ឧកញ៉ា ចេង ខេង ប្រធានក្រុមប្រឹក្សាភិបាល និងជាអគ្គនាយកក្រុមហ៊ុនអចលនទ្រព្យ CPL បានចាត់ទុកវិស័យអចលនទ្រព្យជាសរសស្តម្ភដ៏រឹងមាំមួយ ក្នុងការទ្រទ្រង់កំណើនសេដ្ឋកិច្ច ដែលទាមទារឲ្យមានការយកចិត្តទុកដាក់ខ្ពស់ក្នុងការគ្រប់គ្រង ដើម្បីឆ្លើយតបនឹងការប្រែប្រួល និងការរីកលូតលាស់យ៉ាងឆាប់រហ័សនៃការអភិវឌ្ឍសង្គមជាតិ។ កត្តានេះបានធ្វើជំរុញឲ្យលោកឧកញ៉ាចាត់ទុកប្រព័ន្ធទិន្នន័យសន្ទស្សន៍ថ្លៃលំនៅដ្ឋាន ដែលធនាគារជាតិនៃកម្ពុជាទើបដាក់ឲ្យប្រើប្រាស់កាលពីពេលថ្មីៗនេះថា ជាប្រព័ន្ធមួយដ៏សំខាន់ក្នុងការកាត់បន្ថយហានិភ័យ និងចូលរួមអភិវឌ្ឍន៍វិស័យអចលនទ្រព្យនៅកម្ពុជា។ ព្រោះប្រព័ន្ធនេះ នឹងក្លាយជាប្រភពផ្តល់ទិន្នន័យដ៏សំខាន់មួយសម្រាប់អ្នកវិនិយោគនិងក្រុមហ៊ុនអភិវឌ្ឍន៍នានាក្នុងការវិភាគ និងវាយតម្លៃអចលនទ្រព្យ ដែលអាចផ្តល់ការសម្រេចចិត្តមួយដ៏ត្រឹមត្រូវ។
ជុំវិញបញ្ហានេះ លោកស្រី អាន សុធីតា នាយិកាគ្រប់គ្រងក្រុមហ៊ុនអចលនទ្រព្យ PropNex បានចាត់ទុកការដាក់ឲ្យប្រើប្រាស់សន្ទស្សន៍ថ្លៃលំនៅឋានជាចំណុចចាប់ផ្តើមដ៏ល្អមួយ ដែលអាចឲ្យអ្នកវិនិយោគ និងទិញអចលនទ្រព្យដឹងពីកំណើនឡើងចុះនចាថ្យដឹងពីការប្រែប្រួលហាញជាសាារក់បង្ហាើថើប្រាស់សន្តនៃតម្លៃលំនៅឋានក្នុងតំបន់មួយជាក់លាក់។ ព្រោះកន្លងមកនៅកម្ពុជាទិន្នន័យពាក់ព័ន្ធនឹងតម្លៃអចលនទ្រព្យមិនសូវត្រូវបានបង្ហាញជាសាធារណៈ និងមានភាពច្បាស់លាស់នោះទេ។ ដូច្នេះតាមរយៈប្រព័ន្ធនេះអ្នកជំនាញរូបនេះជឿជាក់ថា វានឹងផ្តល់ទំនុកចិត្តបន្ថែមទៀតដល់អ្នកវិនិយោគលើវិស័យអចលនទ្រព្យ ជាពិសេសវិស័យលំនៅឋានតែម្តង។
