ថ្នាក់ដឹកនាំសាលានេះ បានប្រកាសបិទទ្វារបណ្ដោះអាសន្ន នៅថ្ងៃទី ២៧ កុម្ភៈនេះ បន្ទាប់ពីមានការរាយការណ៍ថា តាយាយ របស់សិស្សម្នាក់នោះ ត្រូវបានឆ្លងនូវវីរុស Covid 19 បន្ទាប់ពីពួកគាត់បានត្រឡប់មកពី ធ្វើដំណើរកម្សាន្ដជាក្រុម ៥ថ្ងៃ នៅកៅហុកកៃដូ កាលពីថ្ងៃព្រហស្បត្តិ៍សប្ដាហ៍មុននេះ។ ក្មេងប្រុស ជាចៅរបស់យាយតាដែលមានផ្ទុកវីរុសនេះ បានរស់នៅជាមួយគ្នានៅក្នុងផ្ទះ ក៏បានឆ្លងនូវមេរោគនេះដែរ។
តាយាយទាំងពីរនាក់ បានជូនចៅប្រុសរបស់គាត់ទៅសាលា កាលពីថ្ងៃចន្ទសប្ដាហ៍នេះ មុនពេលពួកគាត់ ពេលដែលពួកគាត់បានធ្វើតេស្ដមេរោគ រកឃើញវិជ្ជមាន នៅថ្ងៃដដែលនោះ។
អត្ថបទទាក់ទង!
ការិយាល័យនៃគណៈកម្មការ អប់រំឯកជន ត្រូវបានជូនដំណឹងអំពីការឆ្លងមេរោគនេះ នៅល្ងាចថ្ងៃអង្គារ ទី២៦ កុម្ភៈនេះ។ សាលា Pharaharuthai Donmuang ដែលមានបង្រៀនសិស្សថ្នាក់បឋមសិក្សា និងមធ្យមសិក្សា បានអនុញ្ញាតឲ្យសិ្ស ឈប់សម្រាកកាលពីថ្ងៃអង្គារតទៅ ដើម្បីឲ្យពួកគេត្រៀមប្រលងចុងក្រោយរបស់ពួកគេ។ ការបិទសាលា នឹងបញ្ចប់ និងបើកឲ្យសិស្សចូលរៀនវិញ នៅថ្ងៃទី ០៩ ខែមីនាខាងមុខ ពោលគឺមានរយៈពេល ១៤ ថ្ងៃ។
ការិយាល័យស្រុក ដនមឿង បានឲ្យដឹងថា មានសិស្សចំនួន ៣០នាក់ក្នុងថ្នាក់រៀនជាមួយក្មេងប្រុសនោះ និងមានគ្រូដល់ ១១នាក់ បានបង្រៀនសិស្សទាំងអស់នោះ។ ពួកគេត្រូវបានដាក់ឲ្យនៅដាច់ដោយឡែកពីផ្ទះ ក្នុងរយៈពេល ១៤ថ្ងៃ។
ក្មេងប្រុសមានផ្ទុកមេរោគកូរ៉ូណានោះ ត្រូវបានបញ្ជុនទៅកាន់មន្ទីរពេទ្យ ដើម្បីព្យាលបាល។ នៅមានមនុស្ស ប្រហែល ១០០នាក់ផ្សេងទៀត គឺបានជាប់ទាក់ទងនឹងមនុស្សដែលត្រូវបានគេដាក់ឲ្យនៅដាច់ដោយឡែកខាងលើនេះ ហើយពួកគេក៏ត្រូវបានណែនាំឲ្យនៅឆ្ងាយពីកន្លែងដែលមានមនុស្សច្រើន ផងដែរ។
សូមបញ្ជាក់ថា គិតមកទល់ នឹងថ្ងៃទី ២៧ ខែកុម្ភៈនេះ ប្រទេសថៃ មានករណីឆ្លងវីរុស Covid 19 ចំនួន ៤០ ករណីហើយ។ ខណៈដែលអ្នកដែលបានឆ្លងនូវមេរោគនេះ នៅទូទាំងពិភពលោក មានជាង ៨ម៉ឺននាក់ ខណៈអ្នកស្លាប់មាន ២.៧៦៨ នាក់ និងអ្នកដែលត្រូវបានព្យាបាលសះស្បាយ មាន ៣០.២៨១ នាក់។ ក្រៅពីប្រទេសចិន ដែលមានឆ្លងវីរុសនេះច្រើនជាងគេ រហូតដល់ប្រមាណជិត ៨ម៉ឺននាក់នោះ ប្រទេសកូរ៉េខាងត្បូ គឺកំពុងឈរបន្ទាប់ពីចិន ដែលមានករណីឆ្លង ចំនួន ១.២៦១ ករណី បន្ទាប់មក គឺអ៊ីតាលី មាន ៣២២ ករណី, ជប៉ុន មាន ១៧៨ ករណី, អៀរ៉ង់មាន ១៣៩ ករណី, សាំងហ្គាពួរមាន ៩១ ករណី, ទីក្រុងហុងកុង ៨៩ ករណី និងអាមេរិក មាន៥៧ ករណី៕
None
