សារព័ត៌មានខេមបូណូមីស សូមសង្ខេបចំណុចសំខាន់ៗ ដែលជាទស្សនៈរបស់សម្តេច ហ៊ុន សែន ដែលបានលើកឡើងនៅក្នុងកិច្ចប្រជុំកំពូលអាស៊ានពិសេសលើកទី៣៦ស្តីពីបញ្ហាជំងឺកូវីដ-១៩ តាមរយៈ Video Conferenceរួមមានដូចជា៖
ចំណុចទី១ គឺ អាស៊ានចាំបាច់ត្រូវលើកកម្ពស់ការចែករំលែកអោយបានទាន់ពេលវេលា នូវឧត្តមានុវត្តន៍ ព័ត៌មាន ទិន្នន័យ ព្រមទាំងបច្ចេកទេស បទពិសោធន៍និងចំណេះដឹងពាក់ព័ន្ធនឹងវេជ្ជសាស្ត្រពាក់ព័ន្ធនឹងជំងឺនេះ ក្នុងការការពារ ទប់សស្កាត់ វិនិច្ឆ័យព្យាបាលនិងតាមដាន ការសហការដោះស្រាយបញ្ហាប្រឈម ព្រមទាំងការគាំទ្រគ្នាទៅវិញទៅមករវាងសមាជិកអាស៊ានផងដែរ។
ចំណុចទទី២ គឺការលើកកម្ពស់ការសន្ទនាគ្នា ដើម្បីបញ្ជៀសនូវផលប៉ះពាល់ដែលបណ្តាលមកពីការបិទព្រំដែន ដោយមិនបានជូនដំណឹងជាមុន ដែលអាចប៉ះពាល់ដល់លំហូពាណិជ្ជកម្មរវាងប្រទេសក្នុងតំបន់ ជាពិសេស ការធ្វើដំណើរ និងការប្រកបរបររបស់ប្រជាពលរដ្ឋ។
ចំណុចទី៣ គឺ សម្តេច ហ៊ុន សែន ចែករំលែកនូវបទពិសោធន៍របស់សង្គមកម្ពុជា ទៅកាន់សមាជិកអាស៊ាន ជុំវិញការចែករំលែកធនធានក្នុងសង្គម ដែលអាចបន្ថយសម្ពាធមកលើថវិកាជាតិ គឺសំដៅដល់វប្បធម៌ចែករំលែក។
អត្ថបទគួរអាន
ចំណុចទី៤ គឺប្រមុខរាជរដ្ឋាភិបាលជម្រុញឲ្យសមាជិកអាស៊ាន ជៀសវាងការរើសអើងពូជសាសន៍ ដោយសម្តេចបានលើកឡើងពីស្ថានភាពកម្ពុជានាពេលកន្លងទៅ។នៅក្នុងនោះមានទាំងការអនុញ្ញាអោយនាវាទេសចរណ៍ Westerdam ចូលចត និងការជួយព្យាបាលជនបរទេសដែលបានឆ្លងវីរុសកូវីដ១៩ នៅកម្ពុជា រហូតដល់ជាសះស្បើយផងដែរ។
ចំណូចទី៥ សំដៅការសម្រួលដល់ការធ្វើដំណើររបស់ប្រជាជនក្នុងតំបន់អាស៊ាន ជាពិសេសសម្រួលដល់អ្នកដំណើរដែលជាប់គាំង ឬរងគ្រោះដោយកូវិដ១៩ ព្រោះថា កន្លងទៅថ្មីនេះ កម្ពុជាក៏បានអនុញ្ញាតឲ្យយន្តហោះពិសេសមួយរបស់ម៉ាឡេស៊ីមកទទួលពលរដ្ឋខ្លួនជាង១០០នាក់ដែរ។
ចំណុចទី៦ គឹសំដៅដល់ការរៀបចំយុទ្ធសាស្ត្រ ស្តារកំណើនសេដ្ឋកិច្ច ក្រោយបញ្ចប់បញ្ហាជំងឺកូវីដ១៩ ដោយកម្ពុជាយល់ថា អាស៊ានត្រូវពន្លឿនការអនុវត្តផែនការ និងយន្តការនានាដែលមានស្រាប់ ក្នុងគោលដៅជម្រុញអោយកំនើនសេដ្ឋកិច្ចឆាប់វិលមករកសភាពដើមវិញផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
