នៅទីក្រុងហូជីមីញ ប្រទេសវៀតណាមក្បែរខាងកម្ពុជា សូម្បីដីផ្នូរខ្មោចក៏ត្រូវឈូសឆាយចេញដើម្បីបើកផ្លូវដល់ការសាងសង់អគារលំនៅដ្ឋានខ្ពស់ស្កឹមស្កៃដែរ។
អាជ្ញាធរក្រុងហូជីមីញ បានអនុម័តផែនការអភិវឌ្ឍតំបន់លំនៅដ្ឋានប្រជាពលរដ្ឋថ្មី ៧តំបន់ នៅក្នុងស្រុក Binh Tan ក្នុងនោះតំបន់មួយគឺត្រូវសង់លើកន្លែងបញ្ចុះសពដ៏ធំជាងគេបំផុតនៅក្នុងទីក្រុង។ នេះបើយោងតាមការចុះផ្សាយរបស់សារព័ត៌មាន VN Express។
អត្ថបទគួរអាន!
ដីផ្នូរខ្មោចទំហំ ៤០ហិកតា ដែលមានផ្នូរ ៧ម៉ឺន ៥ពាន់ផ្នូរ នឹងត្រូវឈូសឆាយដើម្បីយកដីសង់អគារខ្ពស់ស្កឹមស្កៃ ឧទ្យាន និងសំណង់សាធារណៈនានា។
អាជ្ញាធរក្រុងបានសម្រេចឈូសឆាយផ្នូរទាំងនេះតាំងពីឆ្នាំ២០០៨ ប៉ុន្តែ ការងារឈូសឆាយទើបតែចាប់ផ្ដើមកាលពីឆ្នាំ២០១៦ ហើយដាក់ឱសានវាទដល់សាច់ញាតិត្រឹមថ្ងៃទី៣១ ខែតុលា ដើម្បីជម្លៀសផ្នូរទាំងនេះ។
ចំពោះផ្នូរទាំងឡាយណាដែលគ្មានសាច់ញាតិមកគាស់ អាជ្ញាធរក្រុងនឹងធ្វើការគាស់ និងរៀបចំបូជាឲ្យបានត្រឹមត្រូវ៕
