នាយករដ្ឋមន្ត្រីថៃ លាតត្រដាងផែនការចែកប្រាក់តាមប្រព័ន្ធឌីជីថលដល់ពលរដ្ឋជាង១៣ពាន់លានដុល្លារ
នាយករដ្ឋមន្ត្រីថៃ លោក សេដ្ឋា ថាវីស៊ីន កាលពីពេលថ្មីៗបានបង្ហាញព័ត៌មានលម្អិតពីផែនការរបស់រដ្ឋាភិបាល ក្នុងការជំរុញសេដ្ឋកិច្ចដោយផ្តល់ប្រាក់តាមប្…
ការិយាល័យខុទ្ទកាល័យនាយករដ្ឋមន្រ្តីជប៉ុន បានបើកកិច្ចប្រជុំក្រុមការងារមួយកាលពីថ្ងៃពុធ ដែលមានគោលបំណងពង្រីកការវិនិយោគផ្ទាល់នៅក្នុងប្រទេសជប៉ុន និងទាក់ទាញបុគ្គលិកជំនាញបច្ចេកវិទ្យាមកពីអាស៊ីអាគ្នេយ៍ និងឥណ្ឌា។ បើតាមសារព័ត៌មាន Nikkei ក្រុមការងារនេះកំពុងផ្តោតលើចំណុចចំនួន៤ ដែលរួមមានការពង្រីកឱកាសវិនិយោគ, ការធានាកម្មករ ដែលមានជំនាញខ្ពស់, ការលើកកម្ពស់កិច្ចសហប្រតិបត្តិការជាមួយក្រុមហ៊ុនបរទេស, និងការកែលម្អអាជីវកម្មក្នុងស្រុក និងការរស់នៅជប៉ុន។
វិស័យអាទិភាពមួយដែលស្ថិតក្រោមការពិចារណា កំពុងពិនិត្យមើលប្រព័ន្ធស្ថានភាពស្នាក់នៅ ដើម្បីបង្កភាពងាយស្រួលដល់បុគ្គលិកបច្ចេកវិទ្យាមកពីអាស៊ីអាគ្នេយ៍ និងឥណ្ឌា ក្នុងការធ្វើការនៅប្រទេសជប៉ុន។ លើសពីនេះទៀត ដើម្បីជួយក្រុមហ៊ុនបរទេសចាប់ផ្តើមអាជីវកម្មនៅក្នុងប្រទេសជប៉ុន រដ្ឋាភិបាលកំពុងពិចារណាអនុញ្ញាតឱ្យមាននីតិវិធីសម្រាប់ការបង្កើតសាជីវកម្មធ្វើឡើងជាភាសាអង់គ្លេស។
ទីក្រុងតូក្យូបានកំណត់គោលដៅជំរុញសមតុល្យនៃការវិនិយោគផ្ទាល់ពីបរទេសនៅក្នុងប្រទេសជប៉ុនឲ្យដល់៦៥៤ពាន់លានដុល្លារ នៅចុងឆ្នាំ២០៣០ ខណៈដែលតួរលេខវិនិយោគជាក់ស្តែងនៅក្នុងឆ្នាំ២០២២ គឺមានត្រឹមតែ៣០០ពាន់លានដុល្លារប៉ុណ្ណោះ។
ពាក់ព័ន្ធនឹងផែនការនេះ លោក តាតស៊ូណូរី អ៊ីបាយ៉ាស៊ី (Tatsunori Ibayashi ) អនុរដ្ឋមន្ត្រីនៃ ការិយាល័យនាយករដ្ឋមន្រ្តីជប៉ុន ដែលបានចូលរួមកិច្ចប្រជុំក្រុមការងារបាននិយាយថា លោកបានកំណត់បញ្ហាអាទិភាព ហើយនឹងពន្លឿន ក៏ដូចជាពង្រឹងកិច្ចខិតខំប្រឹងប្រែង ដើម្បីសម្រេចបានសមតុល្យ៦៥៤ពាន់លានដុល្លារនៃការវិនិយោគផ្ទាល់នៅក្នុងប្រទេសជប៉ុន៕
ដោយៈ សរ សុជាតិ
None
