ចិនថា ការរិះគន់ខ្លួនពីសំណាក់ប្រទេសលោកខាងលិចនៅ WTO «ជារឿងមិនសមរម្យ និងមិនសមហេតុផល»
ប្រទេសចិន បានចាត់ទុកការរិះគន់ខ្លាំងមកលើខ្លួនពីសំណាក់ប្រទេសលោកខាងលិច នៅអង្គការពាណិជ្ជកម្មពិភពលោក ថា ជារឿងដែលមិនសមរម្យ និងមិនសមហេតុសមផ…
ការបន្ថែមការគាំទ្រជួយដល់កំណើនសេដ្ឋកិច្ចសកលជា ប្រធានបទចំណងមួយ ក្នុងចំណោមប្រធានបទសំខាន់ៗជាច្រើនទៀត ដែលមេដឹកនាំ G20 លើកយកមកពិភាក្សា ហើយក៏ជាប្រធានបទដែល សម្រេចបានជាក់លាក់ជាងគេផងដែរ នោះគឺការយកពន្ធអប្បបរមាលើក្រុមហ៊ុនពហុភាគី ចំនួន១៥% ពីប្រាក់ចំណេញរបស់ពួកគេ។ តាមរយៈពន្ធនេះ គេអាចប្រមូលចំណូលបន្ថែមបាន១៥០ពាន់លានអឺរ៉ូ ឬស្មើនឹងប្រមាណ ១៧៣ពាន់លានដុល្លាអាមេរិក។
ដោយឡែក ទន្ទឹមនឹងការរកចំណូលបន្ថែមដើម្បីផ្តល់សម្ទុះឡើងវិញដល់សេដ្ឋកិច្ចពិភពលោក បញ្ហាកូវីដ១៩ក៏មិនត្រូវបានមើលរំលងនោះដែរ។ ក្នុងជំនួបដដែលនោះ G20 បានសន្យាជួយពន្លឿននិតិវិធីផលិត និងផ្តល់វ៉ាក់សាំងបង្ការកូវីដ១៩ដល់ប្រទេសក្រីក្រ ឲ្យបានកម្រិត៧០% យ៉ាងយូរឲ្យបានមុនពាក់កណ្តាលឆ្នាំ២០២២ ខណៈបច្ចុប្បន្ន មានប្រជាពលរដ្ឋក្នុងប្រទេសក្រីក្រ ប្រមាណ ៥%ប៉ុណ្ណោះ ដែលបានទទួលវ៉ាក់សាំងគ្រប់ចំនួនដូស។
គួរបញ្ជាក់ថា G20 មិនត្រឹមតែបានសន្យាពន្លឿនផលិត និងផ្គត់ផ្គង់វ៉ាក់សាំងកូវីដ១៩នោះទេ ប៉ុន្តែក្រុមប្រទេសអ្នកមានទាំងនេះ ថែមទាំងមានគម្រោងសន្យាគ្នា ធ្វើយ៉ាងណា ផ្តល់ភាពងាយស្រួល ក្នុងការពន្លឿននីតិវិធីផលិតថ្នាំវ៉ាក់សាំង នៅក្នុងករណីមានវិបត្តិជម្ងឺឆ្លងថ្មីណាមួយ ទៅថ្ងៃអនាគតទៀតផង។
សូមជម្រាបថា កិច្ចប្រជុំកំពូល G20 នៅក្នុងឆ្នាំនេះ បានធ្វើឡើងពីថ្ងៃទី៣០ដល់ ៣១តុលា ក្នុងទីក្រុង រ៉ូម ដែលប្រទេសអីតាលីធ្វើជាម្ចាស់ផ្ទះ។ ក្រោយបញ្ចប់កិច្ចប្រជុំនេះ មេដឹកនាំធំៗទាំង២០ នឹងបន្តដំណើរទៅចូលកិច្ចប្រជុំសន្និសីទអន្តរជាតិស្តីពីអាកាសធាតុលើកទី២៦ នៅទីក្រុង កាឡាស្កូវ ប្រទេសស្កុតលេន ពីថ្ងៃទី១វិច្ឆិកានេះ ដល់ថ្ងៃទី១២វិច្ឆិកា។ សន្និសីទនេះ នឹងត្រូវប្រទេសជាហត្ថលេខី ពិភាក្សាដោះស្រាយលើវិបត្តិអាកាសធាតុ និងជាពិសេសវិបត្តិខ្វះខាតថាមពល និងតម្លៃឡើងថ្លៃ ដែលកំពុងចាក់ស្រេះក្នុងពេលបច្ចុប្បន្ន៕
None
