វិធានការនេះជាផ្នែកមួយនៃគំនិតផ្ដួចផ្ដើមរបស់ធនាគាររដ្ឋវៀតណាម (SBV) ដើម្បីជួយសង្គ្រោះក្រុមហ៊ុនទាំងឡាយពីការខូចខាតដែលបង្កឡើងដោយការរាតត្បាតនៃវីរុស កូរ៉ូណា (ឬ Covid-19)។
នាយកផ្នែកឥណទានរបស់ធនាគារ SBV បាននិយាយថា ធនាគារភាគច្រើនបំផុតបានយល់ព្រមទម្លាក់អត្រាការប្រាក់របស់ខ្លួន ចន្លោះពី ០,៥ ដល់ ១% និងលុបចោលថ្លៃសេវាទូទាត់និងផ្ទេរប្រាក់ សម្រាប់ក្រុមហ៊ុននានាដែលទទួលរងផលប៉ះពាល់ពីមេរោគ Covid-19។
រដ្ឋាភិបាលវៀតណាម ក៏បានបញ្ជាឲ្យក្រសួងហិរញ្ញវត្ថុ កាត់បន្ថយអត្រាពន្ធ និងថ្លៃសេវានានាសម្រាប់ក្រុមហ៊ុនធុរកិច្ចទាំងឡាយ ដែលរងផលប៉ះពាល់ដោយសារមេរោគ Covid-19 ផងដែរ ដោយកាត់បន្ថយក្នុងទឹកប្រាក់ប្រមាណ ១,៣ប៊ីលានដុល្លារ។
អត្ថបទទាក់ទង
ទាំងនេះជាវិធានការចម្បងៗ ដែលរដ្ឋាភិបាលវៀតណាមបានដាក់ចេញ ដើម្បីជួយជំរុញកំណើនសេដ្ឋកិច្ច ខណៈដែលការឆ្លងរាតត្បាតនៃវីរុស Covid-19 បានវាយប្រហារទៅលើវិស័យជាច្រើន រួមមាន ទេសចរណ៍ អាកាសចរណ៍ និងពាណិជ្ជកម្ម។
ឆ្នាំ២០២០នេះ កំណើន GDP របស់វៀតណាម ត្រូវគេរំពឹងថា នឹងមានកម្រិតទាបបំផុតដែលមិនធ្លាប់មានក្នុងរយៈពេល ៧ឆ្នាំចុងក្រោយនេះ ដោយក្រសួងផែនការនិងវិនិយោគព្យាករកំណើនត្រឹមតែ ៥,៩៦% ប៉ុណ្ណោះ សម្រាប់ឆ្នាំនេះ៕ (ប្រភព៖ VN Express)
