តើការនាំចេញពីកម្ពុជាទៅជប៉ុនសម្រេចបានលទ្ធផលអ្វីខ្លះក្នុងវិបត្តិកូវីដ១៩ នៅក្នុង១០ខែឆ្នាំនេះ?
ព័ត៌មាន
•
ការនាំចេញទំនិញរបស់កម្ពុជាទៅកាន់ទីផ្សារជប៉ុននៅតែធ្វើបានល្អ នៅរយៈពេលជិត១ឆ្នាំកន្លងមកនេះ បើទោះបីជាមានវិបត្តិកូវីដ១៩មករំខានយ៉ាងណាក្ដី។ ជ…
ឯកឧត្តម វ៉ា ថន អភិបាលខេត្តក្រចេះ បានគូសបញ្ជាក់ថា ការបើកដំណើរការរោងចក្រផលិតស្ករអំពៅនេះឡើងវិញ ពិតជារួមចំណែកយ៉ាងសំខាន់ ក្នុងលើកស្ទួយសេដ្ឋកិច្ចប្រជាពលរដ្ឋខេត្តក្រចេះ ក៏ដូចជា សេដ្ឋកិច្ចសង្គមទាំងមូល និងអាចចូលរួមកាត់បន្ថយការធ្វើចំណាកស្រុក របស់ប្រជាពលរដ្ឋថែមមួយកម្រិតទៀតផង។
ឯកឧត្តម វ៉ា ថន អភិបាលខេត្តក្រចេះ បានបញ្ជាក់ប្រាប់សារព័ត៌មានខេមបូណូមីសថា រោងចក្រផលិតស្ករអំពៅនេះ បានផ្អាកដំណើរការផលិតតាំងពី ឆ្នាំ២០០៨ ដោយសារតែជួបវិបត្តិក្ស័យធន។ អភិបាលខេត្តរូបនេះ បានបញ្ជាក់បន្តថា ពេលនេះ ក្រុមហ៊ុនកំពុងរៀបចំដំណើរការចង្វាក់ផលិតកម្មឡើងវិញហើយ ហើយនៅខែធ្នូខាងមុខក្រុមហ៊ុននឹងដាក់ដំណើរការ។ រោងចក្រនេះ នឹងត្រូវបើកដំណើរឡើងវិញ ក្រោយមានការវិនិយោគរបស់ក្រុមហ៊ុន កាមេដេនូវេឈ័រ របស់វៀតណាម សហការជាមួយក្រុមហ៊ុនកសិកម្ម យុវជន ស្វាយរៀង ឯ.ក។
ស្ថិតក្នុងបរិបទនៃការរាតត្បាតជំងឺកូវីដ-១៩ ឯកឧត្តម វ៉ា ថន បានគូសបញ្ជាក់ថា ការចាប់ផ្ដើមដំណើរការរោងចក្រផលិតស្ករអំពៅឡើងវិញនេះ នឹងជួយផ្ដល់ការងារឲ្យប្រជាពលរដ្ឋជុំវិញតំបន់ប្រមាណ២ពាន់នាក់ មានការងារធ្វើ និងអាចស្រូបទាញកម្លាំងពលកម្មបន្ថែមសម្រាប់ធ្វើការក្នុងចម្ការ និងរោងចក្រផងដែរ។
ដ្បិតមិនបង្ហាញពីទំហំវិនិយោគ តែឯកឧត្តម វ៉ា ថន បានឱ្យដឹងថា ជាជំហានដំបូងក្រុមហ៊ុនបានដាំដុះដំណាំអំពៅ លើផ្ទៃដី៣ពាន់ហិកតា និងមានផែនការបន្ថែមការដាំដុះឱ្យបាន១ម៉ឺនហិកតាទៅថ្ងៃខាងមុខ ខណៈសព្វថ្ងៃដំណាំអំពៅ ចំនួន៣ពាន់ហិកតា ត្រៀមប្រមូលផលសម្រាប់ផលិតកម្មស្ករអំពៅ នៅខែធ្នូ ខាងមុខនេះ។ ជាមួយគ្នានោះ ឯកឧត្តមអភិបាលខេត្តក្រចេះ ក៏បានស្នើឲ្យក្រុមហ៊ុនបង្កើនទុនវិនិយោគបន្ថែម និងធ្វើយ៉ាងណាប្រើប្រាស់ដីនឲ្យអស់លទ្ធភាព ដើម្បីបង្កើតជាពហុប្រយោជន៍ឲ្យអស់សក្តានុពល។
សូមបញ្ជាក់ថា រោងចក្រផលិតស្ករអំពៅនេះ ស្ថិតក្នុងឃុំអូរគ្រៀង ស្រុកសំបូរ ខេត្តក្រចេះ ដែលមានលទ្ធភាពផលិតស្ករអំពៅ ក្នុងបរិមាណ១ម៉ឺន៥ពាន់តោន ក្នុងមួយឆ្នាំ សម្រាប់ផ្គត់ផ្គង់ទីផ្សារក្នុងស្រុក និងគ្រោងនាំចេញទៅកាន់ទីផ្សារក្នុងតំបន់អឺរ៉ុប ផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
