ការប្តេជ្ញាចិត្តរបស់ក្រុមហ៊ុន Foxconnនេះសបញ្ជាក់ឲ្យឃើញពីមហិច្ឋតាដ៏សម្បើមរបស់ក្រុមហ៊ុនតៃវ៉ាន់ Foxconn ចំពោះទីផ្សារឧស្សាហកម្មរថយន្ដអគ្គិសនីពិភពលោក។
អាជីវកម្មផលិតរថយន្ដអគ្គិសនីរបស់ក្រុមហ៊ុន Foxconn បានចាប់ផ្ដើមលេចចេញជារូបរាងឡើងហើយ ដោយនៅថ្ងៃចន្ទដើមសប្ដាហ៍នេះក្រុមហ៊ុនតៃវ៉ាន់មួយនេះ ទើបតែបានដាក់បង្ហាញនូវរូបរាងប្រភេទរថយន្ដអគ្គិសនីរបស់ខ្លួនចំនួន៣ប្រភេទ ដោយក្នុងនោះ មានពីរប្រភេទជារថយន្ដប្រភេទទេសចរណ៍ធម្មតា និង មានមួយប្រភេទទៀត ជារថយន្ដក្រុង។
អ្វីដែលគេចាប់អារម្មណ៍ មិនត្រឹមតែនៅលើរូបរាងរបស់រថយន្ដថ្មីនេះប៉ុណ្ណោះទេ ប៉ុន្ដែ គេចាប់អារម្មណ៍ខ្លាំង គឺត្រង់ដែលប្រធានក្រុមហ៊ុន Foxconn លោក យ៉ុង លាវ (Young Liu) បាន ប្រកាសក្ដែងថា នៅ៥ឆ្នាំខាងមុខ ពោលគឺនៅត្រឹមឆ្នាំ២០២៦ លោកមានគោលដៅធ្វើឲ្យអាជីវកម្មផលិតរថយន្ដអគ្គិសនីរបស់ក្រុមហ៊ុននេះ នឹងអាចរកចំណូលបានដល់ទៅជិត៣៦ពាន់លានដុល្លារអាមេរិក។អត្ថបទគួរអាន
កាលពីឆ្នាំ២០២០ ប្រាក់ចំណូលសរុបរបស់ក្រុមហ៊ុន Foxconn ទាំងមូល សម្រេចបានដល់ទៅប្រមាណ ១២០ពាន់លានដុល្លារអាមេរិក។ សម្រាប់ឆ្នាំ២០២១នេះ ក្រុមហ៊ុន រំពឹងថាចំណូលពីអាជីវកម្មពាក់ព័ន្ធនឹងការផលិតរថយន្ដអគ្គិសនីរបស់ខ្លួនជាលើកដំបូងនឹងសម្រេចបានជាង ៣៥៦លានដុល្លារ។
ប្រធានក្រុមហ៊ុន Foxconn បានគូសបញ្ជាក់ទៀតថា រោងចក្រផលិតនៅក្នុងតំបន់ គឺជានិន្នាការចម្បងសម្រាប់ឧស្សាហកម្មរថយន្ដអគ្គិសនី ដោយសារតែការផលិតរថយន្ដគឺនៅកៀកនឹងទីផ្សារ ដែលអាចលក់បាន ដើម្បីជំរុញការរក្សាថ្លៃដើមផលិតនៅក្នុងកម្រិតទាប។ តាមផែនការ ក្រុមហ៊ុនតៃវ៉ាន់មួយនេះ ក៏នឹងប្រកាសអំពីគម្រោងបើករោងចក្រផលិតរថយន្ដអគ្គិសនីនៅក្នុងតំបន់អឺរ៉ុប និង មានផែនការនឹងបង្កើតរោងចក្រនៅក្នុងប្រទេសថៃ នៅឆ្នាំ២០២៣ ដើម្បីបំពេញតម្រូវការទីផ្សាររថយន្ដអគ្គិសនីនៅក្នុង តំបន់អាស៊ីអាគ្នេយ៍ ហើយគម្រោងនេះ គឺមានកិច្ចសហប្រតិបត្តិការជាមួយនឹងក្រុមហ៊ុនប្រេង និងឧស្ម័នដ៏ធំរបស់ថៃ គឺ PTT។ នៅឆ្នាំ២០២៥ខាងមុខ ក្រុមហ៊ុន Foxconn គ្រោងនឹងដណ្ដើមចំណែកទីផ្សាររថយន្ដអគ្គិសនីឲ្យបានយ៉ាងហោចណាស់៥% នៃទីផ្សារសកលលោក៕
None
