រថយន្តអគ្គិសនីនៅទូទាំងពិភពលោកនឹងឈានដល់៨៥លានគ្រឿង នៅត្រឹមដំណាច់ឆ្នាំ២០២៥
ក្រុមហ៊ុនស្រាវជ្រាវ ហ្គាតន័រ (Gartner) ដែលមានមូលដ្ឋាននៅសហរដ្ឋអាម៉េរិក បានព្យាករថា នៅត្រឹមដំណាច់ឆ្នាំ២០២៥ ចំនួនរថយន្តអគ្គិសនីសរុប ដែលធ្វើ…
អ្នកនាំពាក្យក្រសួងឧស្សាហកម្មឥណ្ឌូនេស៊ី លោក ហ្វេព្រី ហិនឌ្រី អង់តូនី អារីហ្វ (Febri Hendri Antoni Arief) បានចេញសេចក្ដីថ្លែងការណ៍មួយកាលពីថ្ងៃសុក្រ សប្ដាហ៍មុនថា ក្រុមហ៊ុនបច្ចេកវិទ្យាខ្នាតយក្ស Apple នឹងមិនត្រូវបានអនុញ្ញាតឱ្យលក់ទូរសព្ទស្មាតហ្វូន iPhone 16 របស់ខ្លួននៅក្នុងប្រទេសឥណ្ឌូនេស៊ីឡើយ ដោយសារតែពួកគេមិនបានបំពេញតាមច្បាប់ជាធរមាន ស្ដីពីការប្រើប្រាស់សមាសធាតុផលិតរបស់ឥណ្ឌូនេស៊ី។
សេចក្ដីថ្លែងការណ៍នេះបានបន្ថែមថា ប្រទេសឥណ្ឌូនេស៊ី តម្រូវឱ្យទូរសព្ទស្មាតហ្វូនមួយចំនួនដែលលក់ក្នុងស្រុកត្រូវប្រើគ្រឿងបន្លាស់ក្នុងស្រុកយ៉ាងហោចណាស់ឱ្យបាន៤០% ប៉ុន្តែទូរសព្ទ iPhone 16 មិនបានបំពេញតាមលក្ខខណ្ឌនេះទេ។
សេចក្ដីថ្លែងការណ៍នេះ បានបន្ថែមទៀតថា ទូរសព្ទ iPhone 16 ដែលនាំចូលទៅឥណ្ឌូនេស៊ី មិនអាចដាក់លក់ក្នុងទីផ្សារប្រទេសនេះបានទេ ដោយសារក្រុមហ៊ុន Apple Indonesia មិនបានបំពេញតាមតម្រូវការនៃការវិនិយោគរបស់ខ្លួន ដើម្បីទទួលបានវិញ្ញាបនបត្រមាតិកាក្នុងស្រុកប៉ុន្តែគេនៅតែអាចនាំចូលវាបានសម្រាប់ប្រើប្រាស់ផ្ទាល់ខ្លួនឱ្យតែគេបង់ពន្ធតាមការកំណត់។
បច្ចុប្បន្នក្រុមហ៊ុន Apple មិនបានបង្កើតរោងចក្រផលិតទូរសព្ទរបស់ខ្លួននៅប្រទេសឥណ្ឌូនេស៊ីទេ ប៉ុន្តែចាប់តាំងពីឆ្នាំ២០១៨ មក ក្រុមហ៊ុននេះបាននិងកំពុងបង្កើតកម្មវិធីសិក្សាដល់អ្នកអភិវឌ្ឍកម្មវិធីដែលរួមទាំងការបង្កើតសាលាថ្មីមានតម្លៃសរុបជាង១០០លានដុល្លារផងដែរ៕
បើតាមក្រុមហ៊ុនស្រាវជ្រាវ IDC បាននិយាយកាលពីខែឧសភា ថា ក្រុមហ៊ុនផលិតទូរសព្ទស្មាតហ្វូនកំពូលៗចំនួនពីរបានឈានមុខគេនៅក្នុងទីផ្សារប្រទេសឥណ្ឌូនេស៊ីនៅក្នុងត្រីមាសទីមួយឆ្នាំនេះ គឺក្រុមហ៊ុន OPPO របស់ចិន និងក្រុមហ៊ុនកូរ៉េខាងត្បូង Samsung៕
អត្ថបទ៖ សុខ មង្គល
