ក្រមហ៊ុន Khmer Foundation Appraisals (KFA) ត្រូវបានក្រុមហ៊ុន BID គ្រុប គឺជាក្រុមហ៊ុនដែលមានបទពិសោធន៍ជាង ៣០ឆ្នាំនៅក្នុង វិស័យ ឧស្សាហកម្ម ស្ថាបត្យកម្ម និង សំណង់ដ៏ធំជាងគេមួយនៅចក្រភពអង់គ្លេស និង គណៈកម្មាធិការវាយតម្លៃស្តង់ដារអន្តរជាតិ IQC បានសម្រេចចិត្ត ផ្តល់ ពាន រង្វាន់ ដល់ ក្រុមហ៊ុន KFA នេះ ដោយសារតែបានសិក្សាវាយតម្លៃទៅលើ បីចំណុចធំៗសំខាន់ៗមានដូចជា ទី១ ការផ្តល់ នូវ គុណប្រយោជន៍ ល្អប្រសើរ ទី២ ការផ្តល់ នូវ ផលល្អគួរជាទីគាប់ចិត្ត សម្រាប់អតិថិជន និង ការផ្តល់គុណតម្លៃ នៃគុណភាព និង ស្នាដៃល្អៗដែលបានសម្រេច សម្រាប់សង្គម និង វប្បធម៌។ និង មាន ចំណុចសំខាន់ៗតូចៗចំនួន ៧ ផ្សេងទៀត។
លោកឧកញ៉ា វ័យក្មេង នួន រិទ្ធី ដែលជាអគ្គនាយក ក្រុមហ៊ុន ខ្មែរ ហ្វោនដេសិន អឹព្រេហ្សល (KFA) បានប្រាប់សារព័ត៌មានអេឡិចត្រូនិច ខេមបូណូមីស ពីទីក្រុងឡុងដ៏នៃចក្រភពអង់គ្លេសក្នុងអំឡុងពេលលោកទៅទទួលពានរង្វាន់នៅទីនោះថា កត្តាដែលនៅពីក្រោយខ្នងនៃភាពជោគជ័យ របស់លោកឧកញ៉ា គឺ ជាការតស៊ូ ព្យាយាម ស្មោះត្រង់ ជាមួយនឹងដៃគូរពាណិជ្ជកម្ម និង អតិថិជន។
ក្រុមហ៊ុន ខ្មែរ ហ្វោនដេសិន អឹព្រេហ្សល (KFA) ទួលបានពានរង្វាន់ ពីទីក្រុងឡុងដ៏ នៃ ចក្រភពអង់គ្លេស។
លោកឧកញ៉ា បានសង្កត់ធ្ងន់ថា អ្វីដែល រឹតតែមិនអាចរីកចម្រើនធំធាត់ និង ជោគជ័យបាននោះទេ បើសិនជាមិនមានការខិតខំប្រឹងប្រែងធ្វើការដោយស្មោះស្ម័គ្រ ពីសំណាក់បុគ្គលិកជំនាញរបស់លោកនោះ។ ដូច្នេះ ពួកគេគឺជាសរសៃឈាមនៃក្រុមហ៊ុន ដែលធ្វើឲ្យដំណើរអាជីវកម្មរីកលូតលាស់ទៅមុខជានិច្ច។លោកឧកញ៉ាតែងចាត់ទុកបុគ្គលិករបស់ខ្ញុំជាដៃសហការគ្នាដ៏ល្អ មិនមែនថៅកែនិងកម្មករ យើងប្រើចំណេះជំនាញក្នុងដឹកនាំបំពេញចំណុចចន្លោះប្រហោងឲ្យគ្នាទៅវិញទៅមក។ ហើយលោកតែងតែចាត់ទុកខ្លួនឯង ជាបុគ្គលិកសកម្មដែលបម្រើការងារឲ្យអតិថិជនគ្រប់កាលៈទេសៈទាំងអស់។
លោកឧកញ៉ានួន រិទ្ធី បានអះអាងយ៉ាងដូច្នេះថា ៖ យើងបានបង្កើតទស្សនៈឲ្យត្រូវនឹងរបត់នយោបាយជាតិ និង អន្តរជាតិ ពេលយើងមានទស្សនៈល្អហើយ យើងត្រូវមានគោលការណ៏នឹងបេសកម្មរបស់យើងឲ្យឆាប់ រហ័សជាងទស្សនៈរបស់យើង ដែល បាន ដាក់ ជា យុទ្ធសាស្រ្ត នោះ ទើប យើង ទទួល បាន លទ្ធផលល្អដែលចង់បាន។
