យោងតាមអង្គការសហប្រជាជាតិ មានអ្នកគាំទ្រ ឬសមាជិកនៃអតីតគណបក្សសង្គ្រោះជាតិ ចំនួនជាង ១៤០នាក់ ត្រូវបានគេកោះហៅសាកសួរទាក់ទងនឹងការចោទប្រកាន់ថា បានរំលោភសេចក្តីសម្រេចរបស់តុលាការកំពូល ដែលបានរំលាយបក្សប្រឆាំងនេះ នៅឆ្នាំ២០១៧។
យោងតាមប្រភពដដែល ការកោះហៅកើតមានបន្ទាប់ពីមានការអត្ថាធិប្បាយគាំទ្រអតីតមេដឹកនាំបក្សប្រឆាំងពីររូប គឺលោក សម រង្ស៊ី និងលោក កឹម សុខា និងមានបុគ្គលខ្លះ បានបង្ហោះវីដេអូពីការប្រជុំនិងសេចក្តីថ្លែងការណ៍គាំទ្រអតីតមេដឹកនាំទាំងពីរនេះ នៅតាមហ្វេកប៊ុក។
អ្នកជំនាញសិទិ្ធមនុស្សរបស់អង្គការសហប្រជាជាតិ លោកស្រី រ៉ូណា ស្ម៊ីត និងលោក ដេវីត កាយេ បាននិយាយនៅក្នុងសេចក្តីថ្លែងការណ៍ យ៉ាងដូច្នេះថា ៖ «យើងមានកង្វល់អំពីការប្រើប្រាស់ច្បាប់ព្រហ្មទណ្ឌដើម្បីដាក់គោលដៅទៅលើការនិយាយស្តីដោយសេរី ទាំងតាមអូហ្វឡាញ ទាំងតាមអនឡាញ។»
តើបានអានអត្ថបទនេះ ឬនៅ?
លោកស្រី រ៉ូណា ស្ម៊ីត និងលោក ដេវីត កាយេ បានបន្តថា ៖ «មនុស្សគ្រប់រូបមានសិទ្ធិសេរីភាពក្នុងការបញ្ចេញមតិ។ សិទ្ធិនេះគឺជាមូលដ្ឋានសម្រាប់សង្គមមួយបែបប្រជាធិបតេយ្យនិងយុត្តិធម៌។ ការរឹតត្បិតលើសេរីភាពក្នុងការបញ្ចេញមតិត្រូវតែមានដែនកំណត់និងត្រូវបានកំណត់ន័យឲ្យបានច្បាស់លាស់ ហើយសេចក្តីថ្លែងការណ៍៍គាំទ្រដល់អ្នកដឹកនាំនយោបាយមិនស្ថិតក្នុងដែនកំណត់រឹតត្បិត ដែលត្រូវបានអនុញ្ញាតនោះឡើយ។»
កាលពីឆ្នាំ២០១៧ តុលាការកំពូលបានរំលាយគណបក្សសង្គ្រោះជាតិ និងបានហាមឃាត់សមាជិកចំនួន ១១៨នាក់ មិនឲ្យធ្វើសកម្មភាពនយោបាយ ក្រោមការចោទប្រកាន់ថា ក្បត់ជាតិ ដោយមានការគាំទ្រពីសហរដ្ឋអាមេរិក។
អតីតគណបក្សសង្រ្គោះជាតិ និងសហរដ្ឋអាមេរិក កន្លងមក ធ្លាប់បានបដិសេធការចោទប្រកាន់ទាំងអស់នេះ។
តើបានអានអត្ថបទនេះ ឬនៅ ?
ថ្លែងប្រាប់ក្រុមអ្នកសារព័ត៌មានតាមសារតេឡេក្រាម លោក សុខ ឥសាន មកពីគណបក្សប្រជាជនកម្ពុជា នៅថ្ងៃពុធ ទី១៩ មិថុនា បានបង្ហោះសារដដែលថា ការគាំទ្រអតីតគណបក្សប្រឆាំង គឺខុសច្បាប់។
លោក សុខ ឥសាន បានសរសេរដូច្នេះថា ៖ «ទង្វើនៅគាំទ្រអតីតបក្សប្រឆាំង ជាការប្រព្រឹត្តល្មើសច្បាប់ប្រឆាំងសាលដីកាស្ថារពរនិងបិទផ្លូវតវ៉ារបស់តុលាការកំពូល។»
លោកបន្តថា ៖ «ព្រួយបារម្ភពីការរំលោភសិទ្ធិមនុស្ស = មនុស្សមួយចំនួននិងអង្គការសង្គមស៊ីវិលមួយចំនួន ដែលលំអៀងខាងនយោបាយដែលព្រួយបារម្ភ។ ចំណែកប្រជាជនទូទៅមានព្រួយបារម្ភអី?»៕
None
