ចុះតើមានវិធីអ្វីដើម្បីបំបាត់ជំងឺខ្ជិលច្រអូសបាន?
មហាសេដ្ឋីមួយរូបដែលមានឈ្មោះល្បីខ្ទរខ្ទារទូទាំងពិភពលោក បានណែនាំថា ជំងឺប្រភេទនេះអាចព្យាបាលបាន ថែមទាំងងាយស្រួលថែមទៀតផងគឺ ត្រូវរៀនចេះលោភលន់
បើសិនជាលោភលន់អាចព្យាបាលជំងឺខ្ជិលច្រអូសមែននោះ ចុះហេតុអ្វីបានជាគេថាមនុស្សលោភលន់ជាមនុស្សមិនល្អទៅវិញ?
ត្រង់ចំណុចនេះ លោក Robert T. Kiyosaki ជាមហាសេដ្ឋីនិងជាអ្នកនិពន្ធសៀវភៅដែលមានចំណងជើងថា Rich Dad Poor Dad មិនបានណែនាំឲ្យមនុស្សធ្វើអ្វីដែលលោភលន់ហួសដែន កំណត់រហូតដល់កេងប្រវ័ញ្ចទ្រព្យសម្បត្តិរបស់អ្នកដទៃនោះឡើយ។
អ្វីដែលលោកបានណែនាំនោះគឺថា មនុស្សយើងត្រូវចេះអង្គុយចុះនិងសួរសំណួរមកកាន់ខ្លួនឯងថា តើខ្ញុំត្រូវរស់នៅដូចម្តេចដើម្បីកុំឲ្យបារម្ភពីរឿងការងារទៀត? តើខ្ញុំត្រូវធ្វើយ៉ាងម៉េចដើម្បីឲ្យមានប្រាក់ ច្រើនតាមដែលត្រូវការ?។
លោកថែមទាំងបានសង្កត់ធ្ងន់ថា បើមនុស្សយើងគ្មានភាពលោភលន់ដើម្បីធ្វើឲ្យជីវិតល្អ ប្រសើរឡើងទេ ជាតិនេះប្រហែលគ្មានភាពរីកចម្រើនទេ។ ពិភពលោកយើងនេះអាចរីកចម្រើន ដល់សព្វថ្ងៃនេះព្រោះមានមនុស្សមួយចំនួនជឿថា យើងអាចមានជីវិតដែលប្រសើរជាងនេះបាន ហើយមានវត្ថុប្រឌិតថ្មីៗកើតឡើងជារៀងរាល់ថ្ងៃ ព្រោះមនុស្សជឿថា គេអាចធ្វើអ្វីដែល ប្រសើរជាងអ្វីដែលមាននាពេលបច្ចុប្បន្ន។
ចុះមិត្តអ្នកអានវិញ ធ្លាប់មានអារម្មណ៍ថា ភាពខ្ជិលច្រអូសកំពុងវាយលុកដែរទេ? អ្វីជាវិធីដោះស្រាយដ៏មានប្រសិទ្ធភាពសម្រាប់លោកអ្នកកន្លងមក? សូមចូលរួមចែករំលែកមតិយោបល់ក៏ដូចជាដំណោះស្រាយរបស់លោកអ្នកតាមទំព័រ Cambonomist !
