ទិន្នន័យគយចិនបានបង្ហាញថា ប្រទេសចិន ដែលជាប្រទេសនាំចូលប្រេងឆៅលំដាប់កំពូលរបស់ពិភពលោក បាននាំចូលប្រេងឆៅជិត ៩ លានបារ៉ែលក្នុងមួយថ្ងៃ ក្នុងខែកក្កដា កើនឡើងខ្ពស់បើធៀបក្នុងរយៈពេល ៤ ឆ្នាំ កន្លងមកនេះ ប៉ុន្តែ បើធៀបនឹងឆ្នាំមុន នៅតែទាបជាង ៩,៥%។ ក្រុមហ៊ុនចម្រាញ់ប្រេងរបស់ចិនបានធ្លាក់ចុះស្តុក ចំពេលតម្លៃប្រេងឆៅកើនខ្ពស់ និង តម្រូវការក្នុងស្រុកចុះខ្សោយ បើទោះបីជាការនាំចេញសរុបរបស់ប្រទេសមហាយក្សសេដ្ឋកិច្ចធំជាងគេទី២ក្នុងពិភពលោកមួយនេះ ទទួលបានសម្ទុះខ្ពស់ក៏ដោយ។ ដោយឆ្លុះបញ្ចាំងពីតម្រូវការប្រេងសាំងទាបរបស់សហរដ្ឋអាមេរិក គួបផ្សំយុទ្ធសាស្រ្តគ្មានកូវីដ ១៩ របស់ចិនជំរុញឱ្យតម្រូវការប្រើប្រាស់ធ្លាក់ចុះបន្ថែមទៀត ធនាគារ ANZ បានកែសម្រួលការព្យាករតម្រូវការប្រេងរបស់ចិនសម្រាប់ឆ្នាំ ២០២២មកនៅ ចំនួន ៣ សែនបារ៉ែល ក្នុងមួយថ្ងៃ និង ឆ្នាំ ២០២៣ ចំនួន ៥ សែនបារ៉ែល។
ធនាគារ ANZ បានគូសបញ្ជាក់ទៀតថា តម្រូវការប្រេងនៅឆ្នាំ២០២២ ត្រូវបានប៉ាន់ប្រមាណថា នឹងមានការកើនឡើងជិត២លានបារ៉ែលបន្ថែមទៀតក្នុងមួយថ្ងៃ ធៀបនឹងឆ្នាំមុន នាំឲ្យការប្រើប្រាស់ប្រេងសរុបនឹងកើនដល់ជិត១០០លានដុល្លារបារ៉ែលក្នុងមួយថ្ងៃ។
តម្លៃប្រេងឆៅអង់គ្លេសបានធ្លាក់ចុះមកត្រឹម ៩៤ ដុល្លារ ១៨ សេន ក្នុងមួយបារ៉ែល ដោយតម្លៃនៅខែខាងមុខបានឈានដល់កម្រិតទាបបំផុតបើធៀបចាប់តាំងពីខែកុម្ភៈដោយធ្លាក់ចុះ ១៣,៧% ខណៈវាជាការប្រកាសការធ្លាក់ចុះប្រចាំសប្តាហ៍ដ៏ធំបំផុតបើគិតចាប់តាំងពីខែមេសា ឆ្នាំ ២០២០។ ប្រេងឆៅរបស់អាមេរិកមានតម្លៃ ៨៨ ដុល្លារ ៣៤ សេន ក្នុងមួយបារ៉ែល ដែលមានការធ្លាក់ចុះជិត ១០% កាលពីសប្តាហ៍មុន។
អត្ថបទគួរអាន
គួរជម្រាបថា ការនាំចេញប្រេងឆៅរបស់រុស្ស៊ីនៅតែបន្តនាំចេញក្នុងកម្រិតខ្ពស់ បើទោះបីជាមានការហ៊ុមព័ទ្ធពីសហភាពអឺរ៉ុបលើការនាំចេញទៅកាន់តំបន់អឺរ៉ុបក៏ដោយ។ បើយោងតាមរបាយការណ៍កាលពីខែមិថុនា មជ្ឈមណ្ឌលថាមពល និង ខ្យល់បរិសុទ្ធ (CREA) បានបង្ហាញថា ប្រទេសឥណ្ឌាបានក្លាយជាអ្នកនាំចូលប្រេងឆៅដ៏សំខាន់របស់រុស្ស៊ីដែលបានបង្កើនការនាំចូលរបស់ខ្លួន ១៨%៕
