រដូវវស្សាទូទាំងប្រទេសឆ្នាំ២០២២នឹងចាប់ផ្តើមពីថ្ងៃទី១៥ខែឧសភាតទៅ
ព័ត៌មាន
•
រដូវវស្សាជារួមទូទាំងប្រទេសសម្រាប់ឆ្នាំ២០២២ នឹងចាប់ផ្តើមនៅថ្ងៃទី១៥ ខែឧសភាខាងមុខនេះតទៅ។ ទន្ទឹមនឹងនោះកម្ពុជានឹងទទួលរងឥទ្ធិពលពីខ្យល់មូសុងន…
សហរដ្ឋអាមេរិកដែលជាសមាជិក G7 ដែរនោះ ក៏បានបង្ហាញការដាក់ទណ្ឌកម្មប្រឆាំងនឹងក្រុមថ្នាក់ដឹកនាំរបស់ធនាគារ Gazprombank និង អាជីវកម្មផ្សេងទៀតរបស់រុស្ស៊ី ដើម្បីដាក់ទណ្ឌកម្មបន្ថែមទៀតចំពោះទីក្រុងម៉ូស្គូសម្រាប់ការចូលឈ្លានពានអ៊ុយក្រែន។ នេះបើតាមការចុះផ្សាយសារព័ត៌មាន Reuters។
ប្រធានាធិបតីអាមេរិកលោក Joe Biden បានចូលរួមជាមួយមេដឹកនាំនៃសមាជិក G7 នៅក្នុងសន្និសីទវីដេអូមួយ ជាមួយប្រធានាធិបតីអ៊ុយក្រែនលោក Volodymyr Zelenskiy ដើម្បីពិភាក្សាអំពីបញ្ហាសង្គ្រាមឈ្លានពានរបស់រុស្ស៊ីនៅអ៊ុយក្រែន ក៏ដូចជាការគាំទ្រសម្រាប់អ៊ុយក្រែន និង វិធានការបន្ថែមសម្ពាធទណ្ឌកម្មកាន់តែខ្លាំងក្លាប្រឆាំងនឹងទីក្រុងម៉ូស្គូជាដើម។
មេដឹកនាំ G7 បាននិយាយនៅក្នុងសេចក្តីថ្លែងការណ៍រួមថា ពួកគេបានប្តេជ្ញានឹងលុបចោលការពឹងផ្អែកលើថាមពលរបស់រុស្ស៊ី រួមទាំងការបញ្ឈប់ការនាំចូលប្រេងពីរុស្ស៊ី ហើយនឹងធ្វើការរួមគ្នាជាមួយដៃគូ ដើម្បីធានាឱ្យបាននូវស្ថិរភាព និង និរន្តរភាពនៃការផ្គត់ផ្គង់ថាមពលសកល និង តម្លៃសមរម្យសម្រាប់អ្នកប្រើប្រាស់។
សហរដ្ឋអាមេរិកបានបង្ហាញការដាក់ទណ្ឌកម្មប្រឆាំងនឹងស្ថានីយ៍ទូរទស្សន៍រុស្ស៊ីចំនួនបី និង បានហាមឃាត់ជនជាតិអាមេរិកផ្ដល់សេវាគណនេយ្យ និងទទួលប្រឹក្សាសម្រាប់ជនជាតិរុស្ស៊ីនោះឡើយ។ មិនតែប៉ុណ្ណោះ អាមេរិកក៏បានដាក់រឹតត្បិតលើទិដ្ឋាការ(Visa) ចំនួនរបស់មន្ត្រីរុស្ស៊ី និងបេឡារុសចំនួន ២ពាន់៦រយ នាក់ផងដែរ។
លើសពីនេះទៀត សហរដ្ឋអាមេរិកក៏បានដាក់ទណ្ឌកម្មប្រឆាំងនឹងថ្នាក់ដឹកនាំធនាគារ Gazprombank របស់រុស្ស៊ីមួយចំនួនផងដែរ ។
ដោយឡែក នៅសហភាពអឺរ៉ុបឯណោះវិញ ឃើញថា ឯកអគ្គរដ្ឋទូតនៃបណ្តាប្រទេសសហភាពអឺរ៉ុបទាំង ២៧ បានជួបប្រជុំស្ទើររាល់ថ្ងៃ ដើម្បីពិភាក្សាលម្អិតអំពីកញ្ចប់ទណ្ឌកម្មទី ៦ ដែលផ្តោតការកាត់ផ្តាច់ការនាំចូលប្រេងពីទីក្រុងមូស្គូមកកាន់សហភាពអឺរ៉ុបទាំងមូល។
ក៏ប៉ុន្តែចំណុចជាប់គាំងនៅក្នុងការឈានទៅសម្រេចដាក់ចេញនូវទណ្ឌកម្មនេះ គឺទាក់ទងនឹងការធានាការផ្គត់ផ្គង់ប្រេងដល់ប្រទេសហុងគ្រី ស្លូវ៉ាគី និងសាធារណៈរដ្ឋឆៀក ដែលជាប្រទេសពឹងផ្អែកខ្លាំងលើប្រេងឆៅរបស់រុស្ស៊ីចាប់តាំងពីសម័យសហភាពសូវៀតមក ហើយប្រសិនបើត្រូវកាត់ផ្តាច់ទាំងស្រុង នោះ ប្រទេសទាំង៣នេះ នឹងប្រឈមមុខនឹងបញ្ហាក្នុងការធានាប្រភពជំនួស។
ទោះជាយ៉ាងនេះក្តី នៅក្រោមផែនការដំបូងនៃទណ្ឌកម្មទី ៦ ប្រទេសសហភាពអឺរ៉ុបទាំងអស់ លើកលែងតែប្រទេសហុងគ្រី ស្លូវ៉ាគី និង សាធារណៈរកឆៀក នឹងឈប់ទិញប្រេងឆៅពីរុស្ស៊ីក្នុងរយៈពេលប្រាំមួយខែ និង ឈប់ទិញផលិតផលប្រេងចម្រាញ់រួចរបស់រុស្ស៊ីនៅត្រឹមចុងឆ្នាំនេះ។
គួរជម្រាបថា សហរដ្ឋអាមេរិក និង អឺរ៉ុបបានដាក់ទណ្ឌកម្មលើរុស្ស៊ី ចាប់តាំងពីការលុកលុយលើអ៊ុយក្រែន ដោយផ្តោតលើវិស័យធនាគារ អាជីវកម្ម និងបុគ្គល ដើម្បីដាក់សម្ពាធដល់សេដ្ឋកិច្ចរុស្ស៊ី និងកាត់បន្ថយធនធានដែលត្រូវការប្រើ ដើម្បីជំរុញដល់ការធ្វើសង្គ្រាមឈ្លានពានរបស់ខ្លួន៕
អត្ថបទ៖ វ៉ាន់ ស្រីរ័ត្ន
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
