នៅក្នុងជំនួបនេះភាគីនោះ ក៏បានចុះហត្ថលេខាលើអនុស្សរណៈនៃការយោគយល់គ្នាស្តីពីការអភិវឌ្ឍរួមគ្នាមួយនៃបច្ចេកវិទ្យាថាមពលកកើតឡើងវិញ និងប្រព័ន្ធសេដ្ឋកិច្ចឌីជីថល។ លើសពីនេះ នាយករដ្ឋមន្ត្រីនៃប្រទេសទាំងពីរ ក៏បានពិភាក្សាជាចម្បងអំពីការអភិវឌ្ឍសេដ្ឋកិច្ចនៅតាមតំបន់ព្រំដែនរួមរវាងប្រទេសម៉ាឡេស៊ី និងថៃផងដែរ។ នៅក្នុងសន្និសីទសារព័ត៌មានរួមគ្នាមួយ លោក ប្រាយុទ្ធនិយាយថា កិច្ចប្រជុំនេះ បានបង្កើតនូវលទ្ធផលវិជ្ជមានជាច្រើន ឆ្ពោះទៅរកការពង្រឹងទំនាក់ទំនងទ្វេភាគីឱ្យកាន់តែស៊ីជម្រៅនាពេលអនាគត។
ដោយឡែក ចំពោះបញ្ហាស្ដីពីការរបះបោរបំបែករដ្ឋមូស្លីមនៅភាគខាងត្បូងប្រទេសថៃ មេដឹកនាំប្រទេសទាំងពីរបានព្រមព្រៀងគ្នាថា ភាគីម៉ាឡេស៊ីជាអ្នកសម្រុះសម្រួលនឹងដើរតួនាទីយ៉ាងសំខាន់ក្នុងការជំរុញការចរចាសន្តិភាពឱ្យឆ្ពោះទៅមុខ។ បន្ថែមពីលើនេះ គេគ្រោងនឹងចាប់ផ្ដើមកិច្ចចរចាឡើងវិញរវាងក្រុមឧទ្ទាម និងរដ្ឋាភិបាលថៃនៅថ្ងៃទី២១ ខែកុម្ភៈ នៅទីក្រុងគូឡាឡាំពួ ប្រទេសម៉ាឡេស៊ីផងដែរ។
អត្ថបទគួរអាន
ក្រៅតែពីការចុះហត្ថលេខាលើកិច្ចព្រមព្រៀងមួយចំនួន នាយករដ្ឋមន្ត្រីនៃប្រទេសទាំងពីរក៏បានពិភាក្សាគ្នាអំពីស្ថានភាពនៅក្នុងប្រទេសមីយ៉ាន់ម៉ាផងដែរ និងថែមទាំងបានជជែកអំពីសារៈសំខាន់នៃការចូលរួមក្នុងន័យស្ថាបនាជាមួយយោធាមីយ៉ាន់ម៉ា។
សូមជម្រាបថានេះ ចាប់តាំពីចូលកាន់ដំណែងជានាយករដ្ឋម៉ាឡេស៊ី កាលពីខែវិច្ឆិកាឆ្នាំមុន លោក អាន់វ៉ា អ៊ីប្រាហ៊ីម បានបំពេញបេសសកម្មយ៉ាងសកម្មទៅក្រៅប្រទេស ដោយបានដើរពង្រឹងទំនាក់ទំនងរវាងប្រទេសជាច្រើនក្នុងតំបន់រួមមនា ការជួបជាមួយមេដឹកនាំក្នុងប្រទេសឥណ្ឌូណេស៊ី ប្រ៊ុយណេ សិង្ហបុរី និងចុងក្រោយនេះគឺប្រទេសថៃជាដើម៕
