ការលក់គ្រំចំពុះទារបស់សហគមន៍ពាមក្រសោបមានការកើនឡើង តែពុំសូវទទួលបានប្រាក់ចំណេញ តើមកពីមូលហេតុអ្វី?

បើតាមការគូសបញ្ជាក់របស់ លោក វង្ស តារា ប្រធានសហគមន៍ពាមក្រសោប និងជាម្ចាស់សិប្បកម្មកែច្នៃគ្រំចំពុះទា និងបង្គាក្រៀម ការផ្គត់ផ្គង់គ្រំចំពុះទានៅលើទីផ្សារក្នុងស្រុកមានការកើនឡើងពី១៥ ទៅ២០% ស្របពេលដែលការបញ្ជាទិញពីឈ្មួញបរទេសមានការធ្លាក់ចុះ។

ទោះបីទំហំលក់មានការកើនឡើងក៏ពិតមែន ប៉ុន្តែអ្នកចិញ្ចឹមគ្រំចំពុះទាមួយចំនួនជាសមាជិករបស់សហគមន៍ ពុំសូវទទួលបានប្រាក់ចំណេញនោះទេ ដោយសារតម្លៃមានការធ្លាក់ចុះ ពោលគឺការលក់ចេញទាំងមូលពុំទាន់សម្អាតមានតម្លៃចន្លោះពី៧រយរៀលទៅ៨រយរៀលក្នុង១គីឡូក្រាម ខណៈពេលកន្លងទៅអាចលក់បានតម្លៃប្រមាណ១ពាន់៥រយរៀលក្នុង១គីឡូក្រាម។

អត្ថបទ៖ បូ ដូឡា, រូបភាព តែន ចិន