តើសេដ្ឋកិច្ចថៃ នឹងមានស្ថានភាពប្រែប្រួលអ្វីខ្លះក្នុងឆ្នាំ២០២៥?
ប្រធានធនាគារកណ្តាលថៃ បាននិយាយកាលពីថ្ងៃព្រហស្បតិ៍ ទី៣០ ខែមករាថា ស្ថានភាពសេដ្ឋកិច្ចរបស់ថៃ ដែលជាសេដ្ឋកិច្ចធំបំផុតទី២ នៅអាស៊ាននោះ អាចដំណើរ…
នៅមុនពេលដែលលោក ដូណាល់ ត្រាំ ចូលកាន់តំណែងកាលពីថ្ងៃទី២០ ខែមករា ឆ្នាំ២០២៥ សហរដ្ឋអាម៉េរិក ក្រោមការដឹកនាំរបស់លោកប្រធានាធិបតី ចូ បៃដិន គឺសម្រេចបានកំណើនសេដ្ឋកិច្ចវិជ្ជមានជាបន្តបន្ទាប់។
តាមស្ថិតិបានឲ្យដឹងថា អត្រាផលិតផលក្នុងស្រុកសរុបរបស់សហរដ្ឋអាម៉េរិក កាលពីត្រីមាសទី៤ ឆ្នាំ២០២៤ គឺសម្រេចបានកំណើនប្រមាណជា ២,៣ភាគរយ ដែលនាំឲ្យពេញមួយឆ្នាំ២០២៤ សហរដ្ឋអាម៉េរិក បានទទួលកំណើនសេដ្ឋកិច្ចសរុប ២,៨ % ។
ជាមួយនឹងស្ថានភាពនេះ អ្នកសេដ្ឋកិច្ចបានអះអាងថា សហរដ្ឋអាម៉េរិក បានឈានជើងចេញពីស្ថានភាពសេដ្ឋកិច្ចដ៏អាប់អួរបំផុត ក្រោយពេលប្រឈមមុខយ៉ាងធ្ងន់ធ្ងរដោយការរីករាលដាលនៃមេរោគកូវីដ-១៩ នៅចុងអាណត្តិនៃរដ្ឋបាល លោក ត្រាំ កាលពីឆ្នាំ២០២១ ។
តាមស្ថិតិដែលគេបានកត់ត្រាសេដ្ឋកិច្ចអាម៉េរិក កាលពីឆ្នាំ២០២១ ធ្លាក់ចុះប្រមាណជា ៣,៨៦ % ហើយនៅឆ្នាំ២០២២ កើនឡើងបាន០,៦១% ដល់ ឆ្នាំ២០២៣ កើនឡើងដល់ ២,៩% ហើយនៅឆ្នាំ២០២៤ គឺសម្រេចបាន២,៨% ។
លោក ប៉ូល អាស្វត (Paul Ashworth) សេដ្ឋវិទូអាម៉េរិក នៅក្រុមហ៊ុន Capital Economics បាននិយាយថា តួលេខនេះបង្ហាញថា សេដ្ឋកិច្ចសហរដ្ឋអាម៉េរិក នៅតែរឹងមាំ ទោះបីជាកាលពីត្រីមាសចុងក្រោយនៃឆ្នាំ២០២៤ សេដ្ឋកិច្ចអាម៉េរិក ត្រូវបានអង្រួនដោយវិបត្តិនៃក្រុមហ៊ុនផលិតយន្តហោះ ប៊ូអ៊ីង និង ផលវិបាកនៃគ្រោះមហន្តរាយដោយខ្យល់ព្យុះសង្ឃរាចំនួនពីរធំៗក៏ដោយចុះ៕
ដោយៈ សរ សុជាតិ
