Advertisement
Advertisement
Advertisement
ហុងកុង អភិវឌ្ឍ កោះសិប្បនិមិត្ត

ហុងកុង នឹងចំណាយ ៨០ពាន់លានដុល្លារអាមេរិក បង្កើតកោះសិប្បនិម្មិត គម្រោងលំនៅដ្ឋាន


ហុងកុង បាននិងកំពុងពិចារណាលើ គម្រោងសាងសង់កោះសិប្បនិម្មិត ទំហំ ១ពាន់ហិកតា ដែលមានឈ្មោះថា ចក្ខុវិស័យថ្ងៃស្អែកនៃកោះឡានតៅ ដោយនឹងចំណាយទឹកប្រាក់សាងសង់ជាង ៨០ពាន់លានដុល្លារអាមេរិក និងចាប់ផ្តើមទទួលប្រជាជន ឲ្យចូលរស់នៅដំបូង នៅឆ្នាំ ២០៣២ខាងមុខ។ នេះបើយោងតាមការចេញផ្សាយរបស់ សារព័ត៌មានអន្តរជាតិធំៗជាច្រើន។
ហុងកុង នឹងចំណាយ ៨០ពាន់លានដុល្លារអាមេរិក បង្កើតកោះសិប្បនិម្មិត គម្រោងលំនៅដ្ឋាន (https://www.cnbc.com)
ដោយ
Advertisement

អាជ្ញាធរហុងកុង បានប្រកាសពី គម្រោង​សាងសង់​កោះ​សិប្បនិម្មិត នៅខាងលិច​កោះហុងកុង ដែលនឹង​ក្លាយជា គម្រោង​ថ្លៃបំផុត​ក្នុង​ប្រវត្តិសាស្រ្ត ដែលអាច​នឹងប្រើ​ប្រាស់ ប្រា​ក់បំរុង​សារពើពន្ធ អស់ពាក់​កណ្តាល​ឯណោះ​។

កោះនេះ នឹងក្លាយ​ទៅតំបន់​សេដ្ឋកិច្ច និងលំនៅដ្ឋាន​ទី ៣ របស់​ហុងកុង ដែលនឹង​ត្រូវបាន​រៀបចំកែច្នៃ អភិវឌ្ឍន៍​ឡើងវិញ ប្រកប​ដោយ​តុល្យភាព​ និងនិរន្តរភាព​ ព្រមទាំង​មានបណ្តាញ​ដឹកជញ្ជូន តភ្ជាប់ទៅដល់ នាពេល​ខាងមុខ។

លើសពីនេះទៅទៀត កោះសិប្បនិម្មិតនេះ រំពឹងបង្កើត​លំនៅដ្ឋាន​បាន ២សែន ៦ម៉ឺន​ឯកតា ក្នុងនោះ ៧០ភាគរយ គឺសម្រាប់​គម្រោង​លំនៅដ្ឋាន​សាធារណៈ ហើយគម្រោង​នេះ នឹងចាប់ផ្តើម​នៅឆ្នាំ​ ២០២៥ និងបើក​ទទួល​ប្រជាពលរដ្ឋ​ឲ្យចូលរស់នៅ​បាន នៅក្នុង​ឆ្នាំ ២០៣២។

ការចំណាយ​លើគម្រោង​នេះ​ អាចនឹងកើន​ឡើង​លើសពី​ ការប៉ាន់​ប្រមាណ​នាពេល​បច្ចុប្បន្ន​ទៅទៀត ហើយ​អាជ្ញាធរ ក៏កំពុង​តែសិក្សា​ពី បញ្ហាបច្ចេកទេស ផលប៉ះពាល់​ដល់​បរិស្ថាន និងនយោបាយ​ក្នុងស្រុក​ផងដែរ។

បើទោះបីជា​មានការ​ប្រឈម​មុខនឹង កត្តា​បម្រែបម្រួល​អាកាសធាតុ ក្តី អាជ្ញាធរ​ហុងកុង នៅតែ​រក្សាជំហរ បង្កើត កោះឆ្លាតវៃ និងបៃតង ដែលប្រើប្រាស់​ថាមពល​កកើត​ឡើងវិញ និងរក្សា​ភាពបៃតង៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ខ្មែរនៅតែខ្សោយក្នុងជំនួញទ្វេភាគីជាមួយវៀតណាមនៅដើមឆ្នាំ ២០១៩នេះ

ព័ត៌មាន
នៅក្នុងរយៈពេល១ខែដើមឆ្នាំ ២០១៩នេះ ជំនួញទ្វេភាគីរវាង កម្ពុជា និង វៀតណាម ឈានដល់ចំណាត់ថ្នាក់ទី ៦ ក្នុងចំណោមបណ្តាប្រទេសក្នុងតំបន់អាស៊ាន ...

ធនាគារអេស៊ីលីដាសាខាម៉ៅសេទុង នាំមុខគេ ក្នុងវិស័យឥណទាន ក្នុងចំណោម ២៦២ សាខាទូទាំងប្រទេស

ព័ត៌មាន
គិតត្រឹមចុងខែកុម្ភៈ ឆ្នាំ២០១៩នេះ ធនាគារអេស៊ីលីដា មានសាខាចំនួន ២៦២ សាខា ដោយគ្របដណ្តប់ ទូទាំងប្រទេសកម្ពុជា ព្រមទាំងបានពង្រីកតំបន់ប្រតិ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