អ្នកជំនាញរូបនេះ យល់ឃើញថា គោលបំណងនៃការដាក់ឲ្យប្រើប្រាស់សន្ទស្សន៍ថ្លៃលំនៅដ្ឋាន គឺដោយសារធនាគារជាតិនៃកម្ពុជាចង់ដឹងពីការប្រែប្រួលនៃតម្លៃអចលនទ្រព្យ ដើម្បីងាយស្រួលក្នុងការគ្រប់គ្រ និងវាយតម្លៃពីផលប៉ះពាល់នានា ព្រោះការកើនឡើងតម្លៃអចលនទ្រព្យវាល្អប្រសើរសម្រាប់អ្នកអភិវឌ្ឍន៍ និងម្ចាស់គម្រោងតែអាចជះឥទ្ធិពលមិនល្អដល់ប្រជាពលរដ្ឋជាអ្នកទិញ និងការវិនិយោគ។ ដូច្នេះ សន្ទស្សន៍ថ្លៃលំនៅដ្ឋានជាប្រព័ន្ធមួយដ៏ល្អ ដែលអាចឲ្យរាជរដ្ឋាភិបាលដឹងពីកត្តាល្អ ឬអាក្រក់ ដែលកើតចេញពីកំណើនឡើងចុះនៃតម្លៃលំនៅដ្ឋាន។
អត្ថបទគួរអាន
ធនាគារជាតិនៃកម្ពុជា និងវិទ្យាស្ថានស្ថិតិនៃក្រសួងផែនការ កាលពីថ្ងៃទី៦ ខែមិថុនា ឆ្នាំ២០២២ បានរៀបចំសិក្ខាសាលាផ្សព្វផ្សាយ និងប្រកាសដាក់ឲ្យប្រើប្រាស់សន្ទស្សន៍ថ្លៃលំនៅដ្ឋាន ដែលជាប្រព័ន្ធផ្ទុកទិន្នន័យនៃការប្រែប្រួលតម្លៃក្នុងវិស័យលំនៅឋាន។ គោលបំណងនៃការដាក់ឲ្យប្រើប្រាស់ប្រព័ន្ធ គឺដើម្បីងាយស្រួលគ្រប់គ្រង ក៏ដូចជាឆ្លើយតបនឹងការរីកលូតលាស់យ៉ាងឆាប់រហ័សនៃវិស័យអចលនទ្រព្យ និងសំណង់ ព្រោះប្រែប្រួលតម្លៃក្នុងវិស័យទាំងនេះអាចបង្កហានិភ័យដល់វិស័យផ្សេងៗ ពិសេសវិស័យហិរញ្ញវត្ថុដែលជាសរសៃឈាមដ៏សំខាន់នៃចរន្តសេដ្ឋកិច្ចជាតិ។ កត្តានេះទាមទារឱ្យព័ត៌មាន និងទិន្នន័យសន្ទស្សន៍ថ្លៃលំនៅដ្ឋានត្រូវតែមានភាពរឹងមាំ គ្រប់ជ្រុងជ្រោយ និងទាន់ពេលវេលា សម្រាប់ជាធាតុចូលដ៏សំខាន់ក្នុងការវិភាគ វាយតម្លៃ ចេញវិធានការណ៍ និងរៀបចំផែនការ និងយុទ្ធសាស្ត្រអភិវឌ្ឍន៍ប្រកបដោយប្រសិទ្ធភាព និងប្រសិទ្ធផល។
បើតាមធនាគារជាតិ នៃកម្ពុជា ការបង្កើតសន្ទស្សន៍ថ្លៃលំនៅដ្ឋាន ដោយឈរលើទស្សនៈវិស័យចម្បងៗចំនួន៣រួមមាន តម្រូវការប្រើប្រាស់ទិន្នន័យ, គុណភាព និងវិសាលភាពទិន្នន័យ និងប្រភពផ្គត់ផ្គង់ទិន្នន័យ។ ទស្សនវិស័យចម្បងៗទាំងអស់នេះ គឺមានសារសំខាន់ណាស់សម្រាប់សាធារណជន និងជាពិសេសសម្រាប់អ្នករៀបចំគោលនយោបាយសេដ្ឋកិច្ច និងរូបិយវត្ថុ ក្នុងគោលបំណងតាមដានអតុល្យភាពម៉ាក្រូសេដ្ឋកិច្ច និងការវាយតម្លៃហានិភ័យដែលកើតឡើងលើវិស័យពាក់ព័ន្ធផ្សេងៗ៕
None
