មូលនិធិ IMF បាននិយាយនៅក្នុងការធ្វើបច្ចុប្បន្នភាពទស្សនវិស័យសេដ្ឋកិច្ចពិភពលោករបស់ខ្លួនថ្មីចុងក្រោយនេះថា កំណើន GDP ពិតប្រាកដក្នុងពិភពលោកនឹងធ្លាក់ចុះដល់កម្រិត ៣,២% ក្នុងឆ្នាំ២០២២ ពោលគឺបានបន្តធ្លាក់ចុះពីកម្រិត ៣,៦% ដែលខ្លួនបានព្យាករកាលពីខែមេសា។ ធនាគារ IMF បានគូសបញ្ជាក់ដែរថា GDP ពិភពលោកពិតជាបានធ្លាក់ចុះនៅត្រីមាសទីពីរឆ្នាំនេះ ដោយសារតែការធ្លាក់ចុះសេដ្ឋកិច្ចនៅប្រទេសចិន និងរុស្ស៊ី។
ស្ថាប័នហិរញ្ញវត្ថុអន្តរជាតិមួយនេះ ក៏បានបានធ្វើការព្យាករជាថ្មីពីកំណើនសេដ្ឋកិច្ចឆ្នាំ២០២៣របស់ខ្លួនមកនៅត្រឹម ២,៩% គឺបានកាត់បន្ថយពីការប៉ាន់ប្រមាណក្នុងកម្រិត ៣,៦% កាលពីខែមេសា ដោយលើកឡើងពីផលប៉ះពាល់នៃគោលនយោបាយរូបិយវត្ថុកាន់តែតឹងតែងជាងមុន។
ប្រធានសេដ្ឋវិទូប្រឆាំងអង្គការមូលនិធិរូបិយវត្ថុអន្តរជាតិ លោក Pierre-Olivier Gourinchas បានប្រាប់សន្និសីទព័ត៌មានថា ទស្សនវិស័យនេះមានភាពងងឹតយ៉ាងខ្លាំងតាំងពីខែមេសាមកម្ល៉េះ។ លោកបន្ថែមថា ពិភពលោកអាចនឹងដើរដល់មាត់ជ្រោះនៃវិបត្តិសេដ្ឋកិច្ចពិភពលោកក្នុងពេលឆាប់ៗនេះ ពោលគឺវិបត្តិសេដ្ឋកិច្ចអាចកើតមាន នៅត្រឹមតែ ២ ឆ្នាំប៉ុណ្ណោះ បន្ទាប់ពីមានការធ្លាក់ចុះសេដ្ឋកិច្ចចុងក្រោយបង្អស់។
អត្ថបទគួរអាន
ប្រធានសេដ្ឋវិទូ IMF រូបនេះបានបន្ថែមថា ប្រទេសដែលមានសេដ្ឋកិច្ចធំជាងគេទាំង៣នៅក្នុងពិភពលោកគឺសហរដ្ឋអាមេរិក ចិន និងតំបន់ចាយប្រាក់អឺរ៉ូកំពុងតែជាប់គាំង ហើយវាបានបង្កការលំបាកយ៉ាងខ្លាំងសម្រាប់ទស្សនវិស័យសេដ្ឋកិច្ចពិភពលោក។
អង្គការIMF បានគូសបញ្ជាក់ទៀតថា ការព្យាករចុងក្រោយរបស់ខ្លួននេះ គឺមិនទាន់ច្បាស់ទេ និងស្ថិតការប្រែប្រួលហានិភ័យនៃសង្គ្រាមរបស់រុស្ស៊ីនៅអ៊ុយក្រែន ដែលជំរុញឱ្យតម្លៃថាមពល និងអាហារកើនឡើង ហើយកត្តានេះនឹងធ្វើឱ្យអតិផរណាកាន់តែធ្ងន់ធ្ងរ និងមានរយៈពេលកាន់វែង ដែលនឹងជំរុញឱ្យមានការរឹតបន្តឹងគោលនយោបាយរូបិយវត្ថុបន្ថែមទៀត។
មូលនិធិ IMF បានរំពឹងទៀតថា អត្រាអតិផរណាឆ្នាំ២០២២ នៅតាមប្រទេសសេដ្ឋកិច្ចជឿនលឿននឹងឈានដល់៦,៦% គឺបានកើនឡើងពី ៥,៧% នៅក្នុងការព្យាករកាលពីខែមេសាខណៈដែលអតិផរណានៅក្នុងទីផ្សារកំពុងរីកចម្រើន និងប្រទេសកំពុងអភិវឌ្ឍន៍ ត្រូវគេរំពឹងថា នឹងឈានដល់ ៩,៥%។
ប្រធានសេដ្ឋវិទូប្រចាំ IMF បាននិយាយថា អតិផរណានៅកម្រិតបច្ចុប្បន្ននេះបានបង្ហាញពីហានិភ័យច្បាស់លាស់សម្រាប់ស្ថិរភាពម៉ាក្រូសេដ្ឋកិច្ចបច្ចុប្បន្ន និងអនាគត ហើយក្រុមអ្នកបង្កើតគោលនយោបាយគួរតែផ្ដោតខ្លាំងលើការធ្វើឱ្យវាត្រឡប់ទៅរកគោលដៅរបស់ធនាគារកណ្តាលវិញ៕
អត្ថបទ៖ សុខ ជា
