ការហក់ឡើងខ្ពស់របស់ប្រាក់ដុល្លារអាម៉េរិក បានទាញទម្លាក់តម្លៃរូបិយប័ណ្ណសកលឱ្យធ្លាក់ចុះ

សន្ទស្សន៍ហាងឆេងប្រាក់ដុល្លារអាម៉េរិករបស់ Bloomberg បានបង្ហាញថា តម្លៃប្រាក់ដុល្លារកើនឡើងរហូតដល់០.៥% កាលពីថ្ងៃព្រហស្បតិ៍ ដែលជាចំនួនច្រើនបំផុតគិតចាប់តាំងពីដើមខែមិថុនា។ ការកើនឡើងនេះបានកើតឡើងបន្ទាប់ពីលោក ត្រាំ បាននិយាយក្នុងបទសម្ភាសមួយថា ប្រាក់ដុល្លាររឹងមាំ គឺជាបន្ទុកដ៏ធំធេងសម្រាប់សេដ្ឋកិច្ចសហរដ្ឋអាម៉េរិក។

ប្រាក់ដុល្លារកើនឡើងនេះបានទាញទម្លាក់តម្លៃរូបិយប័ណ្ណសកលមួយចំនួន។ ជាក់ស្ដែងតម្លៃប្រាក់អឺរ៉ូបានធ្លាក់ចុះ០,៤% បន្ទាប់ពីធនាគារកណ្តាលអឺរ៉ុបបានផ្តល់សញ្ញាថា អាចនឹងមានការផ្លាស់ប្តូរដោយបើកចំហទូលំទូលាយនៅក្នុងខែកញ្ញា។ រីឯប្រាក់យ៉េនរបស់ជប៉ុនបានធ្លាក់ចុះប្រហែល០,៨% ខណៈដែលប្រាក់ប៉េសូរបស់ម៉ិកស៊ិក បានធ្លាក់ថ្លៃ២% បើធៀបនឹងប្រាក់ដុល្លារ៕

អត្ថបទ៖ សុខ មង្គល