លោក ហ៊ីរ៉ូស៊ី កាសាម៉ាតស៊ូ (Hiroshi Kasamatsu)នាយកប្រតិបត្តិក្រុមហ៊ុនផ្សារអ៊ីអនរបស់ជប៉ុន នៅក្នុងប្រទេសមីយ៉ាន់ម៉ា ត្រូវបានឃុំខ្លួននៅទីក្រុង Yangon កាលពីថ្ងៃអាទិត្យ ដើម្បីសួរចម្លើយ ហើយមេធាវីមីយ៉ាន់ម៉ាម្នាក់ ដែលបានឃើញលោក កាសាម៉ាតស៊ូ បាននិយាយថា លោកមានសុខភាពល្អជាធម្មតា។
នាយកប្រតិបត្តិម្នាក់របស់ក្រុមហ៊ុន Aeon Orange បាននិយាយកាលពីថ្ងៃចន្ទថា ក្រុមហ៊ុននេះនឹងធ្វើការជាមួយនឹងស្ថានទូតជប៉ុន ដើម្បីធានាឱ្យមានការដោះលែងលោក កាសាម៉ាតស៊ូ ឆាប់ៗនេះ ប៉ុន្តែវាមានក្ដីសង្ឃឹមតិចតួចប៉ុណ្ណោះ។ នេះបើយោងតាមតំណាងស្ថានទូតជប៉ុន។
ប្រទេសមីយ៉ាន់ម៉ា បានចាប់ផ្តើមបង្កើនការគ្រប់គ្រងលើឈ្មួញអង្ករកាលពីចុងខែមិថុនា ដោយបានឃាត់ខ្លួនមន្ត្រីម្នាក់មកពីសហព័ន្ធស្រូវអង្ករមីយ៉ាន់ម៉ា និងបុគ្គលម្នាក់ដែលមានទំនាក់ទំនងជាមួយក្រុមហ៊ុនលក់រាយក្នុងស្រុក City Mart Holding រួមទាំងមនុស្សផ្សេងៗទៀត។
បើតាមច្បាប់របស់សហព័ន្ធមីយ៉ាន់ម៉ា បានកំណត់ថា គ្រប់ផ្សារទំនើប និងហាងទាំងអស់ត្រូវបានអនុញ្ញាតឱ្យលក់អង្ករលើសពីតម្លៃអនុគ្រោះ ដែលកំណត់ដោយអាជ្ញាធរមីយ៉ាន់ម៉ាត្រឹមតែ២០%ប៉ុណ្ណោះ។ ប៉ុន្តែកាលពីថ្ងៃអាទិត្យ ទី៣០ ខែមិថុនា អាជ្ញាធរមីយ៉ាន់ម៉ា បានចោទប្រកាន់រោងចក្រពាណិជ្ជកម្មចំនួន២២ រួមទាំងរោងចក្រដែលគ្រប់គ្រងដោយផ្សារអ៊ីអនផងដែរថា បានលក់អង្ករក្នុងតម្លៃលើសពីតម្លៃអនុគ្រោះរហូតដល់៥១% ទៅ ៧០% ឯណោះ៕
អត្ថបទ៖ សុខ មង្គល
