បញ្ហាអាមេរិកកំពុងរារាំងដល់ UN មិនឲ្យចេញសេចក្ដីថ្លែងការណ៍នេះ ក៏ត្រូវបានប្រទេសចិនដែលត្រូវដល់វេនដឹកនាំកិច្ចប្រជុំក្នុងក្រុមប្រឹក្សាសន្ដិសុខអង្គការសហប្រជាជាតិសម្រាប់ខែឧសភានេះទទូចឲ្យអាមេរិកដើរតួនាទីក្នុងន័យស្ថាបនា តាមរយៈការទូតដើម្បីដោះស្រាយជម្លោះក្នុងតំបន់ហ្គាហ្សា។
អ្នកនាំពាក្យក្រសួងការបរទេសចិន លោក ចៅ លីជៀន (Zhao Lijian) បានអះអាងថា៖ «ប្រទេសចិនក្នុងនាមជាប្រធានប្តូរវេនក្រុមប្រឹក្សាសន្ដិសុខអង្គការសហប្រជាជាតិក្នុងខែនេះ បានជំរុញឲ្យមានបទឈប់បាញ់មួយ បូករួមនឹងការផ្តល់ជំនួយមនុស្សធម៌ជាបន្ទាន់ សម្រាប់ការប៉ះទង្គិចគ្នានៅហ្កាហ្សា ប៉ុន្តែមានប្រទេសមួយបានរារាំងក្រុមប្រឹក្សាសន្តិសុខ មិនឲ្យសម្រេចលទ្ធផលបានជាឯច្ឆ័ន្ទ។»
មន្ត្រីជាន់ខ្ពស់ក្រុងប៉េកាំងរូបនេះបាននិយាយចំៗថា៖«យើងសូមអំពាវនាវឲ្យសហរដ្ឋអាមេរិកមានទំនួលខុសត្រូវខ្ពស់ និងប្រកាន់ជំហរនៅកណ្តាលមិនលំអៀងដើម្បីគាំទ្រដល់ក្រុមប្រឹក្សាសន្តិសុខ ក្នុងការដើរតួនាទីដ៏ត្រឹមត្រូវឈានទៅដោះស្រាយវិបត្តិនៅដើមបូព៌ា»។
អត្ថបទទាក់ទង!
សូមបញ្ជាក់ថា ការវាយប្រយុទ្ធគ្នារវាងក្រុមហាម៉ាស និងអ៊ីស្រាអែលនៅមិនទាន់ស្ងប់ស្ងាត់នៅឡើយទេ គិតមកដល់ពេលនេះ ដោយភាគីទាំងពីរនៅបន្តបាញ់ផ្លោងគ្រាបរ៉ូកែត និងប្រើប្រាស់យន្តហោះទម្លាក់គ្រាប់បែកដាក់គ្នាដដែល។ តាមទិន្នន័យពីយោធាអ៊ីស្រាអែលឲ្យដឹងថា នៅយប់ថ្ងៃច័ន្ទឈានចូលថ្ងៃអង្គារ ក្រុមហាម៉ាសបានបាញ់គ្រាប់រ៉ុកែតជាង ៣.៣០០គ្រាប់មកអ៊ីស្រាអែល ហើយខ្លួនបានឆ្លើយតបវិញ ដោយបានទម្លាក់គ្រាប់បែកពីយន្តហោះ និងប្រើគាំភ្លើងធំសម្លាប់ក្រុមហាម៉ាសអស់ ១៣០នាក់។ ប្រការនេះ បានធ្វើឲ្យចំនួនអ្នកស្លាប់នៅ ហ្កាហ្សាកើនឡើងដល់ ជាង២០០នាក់ ក្នុងនោះមានកុមារ៦០នាក់ និងស្រី្តជាង៣០នាក់ ខណៈដែរខាងអ៊ីស្រាអែលវិញមានអ្នកស្លាប់តែ ១០នាក់ប៉ុណ្ណោះ៕
None
