![ធនាគារ ខេប៊ីប្រាសាក់ ឧបត្ថម្ភថវិកា 100 លានរៀល ជូនកាកបាទក្រហមកម្ពុជា ក្នុងឱកាសទិវាពិភពលោកកាកបាទក្រហម អឌ្ឍចន្ទក្រហម](https://cdn.cambonomist.com/media/images/Red_Cross.2e16d0ba.fill-960x540.jpg)
លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ បានមានប្រសាសន៍ថា «យើងខ្ញុំពិតជាមានកិត្តិយសដែលបានរួមចំណែកក្នុងកិច្ចការសប្បុរសធម៌ដ៏មានសារៈសំខាន់របស់កាកបាទក្រហមកម្ពុជា។ ការបរិច្ចាគនេះបញ្ជាក់ពីការប្ដេជ្ញាចិត្តយ៉ាងមោះមុតក្នុងការគាំទ្រសហគមន៍»។
![Photo No.1](https://cdn.cambonomist.com/media/images/Photo_No.1.original.jpg)
ធនាគារ ខេប៊ីប្រាសាក់ តែងតែបានផ្សារភ្ជាប់ខ្លួនយ៉ាងសកម្មទៅនឹងសកម្មភាពសង្គមជាច្រើន ដើម្បីបង្កើតជាគុណតម្លៃជូនសហគមន៍។ ធនាគារក៏បានចូលរួមសកម្មសង្គមជាច្រើនដូចជា ចូលរួមប្រយុទ្ធប្រឆាំងជំងឺកូវីដ-19 សាងសង់អគារបណ្ណាល័យនិងសាលារៀន ចូលរួមឧបត្ថម្ភដល់សិស្សពូកែ ឧបត្ថម្ភទិវាអំណានជាតិ ឧបត្ថម្ភកម្មវិធីចំណេះដឹងហិរញ្ញវត្ថុ យុទ្ធនាការ «ខ្ញុំស្រលាញ់ប្រាក់រៀល» និងផ្តល់ជំនួយសង្គ្រោះបន្ទាន់ដល់អតិថិជនផងដែរ។
![IMG_0494](https://cdn.cambonomist.com/media/images/IMG_0494.original.jpg)
ការឧបត្ថម្ភថវិកានេះ បញ្ជាក់ពីការប្ដេជ្ញាចិត្តរបស់ធនាគារខេប៊ីប្រាសាក់ ក្នុងការគាំទ្រដល់សកម្មភាពសង្គមរបស់កាកបាទក្រហមកម្ពុជា។ ខេប៊ីប្រាសាក់សង្ឃឹមថា ការបរិច្ចាគថវិកានាពេលនេះ នឹងចូលរួមចំណែកក្នុងការគាំទ្រកាកបាទក្រហមកម្ពុជាកាន់តែមានលទ្ធភាពទូលំទូលាយពង្រីកកម្មវិធីជួយដល់ជនងាយរងគ្រោះបន្ថែមទៀត។
![Photo No.2](https://cdn.cambonomist.com/media/images/Photo_No.2.original.jpg)
![Photo No.3](https://cdn.cambonomist.com/media/images/Photo_No.3.original.jpg)