តើមានកត្តាអ្វីខ្លះ ធ្វើឲ្យតម្រូវការជំនួយមនុស្សធម៌នឹងកើនខ្លាំងនៅឆ្នាំ២០២២?
ព័ត៌មាន
•
នៅឆ្នាំ២០២២ខាងមុខ តម្រូវការផ្នែកជំនួយមនុស្សធម៌នឹងកើនឡើងខ្លាំងនៅទូទាំងពិភពលោក នៅគ្រាដែលមេរោគរាតត្បាតនៅតែបន្ដផ្ទុះរាលដាល គួបផ្សំនឹងបញ្ហាប្…
ប្រទេសកូរ៉េខាងត្បូង នឹងតម្រូវឱ្យអ្នកធ្វើដំណើរពីបរទសទាំងអស់ ត្រូវតែធ្វើចត្តាឡីស័ក រយៈពេល ១០ ថ្ងៃ ហើយវិធានការនេះនឹងអនុវត្តក្នុងរយៈពេល ២ សប្តាហ៍ គិតចាប់ពីថ្ងៃសុក្រសប្ដាហ៍នេះតទៅ ព្រមទាំងធ្វើចត្តាឡីស័កចំពោះអ្នកដែលបានចាក់វ៉ាក់សាំងរួចផងដែរ។ វិធានការនេះបានធ្វើឡើងបន្ទាប់ពីកូរ៉េខាងត្បូងបានរកឃើញករណីមេរោគបំប្លែងថ្មី អូមីក្រុង ចំនួន ៥ ករណីដំបូងក្នុងប្រទេសខ្លួន។ គួរបញ្ជាក់ថា អ្នកដំណើរដែលមានផ្ទុកមេរោគ អូមីក្រុង នេះ មកពីប្រទេសនីហ្សេរីយ៉ា ហើយក្នុងចំណោមអ្នកទាំង ៥ នាក់ មាន ២នាក់ បានចាក់វ៉ាក់សាំងរួចរាល់ហើយ។
ពេលនេះរដ្ឋាភិបាលកូរ៉េខាងត្បូង កំពុងដាក់ការរឹតត្បិតលើការធ្វើដំណើរពីប្រទេសចំនួន៨ បន្ថែម រួមទាំងអាហ្វ្រិកខាងត្បូង ដែលជាកន្លែងរកឃើញមេរោគបំប្លែងថ្មីដំបូងគេផងដែរ។
ទីភ្នាក់ងារគ្រប់គ្រង និង បង្ការជំងឺរបស់កូរ៉េ (KDCA) អះអាងថា ករណីឆ្លងចំនួនជាង ៥ពាន់ករណី កាលពីថ្ងៃទី១ធ្នូ បន្ទាប់ពីចំនួនឆ្លងប្រចាំថ្ងៃបានកើនឡើងលើសពី ៥ពាន់ករណី ជាលើកដំបូង ចំពេលមានការព្រួយបារម្ភអំពីការកើនឡើងយ៉ាងខ្លាំង ចំពោះអ្នកជំងឺដែលមានរោគសញ្ញាធ្ងន់ធ្ងរ។ ហើយរហូតមកដល់ពេលនេះ ការឆ្លងសរុបនៅកូរ៉េខាងត្បូង បានកើនឡើងដល់ ៤៥ម៉ឺននាក់ ជាមួយនឹងអ្នកស្លាប់ចំនួន ៣ពាន់ ៧រយនាក់ ។
ដោយឡែក អត្រានៃការចាក់វ៉ាក់សាំងកូវីដ១៩ របស់ប្រទេសនេះវិញ បានកើនឡើងដល់ ៩២% នៃមនុស្សពេញវ័យ ហើយបច្ចុប្បន្នក៏កំពុងផ្តោតលើការចាក់វ៉ាក់សាំងជូនកុមារ និងកម្មវិធីចាក់ដូសជំរុញផងដែរ។ ទោះយ៉ាងណា អ្នកជំនាញបានព្រមានថាករណីឆ្លងអាចនៅតែមានបន្តកើនឡើងខ្ពស់ ដោយសារតែមេរោគបំប្លែងថ្មី អូមីក្រុង៕
អត្ថបទ៖ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
