អ្នកជំនាញយល់ឃើញផ្សេងគ្នា ជុំវិញការឈប់ផ្តល់ថវិកា៤០ដុល្លារក្នុង១ខែដល់កម្មករព្យួរការងារក្នុងវិស័យទេសចរណ៍
រាជរដ្ឋាភិបាលកម្ពុជាបានសម្រេចឈប់ផ្តល់ប្រាក់ឧបត្ថម្ភចំនួន៤០ដុល្លារក្នុង១ខែ ដល់កម្មករ និយោជិតដែលបានព្យួរការងារក្នុងវិស័យទេសចរណ៍ ក្រោយអាជីវក…
ក្រុមហ៊ុន Honda ដែលជាដៃគូប្រកួតប្រជែងដ៏ធំមួយរបស់ ក្រុមហ៊ុន Toyota Motor បានជួបប្រឈមបញ្ហាដូចគ្នា ខណៈក្រុមហ៊ុនទាំងពីរនេះគឺមានភាពយឺតយ៉ាវក្នុងការផ្លាស់ប្តូរការវិវត្តរបស់ខ្លួនក្នុងការផលិតរថយន្តអគ្គិសនី (EV) ហើយស្ថិតនៅក្រោមសម្ពាធពីអ្នកវិនិយោគ ដែលចង់បានការផលិតរថយន្តដែលគ្មានជាតិកាបូន និង បំពាក់ដោយបច្ចេកវិទ្យាថ្មីៗ ដូចជារថយន្តអាចមានសមត្ថភាពបើកបានដោយខ្លួនឯងជាដើម។
ក្រុមហ៊ុនផលិតរថយន្ត Honda គឺជាក្រុមហ៊ុនដំបូងគេ ដែលបានអះអាងថាខ្លួនគ្រោងនឹងបញ្ចេញលក់រថយន្ត អគ្គិសនី ឲ្យបានដល់ចំនួន ៣០ ម៉ូឌែល និងផលិតរថយន្តអគ្គិសនីប្រចាំឆ្នាំឱ្យបានចំនួន ២ លានគ្រឿងត្រឹមឆ្នាំ ២០៣០។
ក្រុមហ៊ុន Honda បាននិយាយនៅក្នុងសេចក្តីថ្លែងការណ៍មួយកាលពីថ្ងៃទី ១៦មិថុនា ថា ចំពោះការបណ្ដាក់ទុនជាមួយនឹងក្រុមហ៊ុន Sony ដែលបានប្រកាសជាលើកដំបូងនៅក្នុងខែមីនាកន្លងទៅ ក្រុមហ៊ុនទាំងពីរ បានសម្រេចបង្កើតក្រុមហ៊ុនបុត្រសម្ព័ន្ធមួយដែលមានឈ្មោះថា Sony Honda Mobility ហើយក្រុមហ៊ុន Honda នឹងនាំយកអ្នកជំនាញរបស់ខ្លួន ដើម្បីរៀបចំការផលិតរថយន្តអគ្គិសនី និងការដាក់លក់នៅលើទីផ្សារ ហើយក្រុមហ៊ុន Sony នឹងរួមចំណែកអភិវឌ្ឍកម្មវិធី Software និង បច្ចេកវិទ្យាបន្ថែមទៀត ដើម្បីអភិវឌ្ឍន៍សមត្ថភាពរថយន្ត។
ការបណ្ដាក់ទុនរួមគ្នារវាង Sony និង Honda ត្រូវបានគេដឹងថា មានតម្លៃជាទឹកប្រាក់សរុបប្រមាណ៧៥លានដុល្លារ ដោយក្នុងនោះ ក្រុមហ៊ុននីមួយៗបោះទុនវិនិយោគស្មើនឹងគ្នាគឺជាង ៣៧លានដុល្លារ នៅក្នុងការផលិតរថយន្ដអគ្គិសនីនេះ។
ទន្ទឹមនឹងនោះ កាលពីដើមឆ្នាំនេះ ក្រុមហ៊ុន Honda ក៏បានអះអាងថា ខ្លួននឹងអភិវឌ្ឍស៊េរីរថយន្តអគ្គិសនីដែលមានតម្លៃទាបជាមួយក្រុមហ៊ុន General Motors របស់អាមេរិក ដើម្បីចាប់ផ្តើមផលិតរថយន្តអគ្គិសនីប្រភេទ អេសយូវី (SUV) ចំនួន ២ម៉ែឌែល ចាប់ពីឆ្នាំ ២០២៤ផងដែរ។
ទោះយ៉ាងណា ក្រុមហ៊ុន Honda ដែលជាអ្នកផលិតម៉ូដែលរថយន្តដ៏ពេញនិយមមួយនេះ ក៏កំពុងដោះស្រាយជាមួយនឹងកម្រិតនៃការផលិតធ្លាក់ចុះទាប ដោយសារតែតម្លៃនៃវត្ថុធាតុដើមបានកើនឡើង បូករួមជាមួយការប៉ះទង្គិចនៃការខ្វះខាតបន្ទះឈីប ដែលកំពុងកើតឡើងនៅទូទាំងពិភពលោក៕
None
