តើគំនិតផ្តួចផ្តើមខ្សែក្រវាត់ និងផ្លូវផ្តល់ផលប្រយោជន៍អ្វីខ្លះដល់កម្ពុជា?
មន្ត្រីជាន់ខ្ពស់ក្រសួងកសិកម្ម បញ្ជាក់ថា កិច្ចសហប្រតិបត្តិការ រវាងកម្ពុជា និងចិន លើវិស័យកសិកម្មក្រោមក្របខណ្ឌ «ខ្សែក្រវាត់ និងផ្លូវ» បានបង្ហាញឱ្យ…
ទន្ទឹមនឹង ការចាប់ផ្ដើមបង្ហូរឧស្ម័នទៅកាន់អឺរ៉ុបឡើងវិញ ទីក្រុងម៉ូស្គូ ក៏បានព្រមានលោកខាងលិច ឲ្យឈប់ផ្តល់ជំនួយអាវុធដល់អ៊ុយក្រែនផងដែរ។
បើយោងតាមរដ្ឋមន្ត្រីការបរទេសរុស្ស៊ីលោក Sergei Lavrov បានបង្ហាញថា គោលដៅរបស់វិមានក្រឹមឡាំងនឹងបន្តការផ្គត់ផ្គង់ឧស្ម័នឡើងវិញនៃបំពង់បង្ហូរប្រេង Nord Stream 1 បន្ទាប់ពីបានផ្អាកដើម្បីជួសជុលអស់រយៈពេល ១០ ថ្ងៃកន្លងមក។ ថ្វីបើបែបនេះក្តី លោក Sergei Lavrov បានប្រាប់ទីភ្នាក់ងារសារព័ត៌មានរដ្ឋរុស្ស៊ីកាលពីថ្ងៃពុធ ទី ២០ ខែកក្កដាថា ការចូលវាយលុករបស់យោធារុស្ស៊ីនៅអ៊ុយក្រែនឥឡូវនេះបានហួសពីតំបន់ Donbas ភាគខាងកើតនៃប្រទេសអ៊ុយក្រែនហើយ។ លោក Lavrov ក៏បានព្រមានប្រាប់លោកខាងលិចថា ទីក្រុងមូស្គូមានគោលដៅនឹងពង្រីកការវាយលុកបន្ថែមទៀតប្រសិនបើលោកខាងលិចបន្តផ្តល់ជំនួយផ្គត់ផ្គង់ដល់ទីក្រុង Kyiv នូវអាវុធដែលមានសមត្ថភាពបាញ់បានរយៈចម្ងាយឆ្ងាយ ឬបាញ់មកដល់ទឹកដីរុស្ស៊ី ដូចជាប្រព័ន្ធរ៉ុក្កែតដែលផលិតដោយសហរដ្ឋអាមេរិកជាដើម។ រដ្ឋមន្ត្រីការការបរទេសរុស្ស៊ីរូបនេះបានបន្ថែមថា ការវាយលុកនឹងនៅតែបន្ត ហើយការចរចាសន្តិភាពមិនមានន័យអ្វីឡើយនៅពេលនេះ។ ប៉ុន្តែ អ្នកនាំពាក្យវិមានក្រឹមឡាំង លោក Dmitry Peskov បានប្រាប់ទីភ្នាក់ងារព័ត៌មាន RIA Moscow ថា ខ្លួននឹងមិនបិទទ្វារក្នុងកិច្ចចរចាជាមួយទីក្រុង Kyiv នោះទេ បើទោះបីជាមានការអត្ថាធិប្បាយរបស់លោក Lavrov បែបនេះក៏ដោយ។
គួររំឭកថា ការព្រួយបារម្ភថា ការផ្គត់ផ្គង់ឧស្ម័នរបស់រុស្ស៊ីដែលបញ្ជូនតាមបំពង់បង្ហូរប្រេងដ៏ធំបំផុតនៅអឺរ៉ុបអាចត្រូវបានបញ្ឈប់ ដោយទីក្រុងម៉ូស្គូបានជំរុញឱ្យសហភាពអឺរ៉ុប ប្រាប់រដ្ឋសមាជិកកាលពីថ្ងៃពុធ ទី ២០ ខែកក្កដា ឱ្យកាត់បន្ថយការប្រើប្រាស់ឧស្ម័ន ១៥% របស់ខ្លួន ក្រោយពេលរុស្ស៊ីព្រមានបន្ដផ្អាកការផ្គត់ផ្គង់។
ប្រធានគណៈកម្មការសហភាពអឺរ៉ុបលោកស្រី Ursula von der Leyen បាននិយាយថា រុស្ស៊ីកំពុងចង់គំរាមសហភាពអឺរ៉ុប ដោយកំពុងប្រើវិស័យថាមពល មកធ្វើជាអាវុធ ខណៈវាអាចទៅរួច ដែលទីក្រុងម៉ូស្គូអាចនឹងកាត់ផ្តាច់ទាំងស្រុងនៃលំហូរឧស្ម័នទៅកាន់ប្លុននេះ ហើយអឺរ៉ុបចាំបាច់ត្រូវត្រៀមខ្លួនឲ្យរួចរាល់សម្រាប់រឿងនេះ។
មែនទែនទៅ បុរសខ្លាំងលោក ពូទីន ធ្លាប់បានព្រមានថា ការផ្គត់ផ្គង់ឧស្ម័នតាមរយៈ Nord Stream អាចនឹងកាត់បន្ថយ ដោយសារកាលៈទេសៈមិនអំណោយផល។ ទោះយ៉ាងណា ប្រទេសរុស្ស៊ី ដែលជាប្រទេសនាំចេញឧស្ម័នដ៏ធំបំផុតរបស់ពិភពលោកបានបដិសេធការចោទប្រកាន់របស់លោកខាងលិច ដែលថាខ្លួន បានប្រើប្រាស់ការផ្គត់ផ្គង់ថាមពលធ្វើជាឧបករណ៍ដើម្បីគំរាមកំហែង ហើយទីក្រុងម៉ូស្គូបានបញ្ជាក់ពីគោលជំហររបស់ខ្លួនថា រុស្ស៊ីនៅតែជាអ្នកផ្គត់ផ្គង់ថាមពល ដែលអាចទុកចិត្តបាន។
យ៉ាងណាមិញ បើតាមទីភ្នាក់ងារព័ត៌មាន Interfax បានដកស្រង់សម្តីឧបនាយករដ្ឋមន្ត្រីរុស្ស៊ី លោក Alexander Novak បាននិយាយកាលពីថ្ងៃពុធសប្តាហ៍នេះថា រុស្ស៊ីនឹងមិនបន្តការផ្គត់ផ្គង់ថាមពលទៅកាន់ទីផ្សារពិភពលោកទេ ប្រសិនបើមានការកំណត់តម្លៃក្រោមតម្លៃផលិតកម្ម៕
