ខេត្តឆ្នេរសមុទ្រមួយនេះក្នុងរយ:ពេលប៉ុន្មានឆ្នាំចុងក្រោយ មានការសម្រុកចូលនៃអ្នកវិនិយោគចិនជាច្រើន ដែលមករកស៊ីក្នុងវិស័យកាស៊ីណូ និងអគារទំនើបៗ។ យោងតាមតួលេខផ្លូវការ ការវិនិយោគរបស់ចិនក្នុងអំឡុងឆ្នាំ២០១២-២០១៦ មានជាង ៤ពាន់លានដុល្លារ។
របាយការណ៍ដែលត្រូវបានគេបង្ហាញនៅស្នងការដ្ឋាននគរបាលខេត្តព្រះសីហនុ កាលពីសប្ដាហ៍មុន បានបង្ហាញតួលេខថា បទល្មើសព្រហ្មទណ្ឌកើតឡើងចំនួន ១០៥លើក ដែលកើនឡើងចំនួន ២១លើក ឬស្មើនឹង ២៥ភាគរយ។
យោងតាមតួលេខផ្លូវការ ប៉ូលិសបានបង្ក្រាបបទល្មើសចំនួន១០៣ ស្មើនឹង ៩៨ភាគរយ ហើយក៏បានឃាត់ខ្លួនជនល្មើសចំនួន ២៣៥នាក់ ដែលក្នុងនោះមានបទល្មើសឧក្រិដ្ឋចំនួន ២៩ករណី ឃាត់ខ្លួនជនសង្ស័យចំនួន ៧៣នាក់ មានជនជាតិចិនចំនួន ៤៨នាក់។
តើបានអានអត្ថបទនេះ ឬនៅ?
សម្រាប់បទល្មើសមជ្ឈិម ៧៤ករណី ប៉ូលិសបានឃាត់ខ្លួនជនសង្ស័យចំនួន ១៦២នាក់ ជនបរទេសចំនួន ៤៧នាក់ មាន៤សញ្ជាតិ គឺចិន អាល្លឺម៉ង់ កាហ្សាក់ស្តង់ និងឥណ្ឌា។
នៅក្នុងនោះ បទល្មើសទាំងនោះ មានបទល្មើសឧក្រិដ្ឋកើតឡើង ២៩លើក ដែលមានការកើនឡើង៤លើក។ បទល្មើសមជ្ឈិមកើតឡើង ៧៦លើក ហើយមានការកើនឡើង ១៧លើក។ តាមតួលេខដដែល បទល្មើសខាងលើបណ្ដាលឲ្យស្លាប់ស្រ្តី ៥នាក់ រងរបួសមនុស្ស ២១នាក់ ស្រី ៣នាក់ បាត់ម៉ូតូចំនួន២គ្រឿងនិងសម្ភារៈផ្សេងជាច្រើនទៀត។
យោងតាមគេហទំព័រប៉ូលិស លោក គង់ វិថាណាក់ អភិបាលរងខេត្តព្រះសីហនុ បានកោតសរសើរស្នាដៃរបស់កងកម្លាំងនគរបាលហើយក៏បានរំឭកដាស់តឿនឲ្យកងកម្លាំងនគរបាលយកចិត្តទុកដាក់លើការពង្រឹងការអនុវត្តច្បាប់ចរាចរណ៍ចំពោះជនបរទេស បើកបរយានយន្តដោយគ្មានប័ណ្ណបើកបរ និងបន្តអនុវត្តគោលនយោបាយភូមិឃុំមានសុវត្ថិភាព គ្រប់គ្រងជនបរទេស។
តើបានអានអត្ថបទនេះឬនៅ?
សម្រាប់ខេត្តព្រះសីហនុ ភ្ញៀវទេសចរចិនមានការកើនឡើង ខណៈដែលកម្ពុជាសង្ឃឹមថា នឹងទាក់ទាញទេសចរចិនឲ្យបាន២លាននាក់ក្នុងមួយឆ្នាំ នៅត្រឹមឆ្នាំ២០២០។
ទន្ទឹមនឹងនេះដែរ ខេត្តក៏បានបង្រ្កាបលើសេវាពេស្យាកម្មចិនផងដែរ ដែលកាលពីឆ្នាំមុន បានឃុំខ្លួនប្រមាណជា ៥០នាក់។
ការបង្រ្កាបនៅពេលនោះ ប៉ូលិសបានរឹបអូសខិត្តប័ណ្ណជាច្រើន ដែលផ្តល់សេវារួមភេទតាមរយៈកន្លែងម៉ាស្សា។ កន្លងមក បើទោះបីអភិបាលខេត្តលោក យន់ មីន ធ្លាប់សរសេរលិខិតទៅក្រសួងមហាផ្ទៃ អំពីការកើនឡើងបទល្មើសដោយជនជាតិចិនក្តី លោកក៏បានលើកឡើងផងដែរ ថា ការវិនិយោគរបស់ចិន ជាទូទៅ គឺមានភាពវិជ្ជមាន៕
None
