អ្នកជំនាញវាយតម្លៃថា ធនាគារកណ្តាលអាម៉េរិក ទំនងជាអាចកាត់បន្ថយអត្រាការប្រាក់នៅអំឡុងខែកក្កដា
ធនាគារកណ្តាលរបស់សហរដ្ឋអាម៉េរិក ត្រូវបានគេរំពឹងថា អាចនឹងកាត់បន្ថយអត្រាការប្រាក់របស់ខ្លួននៅអំឡុងខែមិថុនា ខាងមុខ តែក្តីរំពឹងនេះហាក់មិនទ…
លោក ឈូកៀត អូផាសវង់សេ (Chookiat Ophaswongse) ប្រធានកិត្តិយសនៃសមាគមអ្នកនាំចេញអង្ករថៃ បានព្យាករថា តម្លៃអង្ករនៅលើទីផ្សារអន្តរជាតិ នឹងបន្តកើនឡើងកាន់តែខ្ពស់នៅក្នុងត្រីមាសទី២ឆ្នាំ២០២៤។ ការព្យាករបែបនេះ ធ្វើឡើងក្រោយលោកមើលឃើញថា បាតុភូតអែលនីណូ បាននិងកំពុងបង្កផលប៉ះពាល់ដល់ផលិតកម្មស្រូវរបស់ប្រទេសជាច្រើននៅក្នុងតំបន់អាស៊ាន និងលើពិភពលោក គួបផ្សំឥណ្ឌាដែលជាប្រទេសនាំចេញអង្ករធំជាងគេលើពិភពលោកបន្តអនុវត្តវិធានការរឹតបន្តឹងការនាំចេញ។
យ៉ាងណាក៏ដោយរូបនេះព្យាករថា ការនាំចេញអង្កររបស់ថៃនៅក្នុងត្រីមាសទី២ឆ្នាំនេះអាចនឹងមានការថមថយដោយសារការប្រកួតប្រជែងកាន់តែខ្លាំង ខណៈវៀតណាមដល់ពេលប្រមូលផលស្រូវ។ នៅក្នុងត្រីមាសទី១កន្លងទៅ ថៃសម្រេចបានការនាំចេញអង្ករជាង២លាន៥សែនតោន ដែលភាគច្រើនត្រូវបាននាំចេញទៅកាន់ទីផ្សារអាស៊ីអាគ្នេយ៍ដូចជាឥណ្ឌូនេស៊ី ហ្វីលីពីន និងម៉ាឡេស៊ី ក៏ដូចជាទៅអាហ្វ្រិក និងមជ្ឈិមបូព៌ា។
តាមរយៈលទ្ធផលនេះបានធ្វើឱ្យអ្នកជំនាញរូបនេះរំពឹងថា ការនាំចេញអង្កររបស់ថៃនៅឆ្នាំនេះទំនងជានឹងឈានដល់៨លានតោនជាមួយនឹងតម្លៃប៉ាន់ស្មានជាង១ពាន់លានដុល្លារ គឺកើនលើសការព្យាករកាលពីខែមុន ដែលរំពឹងសម្រេចបានជិត៧.៥លានតោនជាមួយនឹងតម្លៃប៉ាន់ស្មានជាង៩១០លានដុល្លារ។
គួរបញ្ជាក់ថា គិតត្រឹមថ្ងៃទី២៧ ខែមីនា តម្លៃអង្ករធម្មតារបស់ថៃមានតម្លៃ៦០១ដុល្លារក្នុងមួយតោន ខណៈដែលតម្លៃអង្ករនៅប្រទេសវៀតណាមមានតម្លៃចន្លោះពី៥៨២-៥៨៦ដុល្លារក្នុងមួយតោន ហើយនៅប៉ាគីស្ថានមានតម្លៃចន្លោះពី៦០៥-៦០៩ដុល្លារក្នុងមួយតោន៕
អត្ថបទ៖ ព្រាប ស
None