លោកឧកញ៉ា បន្តទៀតថា ចំណុចទំាងអស់ខាងលើនេះក៏ទាមទារឲ្យមានការគាំទ្រដំបូងបំផុតគឺក្រុមគ្រួរសារ ការគាំទ្រយុទ្ធសាស្រ្ត ពី សំណាក់ បុគ្គលិក គ្រប់ ជាន់ថ្នាក់ ទើបក្រុមហ៊ុនយើងអាចផ្តល់សេវាកម្មជូនទៅអតិថិជន ហើយចុងក្រោយ អ្វីដែលយើងមិនអាចខ្វះបាន គឺអតិថិជន ពីព្រោះ អតិថិជន ពួក គាត់ គឺជា អ្នកផ្តល់នូវផ្នែកហិរញវត្ថុដើម្បីឲ្យយើងបានដំណើរការបាន។
លោកឧកញ៉ា នួន រិទ្ធី បានបន្តថា លោកពិតជាមានសេចក្តីរីករាយឥតឧបមាជាមួយនឹងមោទនភាពចំពោះខ្លួនឯងផ្ទាល់ នឹងយុវជនខ្មែរដទៃទៀត ដែល តែង តែនាំយកមកនូវកិត្តិយសនឹងកិត្តិស័ព្ទ ជូនដល់ក្រុមគ្រួសារ ក៏ដូចប្រទេសជាតិ ។
លោកឧកញ៉ា បញ្ជាក់ថា ៖«ខ្ញុំច្បាស់ថាការទទួលបានពានរង្វាន់នេះ គឺកើតចេញដោយសារការចូលរួមគាំទ្រ ពីសំណាក់អតិថិជន ការខិតខំ ប្រឹងប្រែង របស់ បុគ្គិលិកគ្រប់ជាន់ថ្នាក់។ ហើយជាពិសេសពិតជាមិនអាចខ្វះបាននោះទេ បើសិនជាប្រទេសជាតិខ្ញុំគ្មាន ស្ថិរភាពនយោបាយល្អសេដ្ឋកិច្ចល្អ ៧ភាគ រយ ជា រៀងរាល់ឆ្នាំ ក្រោមការដឹកនាំដ៏ឈ្លាសវៃរបស់សម្តេចតេជោហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា បានធ្វើឲ្យប្រទេសជាតិមាន ភាពរីកចម្រើន គ្រប់វិស័យ ក្នុងនោះ ក៏មានវិស័យអចលនវត្ថុ ត្រូវបានរាប់បញ្ចូលជាផ្នែកយ៉ាងសំខាន់ផងដែរ។ បើគ្មានសុខសន្តិភាពដូចសព្វថ្ងៃនេះទេ ម្ល៉េះរូបខ្ញុំ ក៏ មិន មាន ឪកាសបញ្ចេញបង្ហាញសមត្ថភាពដើម្បីមកទទួលពានរង្វាន់អន្តរជាតិនេះដែរ”។
ដើម្បីឲ្យក្រុមហ៊ុនមួយនេះ ដំណើរបានដោយរលូនជោគជ័យ លោកឧកញ៉ា នួន រិទ្ធី បានបា្រប់ឲ្យដឹងថា ទី១ យើងមានធនធានមនុស្សល្អ ទី២ ហិរញ្ញវត្ថុសមរម្យ ទី៣ ត្រូវមានភាពជាអ្នកគ្រប់គ្រងដឹកនាំ និង ទី៤ ទីផ្សារ បានន័យថា យើងត្រូវយល់ដឹងនិងចេះកំណត់គោលដៅទីផ្សារឲ្យបានល្អ។ ដូច្នេះ ទាំងបួននេះ យើងត្រូវតែយល់ដឹងឲ្យច្បាស់ទើបធ្វើឲ្យដំណើរការអាជីវកម្មរបស់យើងរឹងមាំយូរអង្វែង។
ផ្តើមចេញពីភាពមានបាននៅក្នុងរយៈពេលតែប៉ុន្មានឆ្នាំប៉ុណ្ណោះ លោកឧកញ៉ា នួន រិទ្ធី បានពោលពាក្យយ៉ាងខ្លីថា អី្វកើតឡើងពីការតស៊ូអត់ធ្មត់ សព្វគ្រប់បែបយ៉ាង រួមជាមួយនឹងភាពស្មោះត្រង់ ហើយ វាមិនមែនកើតឡើងដោយសារព្រេងវាសនា ឬចៃដន្យ ដេករង់ចាំទេវតាផ្តល់សំណាងនោះទេ។
លោកឧកញ៉ា នួន រិទ្ធី និង លោកជំទាវ
តើអ្នកបានអានអត្ថបទនេះឬនៅ?
