តើវិស័យធនាគារ និងហិរញ្ញវត្ថុនៅកម្ពុជា មានស្ថានភាពបែបណានៅប៉ុន្មានខែកន្លងមកនេះ?
វិស័យធនាគារ និងហិរញ្ញវត្ថុ ត្រូវបានចាត់ទុកជាវិស័យមួយ ដែលបានដើរតួនាទីយ៉ាងសំខាន់ក្នុងការជួយស្តារ និងជំរុញកំណើនសេដ្ឋកិច្ច ជាពិសេសនៅអំឡ…
ទីម័រខាងកើតជាប្រទេសក្រីក្រមួយនៅលើពិភពលោក ហើយក្រុមមេដឹកនាំអាស៊ាន នៅតែមានការព្រួយបារម្ភមួយចំនួនជុំវិញថា តើប្រទេសនេះ អាចចូលរួមក្នុងរបៀបវារៈនៃការអភិវឌ្ឍរបស់អាស៊ានដែរ ឬយ៉ាងណា។ ទោះជាយ៉ាងណា នៅក្នុងកិច្ចប្រជុំគណៈរដ្ឋមន្ត្រីការបរទេសអាស៊ាន កាលពីថ្ងៃសៅរ៍ ពួកគេបានសម្តែងការគាំទ្រយ៉ាងខ្លាំងចំពោះសមាជិកភាពពេញលេញរបស់ប្រទេសទីម័រខាងកើត នៅក្នុងតំបន់អាស៊ាន ក្រោយប្រទេសនេះបានប្រឹងប្រែងបំពេញតាមលក្ខខណ្ឌដែលនៅសេសសល់ដើម្បីចូលរួមក្នុងប្លុកមួយនេះ។
រដ្ឋមន្ត្រីការបរទេសម៉ាឡេស៊ី លោក ម៉ូហាម៉ាត់ ហាសាន (Mohamad Hasan) បាននិយាយកាលពីថ្ងៃអាទិត្យ នៅមុនកិច្ចប្រជុំកំពូលអាស៊ានលើកទី៤៦ ថា កន្លងមករដ្ឋាភិបាលទីម័រខាងកើត បានធ្វើឱ្យមានការរីកចម្រើនគួរឱ្យកត់សម្គាល់ក្នុងការអនុវត្តផែនទីបង្ហាញផ្លូវ ដើម្បីចូលរួមក្នុងប្លុកអាស៊ាន។
លោក ម៉ូហាម៉ាត់ បានអះអាងថា ប្រទេសសមាជិកអាស៊ាន កំពុងអនុវត្តនីតិវិធីច្បាប់រៀងៗខ្លួនក្នុងគោលបំណងបញ្ចប់ដំណើរការចូលជាសមាជិករបស់ទីម័រខាងកើត នៅត្រឹមកិច្ចប្រជុំកំពូលអាស៊ានលើកទី៤៧ និងកិច្ចប្រជុំកំពូលពាក់ព័ន្ធនៅក្នុងខែតុលា ដើម្បីឱ្យប្រទេសនេះអាចក្លាយជាសមាជិកអាស៊ានទី១១ នៅត្រឹមពេលនោះ។
ទីម័រខាងកើត ជាប្រទេសក្មេងជាងគេនៅតំបន់អាស៊ីអាគ្នេយ៍ ដែលបានទទួលឯករាជ្យពីប្រទេសឥណ្ឌូនេស៊ី ក្នុងឆ្នាំ២០០២ បន្ទាប់ពីបានកាន់កាប់អស់រយៈពេល២៤ឆ្នាំ ហើយបច្ចុប្បន្នប្រទេសនេះដឹកនាំដោយលោក ចូស រ៉ាម៉ូស ហូតា (Jose Ramos-Horta) និងមានចំនួនប្រជាជនសរុបប្រហែល១,៣លាននាក់ ក្នុងឆ្នាំ២០១១៕
ដោយ៖ សុខ មង្គល
