ទទួលបានទឹកប្រាក់ $2 រាល់ការកម្មង់លើ Bloc App ដោយទូទាត់តាម AMK Mobile
ព័ត៌មាន
•
ទិញទំនិញតាមអនឡាញមិនត្រឹមតែងាយស្រួល និងចំណាយពេលតិចប៉ុណ្ណោះទេ ថែមទាំងចំណេញថវិកាជាងទៅទិញផ្ទាល់ថែមទៀតផង។ ការផ្ដល់ជូនពិសេសសម្រាប់តែអតិថ…
អនុស្សារណៈយោគយល់គ្នារវាងភាគីទាំងពីរ ត្រូវបានចុះហត្ថលេខានាព្រឹកថ្ងៃទី២៥ ខែវិច្ឆិកា ឆ្នាំ២០២២ នៅការិយាល័យកណ្តាលរបស់ធនាគារ PPCBank នៅរាជធានីភ្នំពេញ។
កិច្ចសហការនៃភាពជាដៃគូនេះ គឺអតិថិជនដែលទិញដីឡូតិ៍ពីក្រុមហ៊ុន ព្រីមៀរ៍ ផាក អាចស្នើ ប្រាក់កម្ចីពី ធនាគារ PPCBank រហូតដល់ ៧០% ក្នុងទំហំទឹកប្រាក់សរុបនៃតម្លៃអចលនទ្រព្យ រីឯរយៈពេលកម្ចីបាន រហូតដល់ ១៥ឆ្នាំ ជាមួយអត្រាការប្រាក់សមរម្យ ព្រមទាំងការអនុម័តប្រាក់កម្ចីរហ័ស និងមានលក្ខខណ្ឌ អនុគ្រោះមួយចំនួនទៀតសម្រាប់អតិថិជន។
គម្រោងអភិវឌ្ឍន៍ដីឡូតិ៍នោះ គឺស្ថិតនៅជិតពហុកីឡដ្ឋានជាតិមរតកតេជោ ដែលមានទំហំផ្ទៃដី ៧០ ហិកតា និងមានដីឡូតិ៍ចំនួនប្រមាណជាង ៥០០ ឡូតិ៍ ។
ដីឡូតិ៍ខ្នាតវីឡា ពីព្រីមៀរ៍ ផាក ក្នុងគម្រោងនេះ មាន ៣ ទំហំដូចជា ១០ x ២០ ម៉ែត្រ / ១០ x ៣០ ម៉ែត្រ / ២០ x ៣០ ម៉ែត្រ និង ធំ ជាង នេះ តាមការចង់បានរបស់អតិថិជន។
លោក ទន់ ឆៃអ៊ាង ប្រធានក្រុមប្រឹក្សាភិបាលនៃក្រុមហ៊ុន ព្រីមៀរ៍ ផាកបានគូសបញ្ជាក់ថា៖ “កិច្ចសហការនៃភាពជាដៃគូនេះ គឺបង្កភាពងាយស្រួលដល់អតិថិជនដែលបានទិញដីឡូតិ៍ពីគម្រោង ព្រីមៀរ៍ ផាក អាចស្នើប្រាក់កម្ចីពីធនាគារភ្នំពេញពាណិជ្ជរហូតដល់ទៅ ៧០% ក្នុងទំហំទឹកប្រាក់សរុបនៃតម្លៃអចលនទ្រព្យ។ កិច្ចសហការរវាងធនាគារភ្នំពេញពាណិជ្ជ និងក្រុមហ៊ុន ព្រីមៀរ៍ ផាក នឹងជួយផ្ដល់អត្ថប្រយោជន៍ឲ្យគ្នាទៅវិញទៅមក នៅក្នុងដំណើរការពង្រឹង និងពង្រីកអាជីវកម្ម ស្របតាមផែនការយុទ្ធសាស្ត្ររបស់ខ្លួន” ។
ក្នុងករណីដែលអតិថិជនមិនទាន់មានប្រាក់កក់គ្រប់គ្រាន់ អតិថិជនអាចសន្សំដោយបើកគណនីប្រាក់ បញ្ញើជាមួយធនាគារ PPCBank ដើម្បីស្នើសុំឥណទានដីឡូតិ៍ខ្នាតវីឡានេះបាន ។
លោក ញ៉ក់ គឹមស្រូយ នាយកប្រតិបត្តិរងជាន់ខ្ពស់នៃធនាគារ PPCBank បានលើក ឡើងថា៖ “កិច្ចសហការរវាងស្ថាប័នទាំងពីរ បានរួមចំណែកយ៉ាងសំខាន់ក្នុងការជួយគាំទ្រ និងផ្ដល់ដំណោះស្រាយផ្នែកហិរញ្ញវត្ថុ ដល់អតិថិជនដែលមានបំណងចង់វិនិយោគទិញដីឡូតិ៍ខ្នាតធំ នៅក្នុងទំហំណាមួយពីគម្រោងដីឡូតិ៍ ព្រីមៀរ៍ ផាកស្ថិតនៅក្នុងតំបន់ក្បាលនាគរបស់រាជរដ្ឋាបាល ដែលមានសក្ដានុពលខ្លាំង” ។
គម្រោងដីឡូតិ៍ ព្រីមៀរ៍ ផាក ប្រព័ន្ធផ្លូវរដ្ឋខ្វាត់ខ្វែង ងាយស្រួលធ្វើដំណើរ និងចំណេញពេលវេលា ដោយស្ថិតនៅជិតតំបន់សក្តានុពលនានា ដូចជា ពហុកីឡដ្ឋានជាតិមរតកតេជោ សួនទឹកហ្គាឌិនស៊ីធី សួនសត្វភ្នំពេញសាហ្វារី ទីលានវាយកូនហ្គោល ផ្សារម៉ាក្រូ និង វិមានឈ្នះៗ ជាដើម។
ដោយមានការគាំទ្រយ៉ាងខ្លាំងពីអតិថិជន គម្រោង ព្រីមៀរ៍ ផាក លក់បាន ៩០% ហើយ ហើយដើម្បីអបអរសាទរដល់ការលក់បង្ហើយឡូតិ៍ដែលនៅសល់ និងឈានទៅបើកដំណាក់កាលថ្មីដ៏ខ្លីខាងមុខ គម្រោងព្រីមៀរ៍ ផាក មានផ្តល់ជូនការបញ្ចុះតំលៃពិសេសរហូតដល់ 18% និងកាត់ប្លង់រឹងជូនដោយឥតគិតថ្លៃ ចាប់ពីថ្ងៃនេះរហូតដល់ថ្ងៃទី ៣១ ខែធ្នូ ឆ្នាំ ២០២២ ៕ដោយមានការគាំទ្រយ៉ាងខ្លាំងពីអតិថិជន គម្រោង ព្រីមៀរ៍ ផាក លក់បាន ៩០% ហើយ ហើយដើម្បីអបអរសាទរដល់ការលក់បង្ហើយឡូតិ៍ដែលនៅសល់ និងឈានទៅបើកដំណាក់កាលថ្មីដ៏ខ្លីខាងមុខ គម្រោងព្រីមៀរ៍ ផាក មានផ្តល់ជូនការបញ្ចុះតំលៃពិសេសរហូតដល់ 18% និងកាត់ប្លង់រឹងជូនដោយឥតគិតថ្លៃ ចាប់ពីថ្ងៃនេះរហូតដល់ថ្ងៃទី ៣១ ខែធ្នូ ឆ្នាំ ២០២២ ៕