«ការបើកអាជីវកម្មដំបូង សំខាន់បំផុតនោះ គឺទី១ យើងត្រូវមានបទពិសោធន៍ ជំនាញច្បាស់លាស់ និងទី២ យើងត្រូវមានបណ្តាញ។ ពោលគឺ នៅពេលដែលយើងបានកសាងបណ្តាញទំនាក់ទំនងច្បាស់លាស់ គួបផ្សំនឹងបទពិសោធន៍ នោះអ្វីៗនឹងធ្វើឲ្យយើងមានភាពជឿជាក់លើខ្លួនឯង ហើយអ្នកដទៃក៏មានការជឿទុកចិត្តមកលើយើងដែរ។ នោះហើយជាចំណុចគោលដៅដំបូងឈានទៅរកជោគជ័យ»។ នេះ គឺជាពាក្យពេចន៍ ចេញបេះដូងរបស់ឧកញ៉ាវ័យក្មេង នួន រិទ្ធី ដែលបានផ្តល់បទសម្ភាសន៍ដល់សារព័ត៌មានអេឡិចត្រូនិច ខេមបូណូមិស។
លោកឧកញ៉ា នួន រិទ្ធី រាប់ចាត់ទុកថាជាឧកញ៉ាវ័យក្មេងម្នាក់ដែលមានចិត្តមុះមុត តស៊ូព្យាយាម និងចេះរៀបចំពីផែនការរស់នៅដើម្បីត្រួសត្រាយវិថីជីវិត និងការងារអាជីវកម្មឲ្យទទួលបាននូវភាពជោគជ័យ។
លោកឧកញ៉ា នួន រិទ្ធី បាននិយាយថា ទម្រាំក្លាយជាម្ចាស់ក្រុមហ៊ុនដោយខ្លួនឯង លោកក៏ធ្លាប់បម្រើការងារឲ្យគេចាប់ពីបុគ្គលិកធម្មតាបន្តបន្ទាប់ ប្រធានផ្នែក រហូតដល់អគ្គនាយកប្រតិបត្តិក្រុមហ៊ុនដែលមានភាគហ៊ុននៅក្នុងនោះផងដែរ។
លោកឧកញ៉ាបានផ្តល់ជាដំបូន្មានទៅដល់បងប្អូនដែលមានបំណងចង់បើកអាជីកម្មក្រុមហ៊ុនបម្រើសេវាកម្មអចលនទ្រព្យនេះថា យើងត្រូវសិក្សាស្វែងយល់នៅក្នុងអាជីវកម្មឲ្យបានច្បាស់លាស់ជាមុនសិន ធ្វើការងារដោយឯករាជ្យម្នាក់ឯងសិន បានន័យថា ទិញលក់ជួលអចលនទ្រព្យ តិចៗសិន និងចូលរួមជាមួយដៃគូណាដែលគេមានជំនាញក្នុងវិស័យនេះ រហូតដល់យើងមានបទពិសោធន៍គ្រប់គ្រាន់ហើយ ទើបយើងឈានទៅរកបើកក្រុមហ៊ុនតែម្តង។ ពីព្រោះយើងដឹងស្រាប់ហើយ តែបើកក្រុមហ៊ុនគឺមានបន្ទុកច្រើនណាស់។
សេវាកម្មល្អបំផុតនៅក្នុងជំនួញអចលនទ្រព្យ គឺធ្វើយ៉ាងណាផ្តល់សេវាកម្មដល់អតិថិជនឲ្យរហ័ស។ យើងប្រៀបដូចជាចុងភៅអ៊ីចឹង ចុងភៅត្រូវតែផ្តល់អាហាររហ័សទាន់ចិត្តដល់អតិថិជនដែលជាអ្នកហូប។ យើងត្រូវត្រៀមរៀបចំឯកសារ លក់ ទិញ ជួលឲ្យបានល្អ រួចជាស្រេចសម្រាប់ផ្តល់សេវាកម្មដល់អតិថិជន ថាតើគាត់ចង់បានអចលនទ្រព្យប្រភេទអ្វីខ្លះ? ចំណុចទាំងអស់នេះហើយ ដែលលោកគិតថា សេវាកម្មអចលនទ្រព្យល្អបំផុត៕
None
