ី ចាប់តាំងពីដើមទសវត្សរ៍ឆ្នាំ២០០០មក។ ប៉ុន្តែពួកគេបានផ្អាកប្រតិបត្តិការ ក្រោយរុស្ស៊ីបានបញ្ជូនទ័ពចូលឈ្លានពានអ៊ុយក្រែន កាលពីខែកុម្ភៈ៕
