លោក ដេនីស ភូស៊ីលីន (Denis Pusilin) ជាមេដឹកនាំនៃតំបន់បំបែកខ្លួនដូណេត (Donetsk) ដែលគាំទ្រដោយរុស្ស៊ីនោះ បាននិយាយនៅព្រឹកថ្ងៃទី ១៣មិថុនាថា នៅក្នុងតំបន់របស់ខ្លួនកំពុងមានការប្រយុទ្ធគ្នាយ៉ាងខ្លាំងជាមួយកងទ័ពអ៊ុយក្រែន។ ហើយលោកបាននិយាយថា "កងកម្លាំងទាំងអស់របស់លោក និងកងទ័ពសម្ព័ន្ធមិត្តឯទៀត នឹងរួមគ្នាជាមួយយោធារុស្ស៊ី ក្នុងការចូលរួមប្រយុទ្ធតទល់នឹងសត្រូវ"។ មេដឹកនាំតំបន់បំបែកខ្លួននេះ ក៏បានស្នើឲ្យទីក្រុងម៉ូស្គូបញ្ជូនទាហានមកបន្ថែមទៀត ដើម្បីឲ្យខ្លួនប្រយុទ្ធជាមួយនឹងកងទ័ពអ៊ុយក្រែន។
អ្នកនាំពាក្យវិមានក្រឹមឡាំង លោក ឌីមីទ្រី ពេស្កូវ (Dmitry Peskov) ដែលត្រូវបានដកស្រង់សម្តីដោយទីភ្នាក់ងារសារព័ត៌មានក្នុងស្រុករុស្សី បាននិយាយថា "និយាយរួមការការពារសាធារណរដ្ឋទាំងពីរ គឺជាគោលដៅសំខាន់នៃប្រតិបត្តិការយោធាពិសេសរបស់ទីក្រុងម៉ូស្គូ" ។
សូមរំឭកបន្ដិចថា តំបន់ដូណេតស្គ៍ (Donetsk) និងលូហាន (Luhansk) គឺជាតំបន់បំបែកខ្លួនពីតំបន់ Donbas នៅភាគខាងកើតនៃប្រទេសអ៊ុយក្រែនដែលគាំទ្រដោយរុស្ស៊ី ហើយទីក្រុងម៉ូស្គូប្រាប់ថា តំបន់ទាំងពីរនោះកំពុងប្រយុទ្ធ ដើម្បីរំដោះខ្លួនទាំងស្រុងចេញការគ្រប់គ្រងរបស់ទីក្រុងបស់កៀវ។
អត្ថបទគួរអានលោក ដេនីស ភូស៊ីលីន (Denis Pusilin) ជាមេដឹកនាំនៃតំបន់បំបែកខ្លួនដូណេត (Donetsk) ដែលគាំទ្រដោយរុស្ស៊ីនោះ បាននិយាយនៅព្រឹកថ្ងៃទី ១៣មិថុនាថា នៅក្នុងតំបន់របស់ខ្លួនកំពុងមានការប្រយុទ្ធគ្នាយ៉ាងខ្លាំងជាមួយកងទ័ពអ៊ុយក្រែន។ ហើយលោកបាននិយាយថា "កងកម្លាំងទាំងអស់របស់លោក និងកងទ័ពសម្ព័ន្ធមិត្តឯទៀត នឹងរួមគ្នាជាមួយយោធារុស្ស៊ី ក្នុងការចូលរួមប្រយុទ្ធតទល់នឹងសត្រូវ"។ មេដឹកនាំតំបន់បំបែកខ្លួននេះ ក៏បានស្នើឲ្យទីក្រុងម៉ូស្គូបញ្ជូនទាហានមកបន្ថែមទៀត ដើម្បីឲ្យខ្លួនប្រយុទ្ធជាមួយនឹងកងទ័ពអ៊ុយក្រែន។ អ្នកនាំពាក្យវិមានក្រឹមឡាំង លោក ឌីមីទ្រី ពេស្កូវ (Dmitry Peskov) ដែលត្រូវបានដកស្រង់សម្តីដោយទីភ្នាក់ងារសារព័ត៌មានក្នុងស្រុករុស្សី បាននិយាយថា "និយាយរួមការការពារសាធារណរដ្ឋទាំងពីរ គឺជាគោលដៅសំខាន់នៃប្រតិបត្តិការយោធាពិសេសរបស់ទីក្រុងម៉ូស្គូ" ។ សូមរំឭកបន្ដិចថា តំបន់ដូណេតស្គ៍ (Donetsk) និងលូហាន (Luhansk) គឺជាតំបន់បំបែកខ្លួនពីតំបន់ Donbas នៅភាគខាងកើតនៃប្រទេសអ៊ុយក្រែនដែលគាំទ្រដោយរុស្ស៊ី ហើយទីក្រុងម៉ូស្គូប្រាប់ថា តំបន់ទាំងពីរនោះកំពុងប្រយុទ្ធ ដើម្បីរំដោះខ្លួនទាំងស្រុងចេញការគ្រប់គ្រងរបស់ទីក្រុងបស់កៀវ។
លើសពីនេះ ប្រទេសរុស្ស៊ីថែមទាំងបានទទួលស្គាល់តំបន់ទាំងពីរនេះជារដ្ឋឯករាជ្យទៀតផង មុនការចូលឈ្លានពានទៅលើអ៊ុយក្រែន។ មែនទែនទៅ ក្រុមបំបែកខ្លួននេះ បានវាយប្រយុទ្ធ និងបានកាន់កាប់ទឹកដីដ៏ធំមួយចំណែកនៅភាគខាងកើតអ៊ុយក្រែនចាប់តាំងពីឆ្នាំ ២០១៤ មក។
ទោះជាយ៉ាងណានេះក្តី ខណៈពេលដែលស្ថានការសង្គ្រាមរវាងរុស្សី និងអ៊ុយក្រែននៅតែមិនទាន់ដឹងឈ្នះចាញ់ ប្រធានាធិបតីអ៊ុយក្រែនលោក ហ្សេលេនស្គី បានស្នើសុំឱ្យអធិការបតីអាល្លឺម៉ង់ ដែលទើបចូលកាន់តំណែង លោក អូឡាហ្វ ឆូលហ្ស៍ (OlaF Scholz) ឲ្យបង្ហាញនូវជំហរគាំទ្ររបស់ខ្លួន ដោយឥតលាក់លាមជាមួយទីក្រុងកៀវ ដោយមិនគួរមានការការព្រួយបារម្ភអំពីផលវិបាក នៃទំនាក់ទំនងជាមួយរុស្សីនោះទេ។
លោក ហ្សេលេនស្គី ដែលបានធ្វើសេចក្តីអធិប្បាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយរបស់អាឡឺម៉ង់មួយថា អធិការបតីអាល្លឺម៉ង់ អាចនឹងធ្វើដំណើរជាលើកដំបូងរបស់ខ្លួនទៅកាន់ទីក្រុងកៀវ នៅថ្ងៃព្រហស្បតិ៍សប្តាហ៍នេះ ចាប់តាំងពីសង្គ្រាមចាប់ផ្តើមមក។
លោកហ្សេលេនស្គីបានមានប្រសាសន៍ថា "លោក ឆូលហ្ស៍ ដែលជាអធិការបតីអាល្លឺម៉ង គួរតែបង្ហាញពីភាពប្រាកដប្រជាក្នុងការគាំទ្រដល់អ៊ុយក្រែន" ។ លោកថែមទាំងបានចោទសួរ លោក ឆូលហ្ស៍ និងរដ្ឋាភិបាលរបស់អាល្លឺម៉ង់ថា តើពិតជាមិនអាចសំរេចយកបានទេឬ រវាងអ៊ុយក្រែន និងទំនាក់ទំនងជាមួយរុស្ស៊ី"។
ទោះបីយ៉ាងណា កាលពីព្រឹកថ្ងៃច័ន្ទលោក អូឡាហ្វ ឆូលហ្ស៍ (OlaF Scholz) បានប្រាប់អ្នកយកព័ត៌មានថា ប្រទេសអាឡឺម៉ង់បានបញ្ជូនប្រព័ន្ធកាំភ្លើងធំចល័តទំនើបបំផុតរបស់ពិភពលោកទៅឲ្យអ៊ុយក្រែនរួចហើយ ដោយបន្ថែមថា តែវាត្រូវចំណាយពេល ដើម្បីឲ្យអាឡឺម៉ង់បណ្តុះបណ្តាលកងទ័ពអ៊ុយក្រែនឱ្យចេះប្រើវាសិន៕
អត្ថបទ៖ ហ៊ុន គន្ធថៃ
None
